الثمن
انين الرووح
طلعت من مكتب المدير واني غاديه نار كبره يعني اليوكف كدامي اسكطه لان صار عليه لود مو طبيعي
ابني منا وضعي منا وفوك كل هاي المدير معاجبه العجب والله شنو اريد اتأكد من مسؤوليتج عالعمل ...يعني فعلا واحد بطران .بس اكيد بطران لان محاس بضيمي ولا تعبي ولا خوفي من المجهول
انخلق وبحلكه خاشوكه ذهب شلون راح يحس بالفقير وشلون يحس ابمعانات الناس
مع الاسف ع هيج نماذج
لينا ...شكو سارا ليش المدير جان يعيط عليج شنو صار
ماعرف والله شايف حاله تلكي متعارك بالبيت وجاي يطلع حركته بالموظفين ومالكه غيري يتعارك وياها
كافي بعد صار شهرين متحمله ذل كافي
راخ اقدم استقالتي
شنو استقالتج انتي واعيه ع كلامج نسيتي علاج ابنج والعمليه والديون العليج ويجار البيت شتحجين انتي
اهدءي بالاول والها حل يعني في فكرج اذا رحتي ع غير شركه قابل راح يعاملوج اميره تره كلهم نفس الشي نفس المعامله كلهم شايفين حالهم ع الموظفين لو نسيتي الشركه الاولى الي اتوظفنه بيها شلون كان وراتبه قليل وكل كلامه سم
سارا ماكو احد بهالدنيا نبي كلهم شياطين لكن لابسين اقنعه ملائكه صدكي وثقي بالله
الكل يتعامل معاج بلطف لكن ساعه الساعه تظهر انيابهم الج
سارا ...جريت نفس وستغفرت ربي والتفتت عالشباك اباوع عالدنيا وشلون جاي تخليني في مواقف اني بالغنه عنها
كرم ...معقوله هيج تحاجي البنيه لان اتأخرت ربع ساعه ع اجتماع انت مخبص بي وبوقته الغلط
مشكلتي مو بالربع ساعه
اكيد باسل المشكله انت ....انت يا اخي صاير حيل عصبي ومستفز حاول تعالج روحك مو هيج ياباسل موهيج
موظفه كفوئه وشاطره بعملها جدا
وخلال شهرين مشتلك كوه شغل ميصير والله ميصير هيج تعيط عليها شنو ذنبها هي
تره الغلط غلطك
اوكف وين رايح مو دا احجي وياك
باسل ...باسل
وفاء ...استاذ الاجتماع
احجي مع كرم
اوك اسفه
استاذ كرم الاجتماع بده ....
تمام وفاء خلي بعد نص ساعه ونجهز
باسل ...لينا عوفينه الحاله لو سمحتي وغلقي الباب وراج
سارا ...ااااي😐😐😐
هاي الشركه بيها قوانين ومن الاول كنالج شغلنه صعب ولازم تلتزمين بالعمل واتصور انتي وافقتي ع شروطنه يعني ماكذبنه عليج وكنالج شغلنه سهل ف لتنسين هالشي
اني وهسه شنو المطلوب من استاذ
لتربطين للقاءنا بالعمل
هاي منو اليربط استاذ اني لو انت هسه
