محمد : تحبيني ؟
ميثا : محمد خوز ايدك
محمد : ميثا جاوبي
ميثا : لا
محمد خوز ايده عنها : ميثوه والله احبج ليش جي تسوين فيني ليش جي تقسين قلبج علي و انا ادري انج مب جي
ميثا : محمد خلاص عاد
محمد : انتي اللي خلاص ميثا
ميثا : ترا شفتك بعيوني انته وياها
محمد : انتي تعرفين منو هاي اصلاً
ميثا : مب مهم اعرف
محمد : لا مهم و لازم تعرفين
مريم و نوره يوو
نوره : و نحن لازم نقولج بعد
ميثا منصدمه : انتوا تعرفونها يعني
مريم : اممم
محمد : هاي اخت ربيعة مريوم
ميثا : و انته ليش تمشي معاها
محمد : كنت ابا اختبرج اشوف اهمج ولا بس دريت اني ما اهمج ولا ممكن ايي يوم و اصير اهمج
ميثا تطالع مريم و نوره بنظرات و تتحلف فيهم
ميثا : انزين الحين دريت انك ماتهمني شو المطلوب مني
محمد : ماشي خلاص ( دخل غرفته )
مريم : بتمين دوم هبله
ميثا : انا اراويج انتي وياها
نوره : انا مايخصني هاي اختج اللي مخططه لكل شي
محمد شل سويجه مال السياره كان بيطلع
مريم : على وين
محمد وقف : مادري بطلع
نوره : شلني وياك قبل لا حبيبتك تلعني و تموتني و تفقد اختك
محمد : نوره يلسي ابا اقعد بروحي شوي
نوره : انزين لا تطلع الحين اقعد فالغرفه اللي تحت
محمد : انزين بس محد ايي عندي
نوره : اذا حبيبتك سوت لي شي بي عندك
محمد بضيقه : اي حبيبه اللي ترمسين عنها ليتها تحس بس على كثر ما تصد عني للحين احبها المهم بنزل
ميثا شوي و تنهار
و نزل
ميثا : كسر خاطري
مريم : اونج الحين كسر خاطرج و من متى ساحبه عليه و تصد عنه
نوره : لا و بعد تقوله ما اطيقك و ما ابلعك و ما تهمني فالويه خيبه ماعندج قلب
ميثا : بس انزين سكتوا عني افف والله احس بصيح قلبي يتقطع عليه احس اني كسرته ( و صاحت )
مريم : ميثوه بسج صياح عاد مب ع اي شي تصيحين خلاص
ميثا : جب افف انتوا حتى ماتخلون الواحد يصيح براحته
نوره : ميثا شرايج تعترفين لمحمد
ميثا مسحت دموعها : مستحيل
نوره و مريم : جربي
ميثا : مابا
مريم : تقولين مابا و يوم شفتيه ويا اخت ربيعتي كنتي شوي و بتموتين
ميثا : جب ورب الكعبه بدفنج انتي ويا هاي
نوره : خيبه خيبه انزين الحين شرايج تنزلين لمحمد و تحاولين
ميثا : مابا قلت
مريم : ميثوه بتندمين لو حب او حبته وحده غيرج
ميثا : فيها خير خل تحبه عشان موتها يكون بيدي
نوره : عيل سيري سيري ليش يالسه
مريم : صح ليش يالسه للحين يلا يلا قومي
ميثا : ياخيي ماعرف شقوله كيف
مريم : بيطلع الكلام يوم بتسيرين عنده يلا يلا قومي
ميثا : انزين خوزوا بس لا تلحقوني
نوره : مابنلحقج يلا سيري
نزلت تحت و راحت دقت الباب و فتحته
ميثا : محمد يصير اكلمك
محمد فز : ميثا
ميثا يلست
ميثا : محمد
محمد : هلا ميثا
ميثا : زعلان مني ؟
محمد : ازعل من الدنيا كلها الا منج
ميثا : انزين مب متضايق
محمد : لا
ميثا قامت : تمام عيل انا بسير
محمد : ميثا
ميثا لفت عليه : هلا
محمد : احبج
ميثا تمت واقفه و سكتت
محمد تنهد : خلاص مشكوره تقدرين تروحين
ميثا راحت عند مريم و نوره
مريم و نوره : ها شصار
ميثا : ماقدرت اقوله
مريم : ليش
ميثا : مادري ماقدر ماقدر
نوره : افا يهون عليج تخلين اخوي متضايق
ميثا : قاللي انه مب متضايق و مب زعلان
نوره : اكيد ما بيقولج يعني ماتعرفين حمود
بعد اسبوعين
كلهم يالسين فالصاله
دخلوا ام ميثا و ام محمد
ام ميثا : حي الله ب ساره و ام ساره تو ما نور البيت
ام ساره : منور ب اهله
ام محمد : بنات و محمد عاد ساره و امها بيسكنون عندنا الين ما يوصل بوساره بالسلامه
ميثا راحت تحضن ساره : اخيراً ساروه اخيراً طلعتي
ساره و صوتها تعبان : حبيبتي ميثوه
بعدين مريم و نوره حضنوها و قعدوا يسولفون لين بالليل و الامهات ساروا يرقدون و البنات طلعوا يقعدون فالحديقه و محمد كان طالع ويا هزاع
ميثا : افف تعبت تعالوا نسير نرقد
مريم : سيري ارقدي بروحج نحن بنقعد هني لين الصبح
ميثا : ها ها شكلكم ناسين محمد اذا شافكم هني قاعدين لين الصبح بيلعنكم
نوره : ليش يلعنا بنقوله ميثا اللي قالت و بيرضى
ميثا : نعم !! انا شيخصني فيكم
نوره : نستغل حبه لج
ميثا : جب
محمد وصل
ميثا : اييه حمود وصل
مريم : حمود ها
ميثا : جب مريوم يعني من زمان متعودين نقوله جي
نوره : انزين قوموا نسير الغرفه قبل لا ينزل من السياره
قاموا من مكانهم و هم يركبون الدري ...
