راحوا يرقدون و محمد طلع ويا هزاع
محمد : تخيل انها تصد عني و احسها تكرهني
هزاع : حاول وياها
محمد : ما اظن بقدر بس اليوم بعرف اذا تحبني و اهمها ولا تكرهني و ما اهمها
هزاع : شبتسوي
محمد : اختها و اختي مخططين على شي
هزاع باستغراب : اختها و اختك يدرون انك تحبها
محمد : هيه انا قلتلهم
هزاع : لايكون اختها ( وصف له شكل مريم )
محمد : هيه بسم الله شدراك
هزاع ارتبك : مادري بس جني شفتها امس فحديقتكم
محمد : لايكون بعد نزلت ترقمها
هزاع و هو يتمصخر : اوف راح هالشي عن بالي
محمد بحده : فيك خير جرب تقرب منهم
هزاع مكمل يتمصخر : انته خلك منها عليك بأختها و انا ضبطلي اياها
محمد : هزاع تراهم مثل خواتي يعني لو سمحت لا تتمصخر وياي فيهم
هزاع : اتمصخر وياك يا ريال شفيك عصبت
بالليل
الكل يالس فالصاله الا محمد
ميثا : نوروه شوفي هاي شلابسه
نوره : هاي شو للحين يالسه ب 2010
ميثا : والله مادري عنها
مريم وقفت
مريم : انا بطلع برع شوي
ام ميثا : ليش
مريم ارتبكت : اا بطلع شوي بتمشى فالحديقه
ام محمد و ام ميثا : ديري بالج
مريم : ان شاء الله
طلعت
مريم دقت على محمد
مريم : انته وينك يلا
محمد : وصلت ؟
مريم : هيه يلا بسرعه نترياك
محمد : يلا انا قريب
وصل محمد
مريم : يلا انا بروح بخلي ميثوه و نوروه اييون هني و انته سولف وياها
راحت و دخلت عندهم
مريم : ميثا و نوره تعالوا خل نقعد فالحديقه
نوره : يلا
ميثا : مالي خلق لا
نوره تسحبها : يلا يلا تعالي ويانا
و طلعوا برع
فالحديقه
ميثا و نوره و مريم يالسين يسولفون
و محمد يا صوبهم و هو يضحك و يسولف ويا البنت اللي مريم يابتها
مريم : ها مب جنه محمد
نوره : هيه والله هو من هاي اللي وياه
مريم : شكله حمود اخوج كل يوم يضبط له وحده
نوره : نفس ربيعه
ميثا : نوره هاي تقرب لكم
نوره : بسم الله لا ماعرفها اصلاً
ميثا : متأكده
نوره : هيه والله متأكده
ميثا : عيل ليش يالس يسولف و يضحك وياها و يمر صوبنا ولا جنه نحن يالسين هني
نوره : حسيتي
مريم : بس ودي اعرف كيف طاح عليها حلوه ماشاءالله
نوره : هيه اخوي مب شوي بعد
ميثا : سيروا لاا انا بدخل داخل
دخلت
مريم : هاي عصبت ولا انا اتخيل
نوره و هي تضحك : تعالي تعالي نسير عندها هاي يوم تعصب تقول كل شي ف قلبها و ايي ف بالها
مريم : يلا يلا
راحوا عند ميثا
مريم : ايييييييه !!! .
نوره : ميثوه بلاج
ميثا و هي تصيح : قلتلكم ... قلتلكم ... مب كفو خاين خاين .. اف .. تعبت .. تعبت منه
نوره تضحك : انزين انتي ما تحبينه ليش خاين
ميثا : منو قال ما احبه منو
نوره و مريم سكتوا
ميثا : نوره قلتلج اكرهه ؟ مريم قلتلج ما احبه ؟ قولوا ليش ساكتين ليش
مريم : يعني تحبينه
ميثا : هيه احبه و من يوم و نحن صغار و من يوم و نحن نلعب ويا بعض و من اول ما ( صاحت اكثر ) بس شو بستفيد شو شفته جدام عيني مع وحده تدرون من متى اتريا اللحظه اللي يقولي فيها احبج تدرون يوم قالها لي حسيت اني ماقدر ماقدر اتحمل و صحت بحرقه ماقدر اقوله اني احبه و هو طول هالسنين مايدري عني و يوم اعترف لي كان كل همي ان اخليه يتعب كثر ما تعبت و انا ابين له ان مثل اخوي و هو بداخلي يعني لي وايد
مريم : ميثا خلاص مب على كل شي تصيحين
نوره : ميثا
ميثا طالعتها
نوره : بقولج شي
اندق الباب
و دخل محمد
محمد و هو يضحك : شحالكم
ميثا مسحت دموعها بسرعه : لك عين بعد ياي عندي
محمد : ليش شمسوي
ميثا : نوره شلي اخوج و اطلعوا عني كلكم ابا اتم بروحي
محمد : قبل لا نطلع لازم اقولج شي ولو ان ادري ان هالشي ما يهمج بس بقول عشان ابري ذمتي
ميثا : مابا اسمع منك شي و اطلع و سكر الباب وراك
محمد سحب ع كلامها : ترا البنت اللي كانت وياي
نوره قاطعته : محمد لا تقول
ميثا : لا تقول مابا اسمع منك شي اطلع برع خلاص
محمد : نوره و مريم لازم تعرف
ميثا : مابا اعرف عنك شي و يلا اطلعوا كلكم
طلعوا
محمد : ليش ما خليتيني ارمس
مريم : يا حمار
محمد : شو
مريم ضحكت : يعني تعرف نفسك حمار
محمد : والله اخاف فهمت غلط فهموها قولولها
نوره ماتت ضحك : حمود
محمد : شو
نوره ضحكت اكثر : ميثا ما تهتم لك كمل دربك احسن
مريم ضحكت : خيبه نوروه عاد مب تعطينه ف الويه
محمد : تراكم سخيفات
مريم : نوروه اقوله
نوره : لا لا خليه
محمد : عن النحاسه و قولولي شسالفه
نوره : بنتناحس يلا مريوم قومي نروح تحت
محمد : بتقولون ولا
نوره : اممم بنفكر
محمد : خوزي خوزي انتي ، مريوم فديتج تعالي انتي ربيعتي اللي تفهمني و تقولي و ماتخش عني شي
مريم : لا والله حمود احسن ميثوه اللي تقولك هالشي
ميثا يت
ميثا : ماعندي كلام ويا هالاشكال
محمد : شرايج تيين وياي نرمس بمكان بروحنا
ميثا : ماعندي تفاهم وياك
محمد : مريم و نوره تسمحولي شوي
مريم : يلا نوروه نحن بننزل تحت
ميثا : انا بي وياكم
نوره : يلسي ميثا
ميثا : خمس دقايق لا اقل ولا اكثر و لو قمت من مكاني ما تتكلم ولا تقول شي تمام ؟
محمد : تمام
نزلوا و تمت هي و محمد
تموا ساكتين
ميثا : مب ناوي ترمس
محمد : ميثا ..
ميثا : شو
محمد : ليش تصدين عني
ميثا : لايكون تباني افتح لك قلبي و اقولك احبك و انته كل يوم مع وحده
محمد : والله ولا مره حبيت وحده غيرج فحياتي كلها محد حرك قلبي و مشاعري غيرج ميثوه بلاج ماتحسين
ميثا : انا اللي ما احس صح انا انته اللي ماتحس و حضرتك ياي و تتمشى صوبي ويا وحده و تمر صوبنا و عادي جنه نحن مب موجودين
محمد : تغارين ؟
ميثا : هه خسي
محمد : ميثا حلفي اني ما اهمج و حلفي انج ماتحبين و ماتبادليني نفس الشعور
ميثا : نعم
محمد : ميثا جاوبي
ميثا : محمد بنزل ( مشت شوي )
قام محمد من مكانه ومسك ايد ميثا
