الثمن
انين الرووح
مي ..مو معقول هيج باسل تختفي ومتكول انت وين رايح
يعني اروح وحدي للمطار استقبل اهلي ووديهم للفندق واحجزلهم واركض عالصالون والقاعه وكل الامور ونظم الموعد والاكل كله وحدي
لا والمشكله امك كل ما اتصل عليها
اتكلي سوي اليعجبج
شنو هو عرسي الوحدي انت لعد شنو شغلك باسل
باسل ...ممكن اتكعدين
حقج اني اسف بس عندي شغل
مي ...ماكو هسه شغل اهم من عرسنه المفروض اتأجل كل مشاويرك حتى تنجز شغلنه اني وياك
انت وين كنت اليوم
باسل ..رحت ع كرم ..مصدكين اذا اكولج
معقوله اخويه ورفيق عمري ميحضر باجر زواجي
مدا اصدك هذا كرم
شنو حجه وياك
ما حجينه اصلا ما التقينه ..ماردت اروحله بس ماعرف شلون لكيت حالي واكف اباب بيته
ليش هيج الدنيا ويايه ليش رفيق عمري اتخله عني واخذ الانسانه ال. . ......
مي ...الشنو ..الجنت اتحبها كولها ليش سكتت
باسل ...خليت ورجعت بعد ما اكتشفت الدنيا شكد حقيره
حقك فعلا الدنيا غداره بس لتخلي الحق كله ع كرم لان اكو طرف ثالث وهالطرف مره
والمره اتخرب كلشي
راسله ابعثله مسج احجيله كلشي يدور بكلبك وعقلك اسأله لا اتظل ساكت بس تتفرج وتأذي حالك
انت وكرم اكثر من اخوه
ميحتاج اتعصب وتنقهر باجر راح اشوف شلون راح تصالحون وترجعون مثل الاول واكثر
سميه ..شكرا الج هاله ماعرف شلون راح افرح وشارك ابني عرسه باجر وكرم هذا وضعه
هاله ..افرحي وتونسي ولتهتمين هي الحياه هيج بيها الفرح وبيها الحزن ولازم اثنينهم انعيشهم
سميه ..ماعرف ليش الدنيا بخيله بالفرح علينه
لينا ..هلو سارا شلونج
اهلا لينا اتفضلي
سارا ماعرف ليش كلبي ما مطمئن البارحه من خابرتج وكتلج لتجين الكرم لان باسل اجه كان كرم تعبان حيل وطلب مني اروح حتى يبقه الوحده
ما ردت ارجع بس هو لح عليه وعفته
بس من البارحه اتصل عليه وهو ميجاوبني ظل بالي اريد اروحله اريد اشوفه
سارا ..لا لينا عوفي ماطول هو كلج روحي يمكن يريد يرتاح يكعد الوحده لتلحين عليه
لا سارا ما اكدر دا اكولج كلبي مثل النار عليه حاسه بي شي لان ليش ميجاوب ع اتصالي
اني لازم هسه اروحله
سارا ..بعد بكيفج بس في رأيي اتركي يرتاح الوحده
لا سارا ما اكدر اني رايحه تجين ويايه
لا اسفه عندي موعد مع الشركه المستثمره اليوم
تمام باي سارا
