الثمن
انين الرووح
صباح الخير وفاء
اهلا ست سارا
وصلت لشركه ودخلت ع مكتب باسل حتى اخذ الفلاش وابدي بالشغل وشفت
صباح الخير
اهلا صباح النور منو حظرتج
اني مي المهندسه الجديده اجيت مع باسل
😦😦😦 بس الاستاذ مسافر
صح اجه عليه حتى يطلب مني اجي اشتغل بشركته بعد كثره الخساير المر بيها
هاااااا افهمت اهلا وسهلا بيج اتشرفت ست مي
معرفت منو انتي
ااااا اعتذر اني سارا مهن..........
اي اي عرفتج انتي المهندسه الي حصله جائزه موزايك حجالي عنج باسل
تمام اني اترخص لان عندي شغل هواي باي نلتقي عود
صباحووو لينا
هلو حبي صباحووو
شفتيها
تقصدين مي
منو هاي
المهندسه الجديده اتخيلي باسل سافر خصوصي لسطنبول حتى يجيبها تشتغل بشركته
شنووو 😳 سافر حتى يجيب مي من اسطنبول
شنو هالصديقه الي اتغير كل حياتها حتى تجي ويه باسل تشتغل وياه
ماعرف تدرين حتى تصيحله بأسمه باسل بدون استاذ او شي الواضح صداقتهم جدا قويه
بنات الاشتاذ ينتظركم بغرفه الاجتماع
تمام وفاء جايين
كومي عيني خلي نتعرف ع ست مي الجديده ونعرف شتقرب الباسل كومي سارا كومي لاتصفنين
احمد شيل عينك منها راح تفضحنه
لا يا اخي بس دا افكر هاي حتكون بدل المهندس كرم لو لا ...كيكه
باسل ...صباح الخير عالجميع
شلونج مي
اهلا انت شلونك
اعرفكم عالمهندسه مي راح تشتغل ويانه وبشركتنا تلزم موقع كرم بالكامل
مي ..اني فرحانه لوجودي وياكم كعائله حلوه تشتغل في شركه موزايك واتمنى ما اقصر وياكم ولا انتوا اتقصرون ويايه والنكدر عليه نقدمه سوه اهلا بيكم
باسل ..الصراحه بعد الخسائر المرينه بيها ومستمرين ما لكيت افضل ولا احسن من مي حتى اجيبها تشتغل ويانه بالشركه ومتحاول اتغير من مسار الخسائر اريد منكم الكل يتعاون وياها ويعاملها مثل معاملتي لان هي حتكون المسوؤل الاول والاخير بالشركه ..انتهى الاجتماع اتفضلوا
سارا ..😳😳 سمعتي شكال يعني فضلها عالجميع ولزمها كل امور الشركه معقوله هيج يسوي باسل زين ليش هالتصرف المن جاي يغيظ
يغيظني لو يغيظ كرم لو شنو موضوعه
