محمد : لا يلسي ابا اقولج شي
ميثا : شو
محمد : تدرين ان ما بقى شي و ابوي و عمي بيرجعون ان شاء الله و ..
ميثا قاطعته : صج احلف احلف ان ابوي و عمي قريب بيرجعون
محمد : والله ان شاء الله يعني
ميثا استانست : اخيراً اف
محمد : انزين خليني اكمل
ميثا : كمل
محمد : يوم بيوون نحن ما بنكون ساكنين ويا بعض كل واحد بيسير بيته و بننشغل كلنا عن بعض ف انا قلت ليش ما ( سكت )
ميثا : كمل ؟
محمد : امم ميثا
ميثا : هلا
محمد : لو تقدمت لج بتوافقين ؟
ميثا انصدمت و سكتت
محمد : انزين ماباج تردين علي الحين بس فكري دامج عرفتي قبل لا اقول حق اهلي
ميثا بعدنها ساكته
محمد : ميثا .. ميثا
ميثا توها تحس بعمرها : انا بدخل داخل
ودخلت
عند مريم و ساره
مريم : والله لازم يعرف ما نبا نعلق نوروه اكثر
ساره : انزين كيف نقوله
مريم : لازم اخطط و افكر و عقب بقولج
ساره : خلاص تمام
يت لهم ميثا و هي تركض
ميثا : ما اتنفس ما اتنفس اهخخ
مريم : بلاج
ميثا : امانه مريوم ولا نوروه حد منكم يروح اييب لي ماي
مريم : ماروم
ساره : ولا انا نشي ييبي لعمرج لايكون ماعندج ريول و انا مادري
ميثا : ماقدر اطلع
مريم : ليش منو بياكلج
ميثا : مابا ماي خلاص شكراً
طلعت نوره
نوره : ها ميثوه شصار
ميثا : على شو
نوره : عليج انتي و محمد
ميثا ارتبكت : ها
مريم : صح والله شصار
ميثا سكتت
ساره : ايييه نرمس الطوفه نحن قولي شصار
ميثا : ما صار شي بلاكم
نوره : والله اشك
ميثا تبا تضيع الموضوع : انا برقد اليوم وايد تعبت
نوره : ارقدي ارقدي بس يوم بتقومين بتقولين
ميثا : سكروا الليت و اطلعوا
طلعوا
راحوا عند محمد
نوره : شقلت لها ؟
محمد : لمنو ؟
كلهم : ميثا
محمد : و انتوا شو يخصكم ، يلا يلا قوموا جهزوا الاكل ربيعي بي
مريم : منو ربيعك ؟ لايكون بو البنات
نوره : مريييممم !
محمد : انتي ما تستحين على ويهج تقولين عن الريال جي
مريم : لا ما استحي لانه هذا الصج
محمد : الله يهديج بس ، نوره قوموا جهزوا طاولة الاكل
نوره : تمام ( لفت على البنات ) تعالوا وياي يلا
مريم و ساره : انزين
بعد ما وصل هزاع
محمد : ها شحالك
هزاع : والله الحمدلله بخير ، عاد وين خالوه من زمان ما شفتها كله طالعين انا وياك
محمد : والله حتى هي تبا تشوفك دومها تسأل عنك اتريا بسير اقولها انك موجود
و سار
اول شي سار عند نوره و البنات
محمد : انتوا ما خلصتوا يلا بسرعه
نوره : انزين بس لا تتشرط بس بقى هالصحن
محمد : انزين بسرعه
و راح عند امه
محمد : امي
ام محمد : هلا حبيبي
محمد : هزاع عندنا و يسأل عنج ما بتين تسلمين عليه
ام محمد : عاد من زمان ما شفته ، بغير ملابسي و بي عندكم
محمد : زين امي لا تطولين
طلع من غرفة امه شاف ميثا طالعه من الغرفه
عند البنات
نوره : ساره ودي الصحن
ساره : يالسه انظف ها
نوره : انزين مريوم وديه
مريم : لو سمحتي انا هلكانه لا تتأمريين علي
نوره : استغفرالله منج خلاص يلسوا انا بوديه
عند محمد و ميثا
محمد : ميثا
ميثا مب مستوعبه : هلا
محمد : توج تقومين
ميثا توها تستوعب : ها هيه
محمد : انزين البنات تحت و ربيعي فالميلس لا تروحين هناك
ميثا : تمام
نزلت عند البنات
ميثا : هاي
مريم و ساره : هاي
ميثا : وين نوره
مريم : راحت تودي الاكل
ميثا : وين ما شفتها
مريم : فالميلس
ميثا : هزاع مب فالميلس كيف راحت
مريم و ساره : ها !! شدراج ؟
ميثا : بسم الله محمد ما قال لكم
ساره : لا ما قال شي
مريم : يس يس
ميثا : اييه حرام خل نسير نشوفها لانها بتتفشل
ساره : خليها خليها بتستانس لانها شافت حبيب قلبها
ميثا : لا والله بسير عندها انا و انتوا كيفكم بتيوون تعالوا ما بتيون قعدوا
مريم و ساره : بنيييييي
راحوا
عند نوره
داخله تغني
نوره : لما تشوفك عيني انا بنسى حياتي و بنسى س...
هزاع : احم احم
نوره انصدمت
يت بتشرد
هزاع :اختي
نوره وقفت بدون لا تلف ويهها عنده : نعم
هزاع : ممكن اكلمج شوي
نوره : لا
( راحت )
هزاع تم يفكر هاي اخت محمد ولا اللي شفتها ولا اللي قبل كلمتني منو فيهم منو
دخل محمد ويا امه و سلمت على هزاع و سولفوا و بعدين راح هزاع و قعدوا محمد و البنات مع بعض
نوره كانت خايفه
محمد : تسلم ايدكم ع الاكل
ساره و مريم : الله يسلمك
محمد : نوروه و انتي ليش ماتردين لايكون مب مسويه شي
نوره ساكته
ميثا ضربتها ضربه خفيفه : اخوج يكلمج ترا
نوره : ها شو
محمد : قلنا تسلم ايدج ليش ماتردين
نوره : افف ماتخلون الواحد يسرح
محمد : و سرحانه ف شو
نوره : ف شي
محمد : ف شو
نوره : ماشي المهم شصار عليك انته و ميثوه
ميثا صارخت : نوووررره !!!
محمد : قلنا لكم مايخصكم عاد بس
مريم : حمود مب ناوي تقول لي انا
محمد : لا بس بيني و بين ميثا
ميثا قامت : انا بسير
و راحت فوق
محمد : زين جي خليتوها تقوم
مريم : احسن محد قال لك ما تقول لنا
محمد : يلا يلا سيروا رقدوا احسن لكم
راحوا كلهم يرقدون
ميثا تمت تفكر
فجأه وصلها Notification فالواتس ...
