ميثا : اطلب
محمد : عادي تعطيني رقمج
ميثا بأستغزاب : ليش !
محمد : لا تفهميني غلط بس عطيني و بعدين بتعرفين ليش
ميثا : بس ..
محمد : ميثا ممكن ماترديني اول مره اطلب منج شي و اتمنى ماترديني و تدرين اني مستحيل اضرج بشي
ميثا : انا بعطيك بس اتمنى يعني ماتخبر حد اني عطيتك او ان عندك رقمي
محمد : تمام
و عطته
دخلت ام ميثا
ام ميثا : ها وصلت محمد
محمد : هيه خالوه
ام ميثا : ميثا خلصتي
ميثا : هيه امي خلصت
ام ميثا : انزين عيل يلا
ميثا : ما بنمر على ساروه شوي
ام ميثا : بنمر بنسلم عليهم و بنرجع البيت
راحوا سلموا على ام ساره و كانت ساره راقده ف ما شافتهم و طلعوا
ف السياره
ام ميثا : الا محمد
محمد : هلا خالوه
ام ميثا : خبرتهم عن ميثا ؟
محمد : لا ما قلت لهم
ام ميثا : شقلت لهم عنا ؟
محمد : قلت لهم ان بترقدون عند ساره و قبل لا ايي لكم مريم كانت تصارخ تقول بسير عند ساره و معصبه بس قلتلها ان انتي قايله ما يحتاي تي و جي
ام ميثا : زين اهم شي ما يدرون عن ميثا
وصلوا البيت
مريم : تو الناس جان رقدتوا اسبوع بعد
ام ميثا : سكتي يا ام اللسانين
نزلت ام محمد
ام محمد : السلام عليكم
ام ميثا : عليكم السلام
ام محمد : شحالكم و شحال ساره
ام ميثا : الحمدلله كلنا بخير
يلسوا يسولفون شوي
و عقب راحوا غرفهم
ميثا : نوروه مريوم
كلهم : ها
ميثا : انتوا صدق تحبون هزاع ؟
مريم و هي تضحك : تبين الصدق
ميثا : هيه
مريم : ماحبه بس احب ملامح ويهه ولا هو ولا دريت عنه
ميثا : ماشاءالله عليج انتي و نوروه اي واحد حلو تتخرفنون عليه
نوره ساكته و سرحانه من اول ما يابولها طاري هزاع
ميثا : حووو
نوره : ها
ميثا : لايكون تحبينه صج
نوره و هي مرتبكه : ها منو
ميثا : هزاع بعد منو
نوره : تبون الصدق
مريم : هيه هيه هيه نبا الصدق لايكون صارت
ميثا : اكيد نبا الصدق
نوره : احبه و من زمان بس ماقدر اعترف له
مريم : اوف اوف اوف طلعتي عاشقه من ورانا
ميثا يلست تغني : حب من طرف واحد ذبحني كل ما اشوفه بغني لين يستوعب اييه و ابقى معاه..
نوره : جب جب
مريم : خلاص من باجر اذا شفت هزاع بقوله اخت ربيعك تحبك
نوره : يالمينون عاد انتي بالذات المفروض ما اقولج اعرف اخبالج على الاقل ميثوه اتم تهددني يوم تعرف شي بس ما تسوي شي انتي تهددين و تسوين
مريم : هيه حبيبتي اكيد بهددج عيل يكون عندي شي و اسكت هه من سابع المستحيلات طبعاً
رقدوا كلهم
و عقب ساعه وصل لـ ميثا Notification فالواتس
قامت ميثا من الصوت
( Chat )
.... : ميثا
Maitha : ؟
.... : عرفتيني ؟
Maitha : لا منو ؟
.... : محمد
Maitha : اها ، هلا محمد بغيت شي ؟
Mohammed : لا بس كنت بتطمن عليج و اشوفج اذا محتاجه شي
Maitha : الحمدلله انا بخير و ماتقصر
Mohammed : الحمدلله ع العموم هذا رقمي سيفيه عندج و اذا احتجتي مني شي لا تستحين قولي
Maitha : تمام و مشكور
و ردت ترقد
محمد كان طالع ويا هزاع
هزاع : حمود
محمد سرحان و ساكت
هزاع يصارخ ؛ حمووود ... حموود
محمد : هاا خيبه شفيك
هزاع : انته اللي شفيك وين وصلت من ساعه يالس ازقرك
محمد : شو تبا انزين
هزاع : انته فيك شي ؟
محمد : لا
هزاع : حمود مب علي هالحركات قول شفيك
محمد سكت شوي بعدين : اا .. احبها والله
هزاع : اوووف اووفف اوف منووو هاي اللي قدرت عليك انا اشوفك سرحان و مب وياي
محمد : والله هزاع ودي طول الوقت تكون قربي
هزاع : و منو هاي اللي قدرت ع حمود
محمد : مايخصك فيها و كمل دربك
هزاع ضحك : و قمنا نغار بعد والله زمن حمود اللي كان يقول لي لا تحب و لا تحب استوا يحب
محمد : سير لا انته يوم تحب تحبلك 10 مره وحده و يوم يقولولك خروف تعصب عليهم بعد
هزاع : وين والله هذاك اول الحين اللي وياي بس 5 و اعتبرهم ربيعاتي لا اكثر ولا اقل
محمد : انزين يولون الحين وصلني البيت تعبان
هزاع يضحك عليه : اكيد بتتعب طول الوقت تفكر فالحب
محمد : وصلني البيت و انته ساكت
باليوم الثاني
ف بيت بومحمد
عند البنات
ميثا : شرايكم نشرد بدون محد يدري
نوره : وين
مريم : هيه و عقب يحطون خدامات شاردين من بيت خالد ال...
ميثا : لا مب جي عاد
نوره : لا تدرون خل نسوق بدون محد يدري
مريم : هيه والله يلااا يلااا
ميثا : تخبلتي شو
نوره : ميثوه شوفي والله العظيم اذا ماتبين و اذا ما بتين قولي من الحين لانه ادري انج خوافه
ميثا : ايييه ايييه ع كيفج انتي خوافه ريلي على ريلكم حبيبتي
نوره : عيل جب و يلا نزلوا تحت بنسير بسيارة محمد
مريم : كفو نوروه والله تعجبيني لو الحين بس انا و ميثوه جان خافت و ما يت
بعد ما نزلوا كلهم و ركبوا السياره
نوره و هي تشغل السياره : منو اول وحده بتسوق
ميثا : انتي سوقي انا ماعرف ايود السكان
مريم : ياخي ليش مايخلونا نسوق يعني شفيها البنت اذا ساقت
نوره : اسألي ابوي و عمي
ميثا : جب هم يخافون عليكم بعد شو
نوره : انتي اسكتي اسكتي حتى لو خلوج بتخافين و ما بتسوقين
ميثا و هي معصبه : انتوا ايييه اشوفكم وايد ماخذين راحتكم و انتوا تتطنزون علي بسس لا
مريم و هي تضحك : ميثوه مب لايقه عليج العصبيه
نوره : حسيتي
ميثا : انزين يلا يلا حركي من صوب البيت لا يقوم محمد و يلعنا
ساقت نوره و مكمله دربها
مريم : ايييه شوفوها شحاطه هاي ف ستوري سناب
ميثا : هاي هبله خليها و مب هني المشكله المشكله انها قبل جم يوم حاطه انها ضايفه شباب و تحط شكلها هبله و ربي
نوره وقفت : من هاي
مريم : اخت عواش اللي وياكم فالجامعه
نوره : يع انا لا اطيقها هي ولا اطيق اختها
فجأه و هم يسولفون حد دق عليهم الجامة
نوره بطلت الجامه بدون ما تشوف منو
هزاع : السموحه اختي بس هذي سيارة محمد و عبالي هو اللي واقف
نوره بسرعه سكرت الجامه و داست و البنات من الصدمه ما تكلموا ولا قالوا شي
وصلوا صوب البيت
نوره : بناات
ميثا و مريم ساكتين
نوره : تخيلوا يخبر محمد والله بيموتنا
ميثا : نوروه يالهبله
نوره : شو
ميثا : ليش سويتي جي
نوره : شتبيني اسوي يعني اشوف هزاع و ايلس اقوله هيه نحن سارقين السياره و عادي ؟
ميثا : لا بس المفروض ماتدوسين و الريال واقف
نوره : ميثوه والله مالي خلقج انتي بعد
مريم : الحين شبنسوي اذا خبر محمد
نوره : مادري مادري خلونا ننزل الحين
نزلوا و راحوا غرفتهم
بعد ما غيروا ملابسهم و قعدوا
نوره : لازم وحده منكم ترمس هزاع
ميثا : كيف نرمسه !
نوره : مادري بس لازم وحده منا ترمسه و تقوله ما يخبر محمد
مريم : انزين انا ماعندي مانع اني ارمسه بس كيف ؟
نوره : تعالوا وياي
راحوا الصاله و محمد كان قاعد
محمد يتكلم بالتلفون : انزين يوم بتوصل رمسني
و سكر
نوره : ها عيل منو ترمس
محمد : هزاع ربيعي
نوره و ميثا و مريم سكتوا
نوره : انزين عيل نحن بنطلع نقعد فالحديقه
طلعوا
نوره : ميثا مريم
ميثا و مريم : شو
نوره : وحده منكم ترمس هزاع قبل لا محمد ايي
ميثا : والله ما ارمسه
نوره : اف و مريم بترمسينه ولا
مريم : اممم و انتي ليش ماترمسينه مب تحبينه و تموتين فيه فرصه يت لي عندج رمسيه و قوليله
نوره : مريم مابا انا استحي اخاف اسرح بويهه و انسى السالفه
مريم : خيي لهدرجه لاعب فيج
نوره : مريم بترمسينه ولا ؟
مريم : برمسه برمسه بلاج عصبتي بس كيف اذا يا محمد و شافني ارمسه شبسوي
نوره : اول ما تشوفين هزاع وقف سيري عنده لانه هو اصلاً يدق له اول ما يوصل عشان يطلع
وصل هزاع
مريم تطالع نوره : وصل حبيب قلبج
نوره : جب و يلا بسرعه سيري رمسيه
مريم راحت
مريم دقت الجامه عليه
هزاع فتح
هزاع : هلا اختي بغيتي شي ..
