الثمن
انين الرووح
البشر ماتعله ابمال بخلاقه تعله
ولا يتغير الحال ويدوس ع خله
اصيل معدنه يدوم لو يوصل للنجوم
اليضر الناس ..ينضر
واليتكبر ع الناس دنياته هم تذله
يمر وكت العسر بي وصحابه تمله
حلو الوكت من يفتر حتلو ع مهله
طلعت من بيتهم واني منهاره من البجي
معقوله اكو هيج ناس كلوبها قاسيه مثل الحجر
مدا اصدك ...وين الرحمه وين الطيبه وين شعور بالانسانيه
حتى لو كان شخص غريب عليك ومن تسمع بي مريض راح اتساعده
كيف اذا كان حفيدك
مو يكولون ما اعز من الولد اله ولد الولد
من شنو الله خالق هالانسان
مو قلب شايل في صدره اكبد حجر
............
مرحبا دكتور
اهلا
اكو طفل اسمه وسام فارس سألت عنه بالرسبشن وكالولي بهذا الطابق
د. اي نعم موجود
شلون حالته
شتكونبن منه انتي
ااااا ...اني بس اجيت اسأل عن صحته عن حالته صح في خطر ع صحته
د. ... اني اعتذر منج ما اكدر اكلج عن وضع الطفل لان هاي حالات خاصه
اجاوبج اله بحاله وجود وموافقه امه
اعتذر منج تسمحيلي
طلعت من غرفه الدكتور ومريت بغرفه وسام باوعته من خلال النافذه
شفته متمدد ع سريره وبيده معلكين المغذي باوعلي وبتسم ابتسامه خفيفه
حلوه رغم الالم والوجع لكن وجهه مبتسم وحلووو والبراءه اجنن
مرسومه بعيونه
نزلت دمعاتي
اتفضلي منو حضرتج
انتبهن ع غرفه وسام انفتح الباب وطلعت منه مره غريبه وسالتني منو حضرتج
باوعت عليها بصمت وكلبي مجروح لكن ما نطقت بحرف واحد ومشيت عنها
.......
ساره ...كنت بالشركه اعمل ع المشروع الجديد ودا افكر شلون ادبر بقيه الفلوس مابقه شخص اعرفه ما مريت عليه بس بدون جدوى
بده الصبر ينفذ مني واليأس يسيطر عليه
كنت شبه منهاره
ورن تلفوني
الووو
الست سارا
اي نعم منو معي
راح يتحدث معج الدكتور
اي تمام
الوووو الست سارا
اي دكتور خير اكو شي وسام بي شي
اني اسف لكن وسام تعبان حيل وضعه ميستحمل تأجيل
لا دكتور شتكول انت
وفاء ....ست سارا الاستاذ باسل طالبج
ست ست سارا تسمعيني
اي اي اي وفاء سمعتج
الووو الووو ....الووو دكتور
يا الله اني شسوي لا مستحيل ابني حيضيع مني
لا ياربي لتكولها ساعدني اللهي
يارب وسام يشفه ويكوم من مرضه ياربي اسعفني
