الثمن
انين الرووح
ناديه اليوم راح اروح البيت سارا تجين ويايه نور
لا عمه غير يوم عود اروح وياج
صدكي اذا شافتج سارا راح تفرح حتى وسام حيكون عنده ولد عم يلعب وياهم
ان شالله عمه من اشوف حالي مرتاحه اكولج نروح عليها
بكيفج حبيبتي اني رايحه الها محتاجه شي اجيبلج شي ويايه
تسلمين عمتي بس اذا شفتي فراوله جيبلي شو دا اتنسه عليها
من عيوني اجيبلج
تسلمين عمه
..........
اهلا استاذ شنو هالصدفه الحلوه
هلووو لينا شلونج
بخير وانت
تمام
شعجب جاي اهنا
راجعت دكتور
ليش خيرك كرم
لا لا مو الي لامي
سلامتها الف سلامه والله اخذت كلبي اااااا عفوا عقلي عبالي انت بيك شي او جاي تتوجع من شي
لا كتلج احجز لامي ...وحجزت
هاااا اسفه يمكن ترد تروح واني وكفتك
هااااا تحجين ويايه
اي ليش اكو غيرك ...بيك شي
لا ...بس انتي عندج شي
لا ماعندي شي
لعد خلينه نروح ع مكان نكعد اذا ماعندج اعتراض
لا ولو يلا امشي
وين عاجبج نروح
المكان اليعجبك
اكو مكان كعده عالشط بالعطيفيه هادىء وحلووو مثل الكورنيش خلي نروحله
يلا اني وياك اوافقك الرأي
بس عوفي سيارتج اهنا واني بعدين ارجعج الها
تمام
لينا انزلي بس اركن السياره
وتمشينه اول مره احس بهالاحساس الحلووو ماريد النهار ينتهي
اجه ع بالي اغتيه كاظم الساهر
حس بيه ..واليله احساسي غريب
كلهن راح اكعد وغنيهن اوووف شكد احبك لو بس تحس بيه
يلا لينا خلي ندخل
اكو مشطبه اكبال الشط كعدنه عليها نتفرج عالمي والموج مالته شكد حلو ياخذك في مكان ويردك ابمكان ثاني
اوووووف اوووف
حيل كل هاي حصره
اي والله يا لينا اليشوفني يكول شكد سعيد هالرجل وفرحان ومايدرون شكد اكو فراع بحياتي ....فراغ حيل جبير
