الثمن
انين الرووح
مشاعرهم مواسم دوم تتغير ،
و أنا المثلي مو بس ما يَبدل ناس
اتأسف إذا رديت متاخر
حتى مااجرح الاحساس
اعاملهم مثل طفل مفطوم والصدر امه يتحسر
عاملوني مثل ضماد جروح من طابوا صرت مطشر
لينا ..لتكول انضحك عليك ارجوك سارا خوش سارا والله ما ادافع عنها لانها صديقتي لا والله لكن هي انسانه جدا خلوقه ومحترمه فعلا
لينا لينا اني انضحك عليه ومن قبلها شلون بعد اصدك بيها ورجع احبها ارجوج انتي اتفهمي موقفي
خلي حالج في مكاني انسان كنتي تعشقي وبلحظه يخونج ومايثق بيج وما يكول عنج كلمه الحق تبقين وياه مستمره وبنفس منزله الحب
عفوا اجي بعدين
لينا ..اني استأذن
ادخلي مي
جبتلك هذا المشروع صار جاهز بالكامل تكدر ادرسه بنفسك انت
واني بعد دراستلك للموضوع تسمحلي اترك شركتك ورجع لسطنبول
ليش تتركيها وترجعين
لان الصراحه اني حاسه بيك انت اندمت لان جبتني الشركتك
لا لا انت مو ويايه بتاتا واكيد سارا كاعده في بالك ميصير هيج ياباسل
وقت شغل اني دا اعاني الحالي بالشركه
وانت ماعرف وين لاهي
انسى ارجوك اترك فكرك عن سارا ارجوك
اني وياها تركنه بعض من صدك
لتكلي ابسبب الصوره الشافتها ايام الجامعه
لامستحيل معقوله سارا اتحبك لو تتحجج عليك سبب فارغ
شنو هالحب الواكف عالهاويه بس ينفخ عليه يطير ويتبخر
شنو تتوقع يعني باسل ماعنده اصحاب او علاقات سابقه شنو نبي منزل غير هو انسان من مشاعر واحاسيس حاله من حال كل البشر يحب وينحب
لا باسل لتكلي كنت ناوي تزوج هيج انسانه معقده وتفكيرها جدا سطحي وماعدها ثقه بيك ولا بحالها اصلا
....
ماما الباب تندك
اي حبيبي جايه اني لاتفتحها انت دير بالك
منو
اني سارا افتحي من فضلج
😳😳😳اهلا خاله اكو شي ...اااا عفوا اتفضلي انفضلي اكو شي صاير شي
اي اني مكدرت احافظ ع سرج
رحت اله حتى اشوفه واضمه الصدري
لكن ياريت سامعه كلامج ومرايحه
اسمعت كلام بعمري مسامعته منه
اله اشويه يطردني من البيت ليش ديعاملني بهالشكل
شنو ذنبي اني شنو قصوري وياه
يا سارا لو اشوفي شحاله صاير ذبلان وشاحب ما اصور فلاونزه فقط اكيد كرم مرضا وتعبان من شي ثاني
كلام خاله هاله خلاني ارجع قبل شهر من اجه كرم عالشركه هو مزين راسه كامل وكلامه عن الحياه والموت والفراق تركه لشركه في اصعب ظروفها خلتني اودي واجيب في شكوكي بمرضه
