சற்று நேரத்தில் கண்களை திறந்தவள் தலை சீவிவிட்டு வெளியில் வர சஞ்ஜீவ் சிவாத்மிகாவை அலம்பல் வள்ளத்தின்(washbasin ) முன் சிறிய முக்காலியில் நிற்க வைக்க அவளோ நான் பல் விலக்க மாட்டேன் என்று அழிச்சாட்டியம் செய்து கொண்டிருந்தாள் .
சஞ்ஜீவ் " குட்டிமா குட் கேர்ள் தான "
ஷிவு ''ஆமா"
சஞ்ஜீவ் " குட் girls brush பண்ணிட்டு தான் சாப்பிடுவாங்க " என்று கூற அவளோ அனைத்தையும் உன்னிப்பாக கேட்டு விட்டு அவன் பற்பசையை வாயின் அருகில் ஒண்டு வந்தாலே முகத்தை திருப்ப ஆரம்பித்து விட்டாள். அவனோ அவளுடன் போராடிக்கொன்டே இருந்தவன் ஒரு கட்டத்தில்
பொறுமை இழந்து " ஷிவு " என்று அழுத்தமாக அழைக்க அவனின் பெண்ணரசியோ அவனின் கடினமான குரலில் வாயை பிதுக்கி அழத்தயாராகி விட இவற்றை ஒரு வித சிரிப்புடன் கண்டுகொண்டிருந்த அதுல்யா மகள் அழுகைக்கு தயாராகவும் அவள் அருகில் வந்தவள் சஞ்ஜீவை விளக்கி விட்டு அவளை கைகளில் அள்ளிக்கொள்ள மகளோ அவளின் கழுத்தில் முகம் புதைத்து விசும்ப துவங்கிவிட்டாள். சஞ்ஜீவிற்கு மகளின் அழுகை மிரட்சியை கொடுக்க மனைவி மகளின் பின்னே சென்றவன் கண்டதென்னவோ உப்பரிகையில் மகளை இடுப்பில் தூக்கி வைத்தபடியே வேடிக்கை காட்டிக்கொண்டிருந்த மனைவியை தான் .
அதுல்யா " பேபி அம்மா காலைல எந்திரிச்சதும் என்ன பண்ணனும் சொல்லிருக்கேன் ?"
சிவு " காலைல எந்திரிச்சதும் ப்ரஷ் பால் குடிக்கணும் , குளிக்கணும் , சாப்பிடணும் "
அதுல்யா " ம்ம் அதுக்கு முன்னாடி என் dirty பேபி ப்ரஷ் பண்ணனும்னு சொல்லிருக்கேன்ல .... ப்ரஷ் பண்ணலேன்னா என்ன ஆகும் ?"
சிவு" பூச்சி வயித்துக்குள்ள போகும் " என்று சிறிய குரலில் கூற
அதுல்யா அவள் மூக்குடன் மூக்கு உரசியவள் " குட் இப்போ நாம பிரஷ் பண்ணி கிளீன் பேபியா ஆகலாமா இல்ல dirty பேபியாவே இருக்கலாமா ? " என்று ஏதேதோ கேட்டபடி அவளை பல் துலக்க அழைத்து வர சஞ்ஜீவிற்கு மனைவியின் பொறுமை பிரம்மிக்க வைத்ததென்னவோ உண்மை .
