الثمن
انين الرووح
سارا ....مرحبا باسل
اهلا ..تفضلي
مجايه اكعد لكن جايه اقدم استقالتي
شنووو ..سارا لتخلطين ظروف العمل بظروف العائله
باسل .احنه لازم نترك بعض حياتنا صعب تكمل واني ما مستعده اخسر ابني
....لان ابني كل حياتي
اني اعرف ومقدر اذا عفتيني راح اتحسين بالامان لان خطف ابنج وبسببي خلاج خايفه وزادج موت معتصم بس ارجوج لتتخلين عني هسه اني بحاجتج اكثر من قبل ارجوج حسي بيه
باسل ...وضعك هسه جدا مخربط وماكو مجال للحب والعواطف
انت عندك مشاكل هواي ...واني عندي ابني شي صعب ارتباطنه
اتمنالك الخير ...مع السلامه
سارا ...سارا انتظري
.......
باسل...كرم شنو هالخبر المفاجىء اشوكت سافرت انت وليش هالفتره بالذات
هم سارا تركت الشركه زهم انت سافرت والشركه غركانه بالديون
اني وحدي شلون اكدر اكمل الشغل
هاي اشبيكم كلهم متفقين عليه اتهدموني
صح لو كالوا اذا طاح الكوي كثره سجاجينه ليش عفتني كرم جاوبني
لا باسل ماعفتك بس طلع عندي شغل
وشنو هالشغل المفاجىء الي ما ادري بي اني
باسل كتلك شغل كم يوم وارجع
.........
ناديه ...وسام ليش هيج انت حزين احجيلي
شحجيلج ياناديه المشكله جدا جبيره ومالها حل
خير شكو ياستار
الدولار دمر العالم اني مو داخل ابمشاريع جبيره برتفاع الدولار مراح اكدر انجز الشغل والعالم اتريد شغلها مايخصهم بوضع العراق ومشاكله الماليه
اي ويعني هسه شنو المطلوب منك
لو اخلص شغلهم خلال اسبوع لو اخسر كل اموالي
لا ان شالله اتخلص الشغل
شلون اخلصه واني ماعندي اي سيوله كتلج الورق دمر حياتنا واني اغلطت ودخلت بسالفه الطباعه
ناديه ...كل انسان يغلط ويكوم لكن لازم بعرف غلطه وين ويلحك يصحح منه
د...كرم مرضك مرض جدا خطر وبلحظهتفقد بيها حياتك لازم تحاول قدر الامكان الحفاط ع مناعتك وتبتعد عن المضافحه والمقابلات مع الناس وعزل كل شي يخصك من مأكل ومشرب وملابس حتى ادواتك المستخدمه لان هو يتنقل عن طريق الدم والمعاشره
📞..📞الووو شلونك باسل
اهلا خاله شلونج انتي
باسل اني اريد اسألك عن كرم لان مامعقوله سافر من غير ما ينطيك خبر
هي هاي اسوالف كرم دكاته ناقصه دائما
لا باسل ما اصدك كرم من يريد يسافر يكول
بس هسه اتفاجاءه بسفره وبدون اي مقدمات اني حاسه بي شي
