الثمن
انين الرووح
باسل ..سارا امشي منا
رضا لا راح تتغده ويايه
باوعتلهم اثنينهم ومارديت ع احد وعفتهم وطلعت من المطعم
اجرت تكسي ورحت واني دا اطلع اسمع باسل ورايه يصيح بأسمي لكن ما رديت عليه لان احس تصرفهم مال جهال حتى خجلت واني واكفه بنصهم والناس تتفرج علينه
وصلت عالروضه
مامااااا
هلو حبيبي شلونك
بخير ماما ..يلا وين جنتك
مع السلامه ست وشكرا لاهتمامكم بوسام
لا عادي حبيبتي هذا واجبنه
طلعنه
ماما
هااا حبيبي
اني مشتهي بيتزا
صار ياعمري هسه انمر عالمطعم نتغده ونروح للبيت
شكرا ماما
ولووو حبيبي
وصلنه عالمطعم طبعا المطعم بي جناح خاص للعب الاطفال وسام راح طيران عالعب عبالك ماكان بالروضه وكلها العاب
بس الحمدلله ع كمال الصحه ربي عوض ابني صحه جيده الحمدلله
📞...الوووو هلو لينا
هلووو سارا انتي وين
بالمطعم نتغده اني وسام
هااا تمام
ليش اكو شي
لا بس حابه امر عليك اتعشه يمج
اي تعالي كل الهلا بيج
شكرا حبيبتي ...اشوفج بالمساء بوساتي 💋💋💋
وسام تعال البيتزا جتي
اي ماما جاي ...هاي شنو اني اريد مرغريتا مو هاي
لا يا وسام غير تحجي من الاول ميصير بعد ياماما هو سوالنه هاي
ما ...ما ماريدها ماحبها
وسام حبيبي اكول هاي وغير مره نطلب المرغريتا
ما...ما...😭😭😭
كافي ..كافي لتبجي راح اطلبلك
لو سمحت هاي خليها سفري وسويلنه بيتزا مرغريتا
صار
بس ارجوك لتتأخر علينه لان والله تعبت
ان شالله مدام
ماما
هااا حبيبي اريد من هاي النفاخات
بس هاي اطك وطير
ماما كلهم عدهم بس اني لا
وساااام ماما
معليه اريد
هسه ادزلك ع وحده
😭😭😭😭😭😭😭
هذا ابن منو وكع
كاعده انتظر البيتزا اشويه اسرحت وسمعت صوت بجي عالي
فزيت مثل المرعوبه رحت اركض للالعاب
وسام حبيبي اشبيك
...بس يبجي وشفته مطلعه دم قليل
