الثمن
انين الرووح
ام باسل ...تدرين اذا باسل ما اجه عالحفله راح يصير لكمه سهله المنافسينه
حيفتح باب عليه من الانتقاد وخساره كبيره لشركه
لج صرت متصله عليه بالميه مره حتى مسجات دزيت بس ابد لا يفتح خط ولا يشوف المسجات شلون دبريني ياهاله
هاله ..شوفي منو اجه عالحفله
سميه ...اجه باسل ...؟؟؟
هاله ..لا لا المهندس رضا
سميه ...حييييل وين كان هذا المهندس صار بالسنه مشايفته
هاله ..اي صح كان مسافر ع امريكا كرم كلي في وقتها
واكيد اليوم اجه حتى يحضر حفل التكريم
اي اكيد لابد سمع بالحفل واجه
هاله ..شوفي سميه جاي علينه
رضا ...مرحبا مساء الخير عالجميع شلونكم اساتذه
كرم ...يا اهلا وسهلا بيك
فاروق ...شرفتنه اليوم
رضا ...شلونك ست سميه
اهلا وسهلا منور
شلونك ست هاله
مرحبا بيك مهندسنه الشاطر اتفضل ويانه
كرم ....رضا اعرفك ببطله الحفل
الست سارا
رضا ...اوووو شكد سمعت عنج وكنت جدا حاب اتعرف عليج وع مهاراتج الهندسيه
سارا ..الي الشرف استاذ
رضا ...هذا مو لقاء ابينه
لا اكيد اهلا وسهلا بيك
سارا ...لينا مو هذا الشاب
المهندس رضا من اكبر المهندسين المعماريين بالمنطقه درس الهندسه بأمريكا
اصوله عراقيه لكن امه امريكانيه وعاش مع ابوه بالعراق وكل سنه يروح 6 شهور لامريكا ويرجع
سارا ...شي حلوووو
لينا ...اكيد حلووو مهندس بارع عنده تصاميم خياليه حتى بالمساحات الصغيره
الهيئه ...اهلا وسهلا بضيوفنه الكرام يسعدني ان امسي ع جميع الحاضرين من مهندسين بارعين بتصاميم عصريه وبتكارات حديثه
اليوم نحتفل بافضل تصميم لمشروع اربيل السكني السياحي
لنكرم افضل تصميم لهاي السنه
ولي تننافس عليها من اشطر واذكى المهندسين
خلونه نستضيف معنا ومعكم رئيس الجنه الاستاذ فؤاد المهندس
سارا ...بده كلبي يدك سريع وبده مراسيم الحفل والعالم والحضور بدو يصفكون اجواء حلوه رغم شده التوتر والقلق
سميه ....معقوله يعني بده الحفل وباسل مراح يجي الها شلون يصير وهو مدير هالشركه
لينا ...اشبيج سارا احسج مو ع بعضج
