الثمن
انين الرووح
ماما شلون عمو باسل اخذيني اله
زين حبيبي ان شالله اخذك بس مو هسه
خلي افوت اسبح وارتاح وناكول لكمه وبعدها نفكر اشوكت نروحله
ماما اني حيل احب عمو باسل احسه بابا
هههه حبيبي عمو باسل هم يحبك
لكن هو مو ابوك حبيبي
بابا بالجنه
اعرف ماما
لينا ..غلط تحجين هيج الوسام بالعكس خلي يحب باسل وكأنما هو ابوه
ما اريد يتعلم من هسه اخاف يعلط كدام عمتي او عمي ويكول باسل هو بابا
وهذوله ميصدكون يسمعون هالكلمه ويرحون يسحبوه مني بحجه بعد ميكدرون يشوفوه واني راح ازوج
ماريد يسبق الحدث
بس خاله ناديه طيبه
صح طيبه لكن عمي وسام لا...... انسان جدا مستبد وظالم
تمام انتي اعرف بعد بعيالج
...........
هاله ليش اليوم يطلع باسل من المستشفى مو بعد وكت مو يرادله رعايه
سميه ..اي والله بس هاي حكم اليوم يطلع حتى الدكتور اصر عليه يبقى بس هو ابد ما قبل
هاي دا احضر كل اموره وغرفته حتى طبختله كل الاكل اليحبه
كلبي مشتعل نار بس اريده يوصل للبيت راح اطك واموت ع شوفته ابيته وبغرفته
هاله ...ان شالله يرجع وينام بحضنج
ان شالله .ان شالله ياهاله
.......
باسل ...كرم ما اريد اروح ع بيتنه اخذني ع بيتي اريد ابقه الوحدي
بس ميصير ياباسل وضعك مو تمام بعده ولازملك رعايه
كرم اعرف اني اهتم بحالي وسارا ويايه لتشيل هم
اني ماريد اروح للبيت لان ماعندي استعداد اسمع نك امي فوك راسي
اريد ارتاح
تمام بس سارا تجي اتعيش وياك ...؟
اتمنى فعلا تجي وتعيش ويايه اني كتلها وطلبت منها بس ماعرف هي شنو قرارها
الدكتور ..راح تطلع اليوم
اي دكتور بعد ما اتحمل المستشفى طكت روحي منها
الدكتور ..هاي الادويه تاخذهم من بره وتكون حذر وتلتزم بيهن واي شي اتحس بي اتصل عليه او تجيلي للعياده
تمام دكتور اني اشكرك ماقصرت ويايه
لا ولو هذا واجبي
مع السلامه
هاله اشو اتأخرو ياريت اني رايحه وجايبته
لتقلقين اكيد همه بالطريق
اسكتي اسكتي باسل ديتصل
📞..📞الووووو
شلونج يوم
هلو حبيبي اشو اتأخرتوا ياعمري استعجل تره حضرتلك الغرفه زطبختلك كل الاكلات التحبها
يوم اسمعيني اني مراح اجي يمج
