الثمن
انين الرووح
الطفل ....ماما اشوكت نرجع للبيت اني تعبت ومليت من كثره الابر يدي بعد متتحمل شكشكه داتوجعني هووواي
سارا ...ياحبيبي اصبر بقه شي قليل ياعمري ياريت المك و وجعك يتحول بيه وما تشعر بيهن انت ياعمري ياعشقي
احجي وياه ودموعي ما تبطل بجي
الطفل ...هااا ماما اشوكت
عن قريب حبيبي اول ما تتعافه نطلع
واذا ما اتحسنت ابقه عمري كله اهنا
لا لا حبيبي لتكول هيح ان شالله تتحسن ونطلع ونروح البيتنه وتنام ع سريرك وفراشك الحلو الدافي
ليش هيج تحجي
اتمنى بابا يكون عايش حتى يساعدج واتحسن بأسرع وقت وطلع
حبيبي ادعي الله عزه وجل يشفيك بأسرع وقت
اشوكت ياماما اشوكت
😭😭 حبيبي
ماما ليش تبجين
لاحبيبي ما ابجي بس فات شي بعيني
ماما اني راح اموت
لللللا ماما منو جاب طاري الموت انت بعدك صغير عن الموت
بعد كدامك حياه طويله وحلوه
تدخل مدرسه وبعدها جامعه وتزوج ويصير عندك اطفال يشبهوك
وتلعب وياهم
ليش لعد ماما مات ومالعبت وياه اني
اااااااا..بابا ياحبيبي ربنا عزه وجل اخذه لان يحبه
يعني اني هم الله حياخذني لان يحبني
ووووووسام اترجاك لاتحجي بالموووت يا امي الموت مو للاطفال الحلوين اليسمغون كلام الماما
ياربي لاتكسر خاطري بأبني ياربي لا تحرمه من عمره فدوه رحتلك يارب ياحبيبي يا الله
كمت رحت اتوضيت وصليت وادعي الله عزه وجل يشفي ابني ويشفي كل مريض جاي يتألم ويتوجع
........
باسل ...كاعد في مكتبي الوحدي ماعرف ليش في فكري سارا
مصايره عندي قبل افكر ببنيه
شنو البيها مميز وخطرت هيج كبل في فكري
كمت وطلعت من مكتبي رحت المكتبها باوعت فارغ ماكو احد بالشركه غيري اني
صفنت ع حالي وطلعت صعدت بالسياره اخذت فره بالشوارع
الووووو كرم وينك
بالكوفي
تمام اني جايلك
........
سلام شلون ابو الشباب
هلووو باسل اتفضل
شلونك
ماعرف تعبان والله ياكرم
ليش اشبيك من شنو اتعاني
من القلق
ع شنو هالقلق
