الثمن
انين الرووح
البقيه بحياتكم
حياتك الباقيه
الفاتحه ع روحه الطاهره
والله ابوحسن كان ونعم الموظفين العدنه
كفاءة وخبره ورجل شاطر بعمله
اخ المتوفي ...تسلم ابو فراس هاي شهاده نعتز بيها
وسام ....ان شالله مراح نقصر مع عائله ابوحسن
وراح اخصص الهم راتب شهري لان اعرف ابوحسن ماعنده ولد جبير كلهم اطفال وبالمدرسه
ف بلغ زوجته مراح ينقطع الراتب عنهم
اخ المتوفي ...تسلم والله ما اتقصر اني حيل اشكرك
والله مثل ما كلت اطفال ومدارس ولازمهم مصاريف
ومثل ما تعرف الوضع لا شغل ولا عمل والاغلبيه كاعده
لا تشيل هم كتلك ما اقصر وياهم ان شالله
تسلم حجي انت كول وفعل
وسام ...البقاء لله ....احنه نترخص بعد
حياتك الباقيه حجي ..مع الف سلامه
بالمساء
ام حسن وينج
هاااا خويه
سمعي اليوم اجه للفاتحه الحجي
ابو فراس والحمدلله مدح بنزاهه ابوحسن
وكال مراح يكطع راتبه علمود الاطفال
ونطاني هذا الظرف وكلي اسلمه الج
الله يحفظه ويرعاه ويحفظ ابنه وعائلته والله هالرجال ماقصر ويانه من يوم شغل ابوحسن لليوم
وهسه اتكفل بمصروف جهالي الله يحفظه
ان شالله بس اكمل العده اروح وتشكره
ان شالله خيتي شوفي اي شي تحتاجين بس اتصلي عليه اني اجيلج
تسلم ابوعلي ماتقصر والله هاي وكفتك ما تنسي
شتحجين خيتي غير ابوحسن اخويه ومافديوم قصر ويانه بس شنكول للقدر
ياخويه والله موته كسرت ظهري اطفاله بعدهم اصغار والعيشه صعبه
خويه لاتحجين هيج حرام اترحميله
هذا زرع الله بعد والحمدلله والشكر
الحمدلله الله يرحمه ويسكنه فسيح جناته
يلا خويه اني ارجع للبيت ومثل ما كتلج شتردين بس اتصلي عليه
ما اتقصر ابوعلي
هسه قفلي بيبانج ولمي جهالج يمج عشيهم وناموا
ان شالله خويه
يلا في امان الله
مع السلامه
.............
اهلا ست سميه اهلا ست هاله
اهلا بيكم
وين باسل
عنده اجتماع بالاعضاء
تمام
سميه ...منو هالبنيه شنو جديده
