شافتهم محد يلست تدق عليهم محد يرد
و هي تدق تمشي فالشارع اللي صوب بيتهم
و فجأه يت سياره سريعه كانت شوي و بتدعمها بس بسرعه ركضت ساره
وقفت السياره
نزل هزاع
هزاع : اختي فيج شي
ساره شافته : انته غبي ماتشوف في حد يمشي جدامك
هزاع : السموحه اختي متأخر على ربيعي
ساره : و نحن شيخصنا تتأخر على ربيعك و تبلش الناس وياك
هزاع : السموحه
ساره : انزين خوز خوز
مشت شوي
هزاع : اختي
ساره وقفت : نعم
هزاع : انتي اخت محمد
ساره انصدمت : انته شعرفك ف محمد !
هزاع : انا ربيعه
ساره : يع يع انته اللي خاقه عليك ن...( وسكت )
هزاع : ها
ساره ارتبكت : اا لا مب اخته و سير سير انا بنادي لك محمد
هزاع : تمام مشكوره
ساره دخلت
ساره : محمد سير ربيعك وصل
محمد يا عندها
محمد : انتي شدراج ان ربيعي برع
ساره : كنت طالعه حق البنات بسير وياهم بس راحوا عني و كنت يالسه ادق عليهم و امشي فالشارع و ربيعك الدفش كان بيدعمني قوله يسوق عدل مره ثانيه
محمد : خيبه محد قالج تمشين فالشارع عاد
ساره : جب والله انا اراويهم
محمد ضحك : راحوا عنج
ساره : ترا مايضحك افف
محمد : انزين يلا انا بسير
بعد جم ساعه وصلوا البنات
ميثا و نوره و مريم : هاي ساره
ساره : حلفي انتي وياها
ميثا : بلاج معصبه
ساره : تستهبلون صح
ميثا حضنتها : سوري بس محد قالج تتأخرين
ساره : مالت عليكم و على اللي يفكر يطلع وياكم
نوره تضحك : عادي المره اليايه ان شاء الله
ساره صارخت : نوووروووههه ...
نوره : شو بسم الله
ساره : تدرين ان حبيبج الدفش كان بيدعمني
نوره فزت : منو
ساره : يعني منو اللي ماخذ قلبج
نوره : منو
مريم : لا تستغبين اكيد تقصد هزاع
نوره انصدمت : ساره تعرفين هزاع ؟
ساره : احم مريوم ما تخش عني شي
نوره تطالع مريم : انا قلت انتي ماتعرفين تمسكين لسانج
مريم ضحكت
نوره : انزين كيف عرفتيه
ساره : شوفي انا ما اعرفه بس اتوقع هو اللي ٢٤ ساعه ويا محمد صح
نوره : هيه هيه هو شصار
ساره ضحكت : شفيج مشتطه
نوره : انزين شصار
ساره : ما صار شي بس هزبته و اخر شي كنت ( سكتت )
نوره : كنتي شو
ساره : بقول بس لا تعصبين
نوره : قولي قولي
ساره : اخر شي كنت بييب العيد قلتله يع انته اللي خاقه عليك و سكت ما كملت
نوره وقفت : يالجلبه والله بتتصفعين لو قلتيله ماباه يدري لا عني ولا عن حبي له
ساره : صح اخر شي قال لي انتي اخت محمد
نوره : لايكون يعرفني
ميثا : هو في مره شافج
نوره : هيه بس كله اشرد انا
مريم : مالت عليج
نوره : يعني شتبيني اسوي
بعد جم ساعه دخل محمد
محمد : ساره ..
ساره : هلا
محمد : انتي شقلتي لربيعي
ساره : ما قلتله شي بس قلتله انتبه و جي
محمد انتبه : اوهه ميثوه هني
ميثا تتهرب : انا بروح ابدل
محمد : تعالي تعالي
ميثا شردت
محمد : آخخ والله اني احبها
نوره تضحك : هي تموت فيك
ساره : نوروه اسكتي زياده مفشلين البنت امس
محمد : والله ماتدرون كيف استانست يوم دريت انها تحبني ( لف على مريوم ) امانه مريوم رمسيها قوليلها خل تي تقعد فالحديقه ابا اقول لها شي
مريم : قول لي و انا بوصل لها الكلام
محمد : ابا ميثوه مب انتي
مريم : عيل روح قول لها انته
محمد : ما منكم فايده انتوا ( فتح تلفونه ) بطرش لها احسن
مريم : وين تطرش لها سكران
محمد بدون مايحس فعمره : عندي رقمها
مريم و نوره و ساره : هاا !!!
محمد ارتبك : شفيكم
نوره : كيف عندك رقمها
مريم : مرقمنها الجلب
ساره : محمد طلعت ترقم ربيعك عداك
نوره تنرفزت هني و انفعلت : مالت عليك انته و ربيعك تحبون تلعبون ف قلوب الناس تقعد ترقم هاي و هاي و الثانيه مشاعر البنت لعبه عندكم لعبه ؟
محمد عصب : انتي اييه ترمسين منو جي
نوره : ارمسك انته انته ربيعك و انته متى بتصطلبون ؟
محمد : حبيبتي نوره ما يخصج فينا لايكون عبالج يعني مرقم ميثا و مفكر العب عليها و العب مشاعرها يا حبيبتي انا مب مثل هزاع اللي تعرفونه ادري ان الكل يعرف هزاع و حركاته و مصاخته بس انا مب مثله خذيت رقم ميثا يوم كانت فالمستشفى و ترا انا اول مره احب و بدون ما احس فعمري حبيتها حسيت في شي يجذبني لها و ما قلت الكلمه ( احبج ) الا و انا متأكد منها
نوره : اسفه بس انفعلت لاني متنرفزه من ربيعك كله يلعب على البنات ما عنده ضمير
محمد : انتي بلاج عليه
نوره : ماشي بس حركاته على البنات تنرفز والله حرام عليه
محمد : ترا هزاع تغير مب مثل اول يمشي و يحب الحين و يبلش بنات الناس وياه بس عنده جم ربيعه و مب وايد وياهم
نوره تطالع مريم منصدمه
محمد : انزين يلا حد يقوم ينادي لي ميثا
مريم : مب انته قلت بكلمها
محمد : احس مابترد علي
نوره : انا بسير اناديها
مريم : و انا بسير اغير ملابسي و ساروه تعالي وراي
محمد : انزين لا تنسون تقولولها تي الحديقه
نوره : تمام
نوره نادت ميثا حق محمد و دشت تسبح و ساره و مريم قعدوا ويا بعض
عند محمد و ميثا
ميثا سارت عنده
قعدت بعيد عنه بشوي
محمد : انزين ليش طايره قربي شوي
ميثا و هي مرتبكه : لا عادي هني احسن
محمد : ميثوه انتي من متى تستحين بعد
ميثا تخصرت : شقصدك ؟
محمد : قصدي اني احبج
ميثا قلب ويهها الوان و ارتبكت : اا انا بسير
محمد : لا يلسي ابا اقولج شي
ميثا : ....
