அதுல்யா அவனை பார்த்து அதிர்ந்தவள் அடுத்த நிமிடம் கொண்டுவந்த காபி கப்பை சக்தி மற்றும் மேகாவின் முன் வைத்து விட்டு சமையலறையின் உள்ளே சென்று விட்டால் படபடப்பை குறைக்க வேண்டி .
சிவத்தமிகாவோ பிறந்தது முதல் காணொளியிலுள்ள வீடியோ கால்லிலும் மட்டும் கண்டு வளர்ந்த தந்தையின் ஸ்பரிசத்தை முதல் முதல் அனுபவிப்பதால் அவளது மழலை மொழியில் அவன் கழுத்தை கட்டியபடி ஏதேதோ பேசிக்கொண்டிருந்தாள்.
சஞ்ஜீவ் தன்னவளின் ப்ரதிபிம்பமாய் சிறு உருவில் தன் கையில் இருக்கும் மகளை கண் கொட்டாமல் பார்த்தவன் அவள் பேசிய பாஷைகள் ஏதும் புரியவில்லை என்றாலும் கவனித்து கேட்டபடி சக்தியின் அருகில் வந்து அமர்ந்தான். சக்தி 3 நெடிய வருடங்கள் கழித்து நண்பனை பார்த்தவன் அவனை ஒரு நெகிழ்ச்சியுடன் நோக்க மேகாவோ கடுகடுத்த முகத்துடன அமர்ந்திருந்தாள் .
சக்தியிடம் திரும்பியவன் " எப்படி டா இருக்க ?" என்று கேட்க
அவனோ " உன் அருமை தங்கச்சிய கல்யாணம் பண்ணா எப்படி இருப்பேன் " என்று கேட்க சஞ்ஜீவ் மேகாவை ஒரு எதிர்பார்ப்புடன் நோக்க அவளோ சக்தியை முறைத்தவள் சடுதியில் எழுந்து சமையலறை பக்கம் திரும்பியவள் " அத்து நாங்க கிளம்புறோம் டி " என்று கூறி பாதி காபி குடித்தபடி இருந்த சக்தியை அவன் கூறுவது எதையும் பொருட்படுத்தாமல் இழுத்து சென்றாள் .
வாசலை கடக்கும் முன் ஒரு முறை சஞ்ஜீவின் புறம் திரும்பியவள் குறிப்பாக அதுல்யாவை காட்டி தலை அசைக்க சஞ்சீவ் கன்னக்குழி விழ புன்னகைத்தவன் சரி என்னும் விதமாக தலை அசைத்தான் .
காரில் ஏறியதும் சக்தி மேகாவை முறைத்தவன் " this is too much மேகா . 3 வருஷம் கழிச்சு பாத்துக்குறோம் இப்டி இழுத்துட்டு வர.... என்ன நெனச்சுருப்பான் அவன்?" என்று கேட்க
அவளோ seat பெல்ட்டை மாட்டியபடி காரை உயிர்பித்தவள் " உனக்கு தா அறிவில்ல எனக்கு அறிவிருக்குனு நெனச்சுருப்பார் . இன்னும் அவங்களுக்குள்ள எதுமே சரி ஆகல .... 3 வருஷமா அவ அவரோட பேசுறதே இல்ல . பொண்டாட்டிய பாக்கணும்னு நெனைப்பாரா இல்ல கரடி மாறி இருக்க உன்ன பாப்பாரா ?" என்று கேட்க
