الثمن
انين الرووح
جاوب ع التلفون ياباسل
الووووو
😏 اكيد عرفتني
اي عرفتك
تمام لعد مراح اطول وياك بالحجي ..ابن المره الي اتحبها يمي
واكيد انت اعرفت هالشي
معتصم مشكلتك ويايه لدخل احد ابينه
اسمع مخابرتك حتى تنطيني نصائح
سارا ...ابني شلونه اسأله ...انطيني احجي وياه
معتصم الولد شلونه
لحد الان الولد زين ...بس ما اظمنلك شيصير بي اذا بلغتوا الشرطه او سويتوا فد حركه غبيه وما نفذت الي اريده منك لان يمكن بعد متشوف الطفل افهمت
اي افهمت وطمأن مراح ابلغ الشرطه
اسمع اريد اجهز باجر مليون دولار ..واني اتصل بيك ونطيك المكان والوقت
لا سيد معتصم خليها هسه الفلوس جاهزه
مو بكيفك اظاهر مسمعت اني شكتلك
انت الي تسمع كلامي وتنفذه
كتلك باجر اجهزهم وتنتظر اتصالي
سارا ...انطيني خلي احجي وياه راح يوكف كلبي 😭😭😭
سيد معتصم نكدر نحجي ويه وسام
اي
هاك احجي ويه امك
ماما ..ماما
حبيبي وسمي ياكلبي انت راح اجي اخذك
ماما اني خايف
لتخاف حبيبي انت بطل انت قوي
كلي احد اذاك اكلت حبيبي
لا ماما محد اذاني ..وما اكلت شي ماما اني خايف حيل
حبيبي راح اجي اخذك لتخاف ياكلبي
ماما ...تعالي ماما ماما
لظل اتعيط ...جيب....ا
خذه من يم وجهي
الووووو الوووو وسام حبيبي وسمي
باسل ..انطيني سارا
الووووو معتصم
علقه الحقير
مثل ما اتوقعت هدفه الفلوس وباجر يرجع وسام
سارا ...اي اي ابيع ذهبي ابيع غراض بيتي بس حبيبي يرجعلي وينام بحضني
باسل ...شتحجين انتي سارا ليش عبالج طالب تفاليس
طالب مبلغ حيل عالي ...ولتشيلين هم الفلوس موجوده
سارا ...واذا اخذ الفلوس وما رجع وسام
باسل ...ميكدر هو مو مجرم اصلا بس عمت عينه الفلوس ويىيد يحصلها ابأي طريقه
وما ظلت طرق غير الخطف حتى يحصل فلوس
اي سارا هم ذوله اصحاب النفوس الضعيفه يخاطر بكلشي حتى يحصل فلوس لو يعرف يكتل اهله
عنده اهم شي الفلوس
