قطع حبل افكارها التلفون
نوره ما شافت منو داق و غلقت فونها
نور : كيف ما يت فبالي مريووومم !!! يمكن تكون قايله له هي دوم تهدد افف الحين كيف اعرف اذا هي قايله ولا اسأل هزاع ؟ لا لا مستحيل ارمسه شبيقول عني عقب اففف
بعد كم اسبوع
" عرس ميثا و محمد "
ميثا : بصيح خايفه
مريم : لا لا ميثوه عاد مب وقت صياحج والله
ميثا : بموت ماقدر متوتره
نوره دخلت
نوره : تف تف تف ماشاءالله على مرت اخوي قمر قمر يا حظ اخوي فيج بس
ميثا متوتره : نوروه بصيح عليج ترا اسكتي عني
مريم : اسكتي عنها لا تخرب مكياجها و تبلشنا
نوره ضحكت
ميثا : انزين شوفوا حلو شكلي
مريم : هيه هيه والله حلو مليون مره تسألين هالسؤال
راحوا عنها
شوي و انزفت ميثا
يوم وصلت صوب الكوشه و قعدت يوو عندها امها و ام محمد و مريم و نوره و ساره
ام ميثا : والله و كبرتي يا ميثا
ميثا شوي و بتصيح
مريم صارخت : ميثا لاا بتخربين المكياج
ميثا : شسوي كلامكم يصيح
مريم : امي لا تقولولها شي هاي دلوعه تصيح على كل شي
ام محمد : مبروك ميثا حبيبتي
ميثا استحت : الله يبارك فيج عموه
قعدوا يرقصون و يسولفون و يستانسون بعدين دخل محمد و بو محمد و بو ميثا و بو ساره
سلموا على ميثا و تصوروا و بعدين طلعوا
محمد يهمس لميثا : اخيراً صرتي لي
ميثا استحت
محمد : ميثا
ميثا بصوت خفيف : هلا
محمد : احبج
ميثا شوي و تنهار بس مسكت نفسها
خلص العرس و كلهم راحوا يرقدون
باليوم الثاني راحوا يسلمون على اهلهم و سافروا
و استانسوا
باليوم اللي بيردون فيه
ميثا : محمد قوم خل نلحق على الطياره
محمد معصب : ميثا خلاص خليني ارقد
ميثا خافت كانت بتصيح بس سكتت : خلاص براحتك
محمد ضحك : والله استهبل وياج بس كنت ابا اخوفج
ميثا : مايضحك انزين يلا يلا قوم
راحوا المطار
وصلوا و سلموا على اهلهم ( كانوا اهل ميثا ف بيت بومحمد )
سلموا عليهم و خلصوا و راحوا يرقدون من التعب
