🥂✦#عـشـق_الـكـفـيــف✦🥂
#عـــشقهااا_جـــهنم🍷
•بأنِأّمًلَ:مًـــلاکْ هّـانســـِـلَ•[mıııııLka🍫].
•واالى كان عشقك جهنم...انا جمرة من جمرات ناارها بالحر نعقر ونعققم•
▪عشقك حلااال...وعشرتك حرااام▪.
Prt:86
"اذن غانخلي أول محاكمة تكون فهاد اليومين"
هز راسو بالإيجاب وحط يدو على راسها.
سيف:وردي بالك لراسك الله يرضي عليك ....أي واحد من أعدائي لي دايرين بيا وبيك ملي يسمعو باللي تكفلتي بقضيتي غايبداو يحفرو ليك...اي خطوة خطيتيها درسيها.
هزات راسها بواخا مبتاسمة وردات الملف لصاكها ملي سمعات صوت الحارس مكلمها...تلفتات لعندو وتبسمات لجنب ملي شافت ان الحارسة لخرا مارجعاتش يمكن حيت تحرجات.
"شاف...مدة زيارة السجناء من المحققين العلميين للمنضمات المخابراتية لا تتجاوز ساعة ..استسمح".
هزات راسها بواخا وغلقات عويناتها وفتحاتهم لسيف بحركة مطمئنة وتقدمات خارجة...تبعها سيف العين وتم تم خرج عيننيه بعصبية ملي شاف الحارس كالا عليها بيديه من جنابها باش تخرج زعما.
سيف:تمسسسهااا نقطعهم ليك.
خونا دغيا خطف يدو وعشق حبسات الضحكة خارجة بلا ماتتلفث لوراها....قدمات الملف لرئيس السجن باش يدفعو لمخفر الشرطة الرئيسي وخرجات للشيفور طالبة منو يخرجها للمنضمة المهنية...قدمات ليهم النسخة لخرا من الملف وعطاوها تصريح بالعمل فالمخافر الوطنية ومزاولة المهنة فيهم كلهم...رجعات للقصر خدات دوشها وقبطات البيسي قدامها بادية خدمتها.
اول حاجة دارتها هي دخلات للوقع السري للمنضمة...طلب ليها الرمز دخلاتو وددخلات للموقع كاتتسارى ...قلبات فأعضائها وجبدات مستشارهم الخاص ..خدات رقمو من تحت البيو ديالو وسيفطات ليه رسالة فالواتصاب فيها.
"S ..c..sn..d..ms..bs....atr er...!! ".
بلغة المنضمة الغريبة ...قالت"مستشار السويت لاينر معاك الصناير ماسكد بوص خلينا نتلاقاو اليوم مع 4"...هاد الرموز كايكونو اختصار للكلمة.
وثاني حاجة دارتها هي دخلات للملف الشخصي ديال الماسكد بوص لقاتو هو الوحيد لي مادايرش صورتو و داير صورة قناااع عينووو....وفالبيو كاتب.
"Ps"
بلغة المنضمة كايعني "مختل نفسي"... قرنات حواجبها بين عيونها وبلعات ريقها كاتفكرر...عضات على أسفل شفتيها وتبسمات وكأنها وصلات لشي حاجة غاتنفعها.
بدلات للموقع الكود ودارت فيه "صناير الماسكد بوص"....باش لاغدرهم شي حد من المنضمة مايعطيهمش الرقم السري للموقع ويلقاو الماسكد هو رئيس العصابات لي فالسويت .
أنت تقرأ
عشق الكفيف(مكتملة)
Romance#زعزعووووووهاااااا🥂🍷 🥂✦#عـشـق_الـكـفـيــف✦🥂 #عـــشقهااا_جـــهنم🍷 •بأنِأّمًلَ:مًـــلاکْ هّـانســـِـلَ•[mıııııLka🍫]. •فصغرو كوولهم بالكفيف المنبووذ لقبوووه......من منضر عينو المرعب قالو كا...
