محمد : ألو
...... : ألو ، هلا محمد شحالكم يا ولدي
محمد و هو مصدوم : ابوي !!
خالد : بلاك ؟
محمد قال لـ ابوه عن كل شي بس ما قاله عن ميثا عشان ما يحاتون
خالد : عاد ما قدرنا نتصل فيكم لانه مشغولين طمنهم و قول لهم باجر ان شاء الله بنرمسهم
محمد : ان شاء الله ابوي
بعد ما سكر محمد دخل عندهم
ام محمد : ها محمد منو متصل لك ؟
محمد : ابوي
كلهم فزوا
محمد كمل : قال لي اقولكم ان هم بخير و مافيهم شي و الطياره اللي طاحت مب طيارتهم
ميثا : صجج ؟؟؟
محمد : هيه صج
ميثا و هي مب حاسه ف عمرها : محمد احلف احلف يعني ابوي و عمي ما فيهم شي ؟!
محمد : والله مافيهم شي بس مشغولين عشان جي ما كانوا يقدرون يفتحون تلفوناتهم
ميثا : عطوني التلفون بدق على ابوي
محمد : لا لا لا تدقين الحين
ميثا مستغربه : ليش !
محمد : ابوي و عمي مشغولين الحين و ابوي بنفسه قال لي اطمنكم و اقول لكم باجر بيرمسونكم
ميثا : افف ، بس الحمدلله اهم شي انهم بخير
كلهم : الحمدلله
منيره ( ام ميثا ) : يلا عيل مريوم و نوره و ام محمد سيروا البيت ارتاحوا و انا بقعد عند ميثا
نوره : لا خالوه انا و مريوم بنيلس عندها و انتي و امي سيروا البيت ريحوا و باجر تعالوا
منيره : اللي تشوفونا ، بس اهم شي تديرون بالكم على نفسكم و على ميثا و اذا صار شي عندكم محمد دقوله
مريوم و نوره : ان شاء الله
محمد : امي و خالوه يلا مشينا ؟
عايشه : مشينا و ديروا بالكم على نفسكم
البنات : ان شاء الله
باليوم الثاني من الصبح
مريوم : ميثا ، انا و نوره بنروح نشتري ريوق اذا بغيتي شي دقي على نوره انا مالي مافيه جرج
ميثا : انزين
طلعوا من الغرفه و اول ما نزلوا
نوره : مريوم مريوم
مريوم : ها
نوره : شوفي شوفي هناك ...
مريوم : اااا نوروه !!
نوره : ها ها
مريوم لفت على نوره و سحبت ايدها و ركضت
( و هم يركضون ) نوره : اييييه وقفي وقفي شوي
مريوم : خلينا نوصل غرفة ميثوه
نوره : هلكت ماقدر اكمل
مريوم و هي تركض : قربنا قربنا
و اول ما دخلوا الغرفه ضحكوا بصوت عالي
ميثا : بلاكم
مريوم : طافج ميثوه طافج
ميثا : شو طافني ؟
نوره : شفنا اللي ماخذ القلب
مريوم : ماخذ القلب و بس قولي ماخذ العقل و الروح
ميثا : رمسي انتي وياها و فكوني منو شفتوا ؟
نوره : القمر
مريوم : و العسل
نوره : و الحب
فجأه دخل محمد
محمد : ها ها منو الحب ؟
مريوم تبا ترقعها : الدكتور اللي فالقسم
محمد : ها نوروه اشوفج من ييتي هني اختربتي
نوره : لا والله تجذب ، اقصد اخو ربيعتي الياهل
محمد : هيه زين ( لف صوب ميثا ) شحالج ميثا ؟
ميثا : الحمدلله احسن
محمد : الحمدلله ، ما قال الدكتور متى بتطلعين ؟
ميثا : قال اليوم العصر مادري عنه عاد
محمد : زين عيل انا بروح اييب امي و خالتي منيره و برجع لكم تامروني على شي ؟
ميثا : سلامتك
مريوم و نوره : محمد
محمد لف عليهم : ها
نوره : وين بتروح ؟
محمد : تراني قلت بروح اييب امي و خالتي بلاكم ؟
مريوم : لا يعني ما بتروح عند حد ؟
محمد : لا شعندكم
نوره : ما عندنا شي بس نسأل يعني
محمد : ولو اني اشك بس يلا بمشيها
نوره تبا تضيع الموضوع : انزين انا و مريوم نبا نرد البيت ما رقدنا عدل امس
محمد : و ميثا منو بيتم وياها ؟
ميثا : عادي بتريا امي و خالوه لين ما اييون
محمد : زين بس ديري بالج
ميثا : ان شاء الله
محمد : نوره و مريوم يلا
محمد و نوره و مريم كانوا يمشون ويا بعض و يضحكون فجأه صار صمت و وقفوا نوره و مريم ..محمد تقدم عنهم
محمد : هلا والله
هزاع : اهلين
محمد : عسى ما شر شو تسوي هني
هزاع : ماشي بس ياي اشوف نتيجة الفحص مال الوالده
محمد : ماتشوف شر الغاليه
هزاع : الشر ما اييك
مريم و نوره شوي و ينهارون من جماله
نوره : وين ميثوه خل تي تشوفه كله يطوفها
مريوم : سكتي سكتي لا يسمعنا محمد
نوره : فديت جماله والله
مريوم : هيه والله بس سكتي لا يسمعنا محمد محمد يا عندهم : يلا امشوا
نوره و مريم فعالم ثاني و كلهم كانت عينهم على هزاع و هو يمشي
محمد ياب ايده جدام ويهم : حووو بلاكم وين سرحتوا
نوره و مريم و هم توه يستوعبون وجود محمد : هاا
محمد : شو هاا يلا امشوا
نوره : انزين انزين بلاك معصب
ركبوا السياره و بعد ما ردوا البيت و وصل امه و ام ميثا المستشفى يا الوقت اللي ميثا تطلع فيه من المستشفى
ام محمد : يلا محمد مشينا ؟
محمد : مشينا
بعد ماركبوا السياره
ام ميثا : عاد اسمح لنا محمد انته تدري ما عندنا ريال غيرك
محمد : افا خالوه بزعل منج تراني انتي مثل امي و تعبج راحه
ام ميثا : مشكور و ما تقصر
محمد : ولو هذا واجب علي
و ردوا البيت و كلهم رقدوا ف بيت بو محمد و قاموا المغرب
نوره : ميثوه مريوم
ميثا و مريم : ها
نوره : خل نسير نيلس برع ف الحديقه
مريم : زين يلا
ميثا : انتوا ماتقرون ف مكان واحد
نوره : بتين تعالي ما بتين يلسي و انتي ساكته
ميثا : بي بي
مريم : يلا انزين
يوم طلعوا و قعدوا ف الحديقه وقفت سياره ..
