راحوا كلهم يرقدون
ميثا تمت تفكر
فجأه وصلها Notification فالواتس
Mohammed : راقده ؟
Maitha : لا ، ليش ؟
Mohammed : ماشي بس قلت اشوفج
Maitha : تمام
Mohammed: ميثا
Maitha : هلا
Mohammed : تحبيني ؟
Maitha : محمد شو هالسؤال !
Mohammed : جاوبيني
Maitha : ما بجاوب
Mohammed : تخليها ف خاطري ؟
Maitha : محمد خلاص !!
Mohammed : احبج ميثوه
Maitha : ❤️❤️
Mohammed : ما تعرفين تردين ؟
ميثا شافت و سحبت و رقدت
باليوم الثاني
فالصاله اللي فوق
ميثا : شرايكم نسير نطبخ
نوره و مريم و ساره منصدمين : انتي تبين تطبخين !
ميثا : هيه بسم الله بلاكم
ساره : غريبه شو مستوي فالدنيا
مريم : شو وراج ميثوه ؟
ميثا : ماشي يلا قوموا
مريم قامت من مكانها : اها عرفت ليش
كلهم لفوا عليها
مريم : عشان تبين لحمود اونه يعني انا اللي اعرف اطبخ
كلهم ضحكوا الا ميثا
ميثا : اوييه ما يخصه بس شفت طريقة طبخه و قلت اجرب اسويها
نوره : ماعليج ماعليج بصور اللي بتسوينه و بنزله ف سناب و اذا تبين بعد اسوي له منشن فالاستوري
ميثا : انتوا بلاكم جي خلاص هونت مابطبخ ولا بسوي شي ( راحت عنهم )
مريم : هاي بلاها صايره زعوله
ساره : اختج دلوعه
مريم : من يومها
نوره تضحك : حرام عليكم طفرناها
محمد دخل
محمد : وين ميثا
نوره : الناس يسلمون
محمد : السلام عليكم وين ميثا
نوره : عليكم السلام بالغرفه تصيح
محمد : شو !! ليش ؟
مريم و ساره ضحكوا
محمد : شفيها ؟
نوره : زعلت زعلت مب يالسه تصيح
محمد : منو مزعلنها ؟
مريم : نحن
محمد : انتوا كفو تزعلون ميثتي ؟
ساره : هيه كفو يلا يلا سير عندها عشان ترضى
محمد : بسير بدون ما تقولين
مريم : بس اذا شفتها تصيح العنها لانها صايره دلوعه بزياده
محمد : جب مريوم
ضحكوا
راح محمد
دق الباب و دخل
محمد : ميثا
ميثا فزت : هلا
محمد : شفيج
ميثا : ماشي
محمد : زعلوج الحمير
ميثا : لا اصلاً عادي ما اهتم
محمد : ميثوه تراج صايره وايد تتحسسين و تتضايقين على اتفه الاسباب مب زين لج
ميثا : يعني شسوي اذا انا جي
محمد تذكر : تعالي صح ليش تسحبين علي يوم ارمسج
ميثا تستغبى : اا متى ؟
محمد : اونج تسوين عمرج ماتعرفين يعني
ميثا : قصدك عن امس ؟
محمد : هيه
ميثا : رقدت بالغلط
محمد : قولي ماتبين ترمسيني و خلاص اونه رقدت بالغلط
ميثا ضحكت
محمد : يعني كلامي صح
ميثا : لا لا
محمد : عيل
ميثا : كـ...
دخلوا البنات
مريم : عصافير الحب هني
نوره : ليش ماتسيرون تيلسون فالحديقه
ساره : شوفوا شوفوا ميثوه قامت تضحك
محمد : استغفرالله انتوا ليش جي نشبه ماتخلون الواحد ياخذ راحته
نوره : تاخذ راحتك عادي بس تاخذ راحتك ويا ميثا مستحيل لانه حمد بيلعنك
ميثا انصدمت !
محمد : منو حمد ؟؟؟
نوره تطالع ميثا : قوليله منو حمد
ميثا بعدنها منصدمه
محمد عصب : ميثااا قووليييي منوو حممدد ؟
ميثا : نوره !
محمد عصب اكثر : خلج من نوره الحين قوليلي منو حمد ؟
نوره ضحكت : بمووت اخوي طلع غيور
محمد مكمل عصبيه : منو حمد
نوره : والله استهبل بس كنت ابا اخليك تغار على ميثوه و حليلها شوي و تصيح
ميثا : مايضحك نوره !
محمد : ميثوه حلفي ماتعرفينه
ميثا : والله ما اعرفه شفيك انته بعد ، والله بتشوفين يا نوروه
محمد : نوروه شكلج تبيني ازوجج بو البنات غصب عشان تعرفين تتأدبين و ما تطلعين كلام على ميثوه مره ثانيه
نوره انصدمت و كلهم سكتوا
محمد : استهبل بلاكم سكتوا فجأه
ساره : يعني ماتعرف ان كل اللي هني يتنرفزون من ربيعك و يكرهون طاريه
محمد : خيبه مب جي عاد
نوره بنفس : و اكثر من جي بعد استغفرالله
بعد اسبوعين
كلهم فالمطار ( محمد و مريم و ميثا و نوره و ساره و ام ساره )
يتريون ( بوساره و بومحمد و بوميثا )
محمد : وصلوا وصلوا
البنات : وين وين
محمد : الله يغربلكم لا تصارخون فشلتونا
ميثا : ابوي
بو ميثا : هلا بحبيبتي
ميثا حضنته : اشتقت لك ابوي
مريم حضنته : هيه والله اشتقنا لك
بو ميثا : حبايبي انتوا والله حتى انا مشتاق لكم و لليلسه وياكم
ميثا : اخيراً مابغيتوا
بو ميثا : بعد شنسوي هذا شغلنا
بوساره راح و شل ام ساره و ساره وياه ( كان موقف سيارته فالمطار )
محمد : الحين كيف عن السياره مابتكفي
نوره : عطني انا بسوق اي سياره ترا اعرف
محمد : استريحي ماعندنا بنات يسوقون
لمح هزاع
محمد : هزاع
نوره فزت
هزاع : اوهه شتسوي هني
محمد : والله ياي اشل ابوي و عمي مبارك و هاييل نشبولي الا انته شتسوي هني
هزاع : والله انا توني موصل امي و ابوي
محمد : زين الله يوصلهم بالسلامه
هزاع : الله يسلمك
محمد : انزين مابتقدر تشل وياك حد
هزاع : اكيد اقدر
محمد : الحين كيف منو بيسير وياك و منو وياي
مريم : انزين انا و ميثوه و ابوي بروحنا و انته و نوروه و عمي بروحكم
محمد يغمز لمريم : بتسيرون ويا هزاع
مريم : بنسير ويا بو ال...
محمد : مريم !
مريم : لا تحاتي مابكمل
ميثا تضرب مريم و بصوت خفيف : اصطلبي يالحماره
مريم : انزين انزين
محمد يهمس لميثا : خلج ورا ابوج لا تقعدين بالنص ولا ورا هزاع
ميثا : تمام
راحوا
عند بوميثا و هزاع
هزاع : حي الله ف عمي مبارك
بوميثا : الله يحيك يا ولدي
بوميثا : الا انته ربيع محمد صح ؟
هزاع : هيه عمي ربيعه
بوميثا : و النعم
هزاع : الله ينعم فحالك
وصلوا
كلهم نزلوا و مريم كانت قاصده تتأخر و تنزل شوي شوي دخلوا كلهم الا مريم كانت تترياهم يروحون
مريم : هزاع
هزاع انصدم : نعم
مريم : بقولك شي و بروح بسرعه
هزاع : قولي
مريم : .....
comment and vote plaze
