مريم : لا مابا شي بس
هزاع : تبيني اساعدج ف شي
مريم : لا ( سكتت شوي )
مريم : هزاع شسمه
عند ميثا و نوره
ميثا : والله انكم ميانين
نوره : يارب محمد ( سكتت )
نوره : ميثوه دخلي حاولي تلهين محمد شوي
ميثا : و انتي ليش ماتدخلين تلهينه
نوره : ابا اشوف شبيصير ويا مريوم
ميثا : انزين و اذا قال ربيعي يترياني
نوره : سأليه او اي شي
ميثا : انزين انزين
عند مريم و هزاع
مريم : هزاع بقولك شي قبل لا محمد ايي
هزاع : انتي شعرفج فيني
مريم : مب وقته المهم البنات اللي شفتهم بسيارة محمد انساهم و جنك ما شفت شي
هزاع : و شو اللي افهمه من كلامج
مريم : هزاع اتوقع انته تدري ان اهلنا مايخلونا نسوق ف بليز خل الشي بينا و سو نفسك ماشفت شي ولا دريت عنا
هزاع : اوك تماام توني افهم وضعكم ولو ان ما كان المفروض تسوون جي و تسوقون و انتوا تدرون ان هالشي غلط
مريم : استغفرالله عاد شي صار و خلاص
و راحت
عند محمد
محمد : هلا هزاع
ميثا دخلت : محمد
اشر لها بيده انها تسكت
محمد : يلا الحين بطلعلك
محمد : ها ميثوه شتبين
ميثا : مابا شي بس شفتك و قلت اسولف وياك شوي
محمد : متأكده
ميثا : هيه بلاك
محمد : انزين انا الحين طالع يوم برد بنقعد كلنا فالحديقه و نسولف
ميثا : تمام
طلع
ميثا دقت ع نوره : ترا محمد طلع
نوره : خلاص عادي و انتي تعالي مريوم رمسته خلاص
ميثا : انزين الحين يايه
محمد ركب ويا هزاع
و ميثا راحت عندهم
ميثا : مريوم شصار
مريم : يع ينرفز لو ساكتين و مخبر محمد احسن
نوره : ليش شقال
مريم : اونه ما كان المفروض تسوقون و تسوون جي انته شيخصك يع بس يلعنه من قريب شق شق
ميثا : شوف هاي انتوا بس
نوره : انزين الحين بيخبر محمد ولا
مريم : ما اظن لانه قال تمام و عقب تفلسف على راسي
نوره بدون ماتحس ف عمرها : ليتني رحت رمسته والله
مريم و ميثا : هااا
نوره ارتبكت : بنات تعالوا ندخل داخل خلاص
مريم : ويت ويت لا تضيعين الموضوع يعني نحن صايدينج صايدينج بس والله قلبج عرف يختار
نوره سكتت
مريم : انتي ليش ما تحاولين تلمحيله او تسوين اي شي عشان يدري
نوره تنهدت : مستحيل مريوم مستحيل اقوله شي عن اللي ف قلبي
مريم : يالجلبه يعني بتمين جي
نوره : اتم جي ولا ارمس واحد يـ... ( و سكتت )
ميثا : ليش سكتي كملي ولا ترمسين واحد شو
نوره : خلاص سكروا الموضوع
ميثا : نوروه حبيبتي بلاج تضايقتي
نوره و هي شوي و تصيح : تدرون ان قلبه فندق ؟ تدرون انه عنده الف بنت ؟ تدرون انه مايعرف يحب صدق ؟ تدرون انه يقزر على بنات الناس و يلعب عليهم ؟ قولولي شسوي ؟ شسوي اذا قلبي حب واحد مايحس واحد ماعنده قلب واحد كل همه ان يتسلى .. يتسلى و بس ( و صاحت )
مريم : نوره حبيبتي خلاص والله ما يستاهل تصيحين عشانه
نوره : بس احبه و ودي يدري و يحس
ميثا : الله يكتب اللي فيه الخير و ان شاء الله يتعدل
مريم : نوروه تبيني العن خيره لج
نوره و هي تمسح دموعها : لا مريوم عن المشاكل خليه عنج
مريم : مب عشانه والله بس عشانج انتي و محمد
داخلوا داخل
ام ميثا : ها وينكم اليوم مالكم حس
ام محمد : لايكون عندكم مصيبه يديده بعد
مريم : بسم الله بسم الله بلاكم علينا يالسين فالحديقه ماعندنا شي نسويه فاضين قلنا نيلس شوي
ام ميثا : زين تسوون
ام محمد : بنات شرايكم اليوم نقعد بالحديقه و نسهر و نشوي نغير جو شوي
كلهم : هيه
ام محمد : دقوا على محمد و خبروه انا و منيره بنقعد نجهز اليلسه برع و انتوا طلبوا سويتات و هالسوالف
كلهم : ان شاء الله
راحوا البنات فوق و قعدوا يطلبون
فجأه نوره صارخت
