الثمن
انين الرووح
لينا شلون ادبر هيج مبلغ خلال اسبوع كوليلي شلون ادبره
لتزعلين سارا اني ضامه خمس ملايين وعندي ذهب ابيعه
دا اكولج المبلغ جبير حيل من عدا مصاريف المستشفى حتى لو بعتي ذهبج واني بعت ذهبي ميجيبون حق تكاليف العمليه صدكي
يالينا اريد اختفي اريد انام اصحه مو سارا مو مكسوره ومحطمه هيج
فوك قساوه الدنيا ع ابني
المدير هذا الي ميرحم يريدني يوم الخميس اروح وياه لربيل حتى اشرف ع تخطيط للموقع
ماعليج بالمدير ياسارا فكري بفلوس عمليه ابنج وبس ...لحد وقت سفريتج الف حل نلكه صدكي
ونهاريت بالبكي مابطلت اعيوني لان دا احس نفسي مخنوكه وعاجزه امام عمليه ابني
لينا ..كافي حبيبتي لتبجين والله راح تفرج بس اصبري اشويه
شصبر اكولج بس اسبوع واحد كدامي وبس
راح اخسر ابني صدكي
كافي كافي حبيبتي
..........
كرم .. وين سارح
باسل ...انت اطلبت مني اهدء واخذ ابريك مع نفسي
كرم ...صارلي ساعه احجي وانت ولا يمي
تره سمعتك كنت جاي تحجي عن صديقتك
شكد واثق من حالك ياباسل مو عن صديقتي
دا اسولف ع ابنيه اتعرفت عليها بالطياره كاعده يمي كانت هههه بصف الناغذه وخايفه من الطيران
ضحكتني فعلا
كتلها ليش كاعده بصف النافذه اذا خايفه
تكلي لان اتعلم ما اخاف لازم اكون قويه
اي اي سمعتك المهم
ياباسل انت بشنو داتفكر
والله ماعرف ياكرم احنه الدنسوي صح لو غلط بعد هذا العمر
شنو الصح والغلط التحجي عنه
اححيلك بس بشرفك لتكعد تصنف
لا ما اصنف احجي سمعني غرد ابو التغاريد
هاااا بلشنه
لا لا اسف احجي شعندك
ياترا حياتته صح
اختياراتنه صح
علاقاتنه مع البنات وبدون زواج لهذا العمر صح
ليش ماعندي طفل يناديلي بابا كل ما ارجع من شغلي يركض ويحضني ويغمرني بحبه وحنانه
ليش ماعشت حياه مثل كل شاب
احس حياتي عدم مابيها روح الحب .
احس حالي مجرد بس للعمل
تاخذني الشركه الصبح وترجعني تالي اليل كبل لفراشي
حياتي متوقفه
حياتي واقعيه جاده اكثر من المطلوب
كرم ...ههههه كل هذا كلامك ومتريدني اعلق عليه
لا بشرفك كرم مالي خلك مسخرتك وتعليقك البايخ
