" يقولون في قانون الحب أنت لقلِبي وقلِبي لك "
قاعده مع البنات و بالي مع فارس و ريان ويش سو ع الكلب ياربي الحين لازم اشكر ريان علي سوا لي ولا انسى ولا كأنو صار شي !؟
اهخخخ احس عيب بس من باب الشكر لازم اشكره ولا لازم اسوي معه شي ؟ والله م يستاهل شي اي شخص مكانه سوا نفس الشي بس اشكره و يكفي طلعت السالفه من بالي و قعد اسولف مع البنات
عند العيال
واقفين قدام المحل و الشرطه موجودين حولهم
فارس : " تسلم ي اخوك م تقصر و تعبناك معانا "
فيصل : " شدعوه م سوينا شي ف الخدمه ولازم اقابلك قبل ترجع الرياض مشتاقين لك "
فارس : " والله مشغول مع الأهل بس ابشر ع خشمي يلا الله معاك "
كان قاعد يسولف مع خويه الشرطي
و راح عند ريان الـ واقف قدام سيارته و يلعب جواله
ريان : " ها بشر وش صار للكلب ؟ "
فارس : " قال انو رح ينحبس اسبوعين عشان التحرش و يدفع غرامه بس عشان هدد محقق جنائي ف شهر حبس و يدفع ضعف الغرامة "
ناظر فيه و هز راسه و كمل لعب جواله
فارس : " الوو مطولين ؟ ترا برجع معاك رسلت سيارتي مع جوليا و البزوره "
ريان بهدوء " اركب يلا "
عند البنات
فردوس : " بناتتتتت ويش رايكم نلعب الدبابات قبل العيال يجتمعه عليه ؟ "
فرح : " اييي تكفون يلا بنات بسرعههه نلحق عليه قبلهم "
روان : " الصراحه مالي خلق م اداني الدبابات خلينا قاعدين و نسولف احسن "
جنان : " روان ياخي جوك بيض انتي خليك قاعده و سولفي مع الجدار و نحنا نروح نلعب و ننبسط يلا ي بنات بسرعه "
و كلهم قامو يضحكو و طلعو برا الحوش الـ فيه السيارات و اول م طلعو قدامهم ريان و فارس نازلين من السياره
فارس : " ي الله اجعله خير شسالفه كلكم طالعين جري ؟ "
فردوس : " بالله الـ يشوف وجهك يلقى خير ؟ "
جنان : " هب هب ترا اخوي م ارضى "
جوليا : " اذلفو من عندي كلكم لا اسطركم رايحين نلعب الدبابات "
و ناظرت لريان و شفته كان يلعب جواله يوم قلت نلعب دبابات رفع راسه فيني قمت ع طول شلت عيني منه ياويلي يارب م شافني اطالع فيه
فارس : " كويس يلا نلعب معاكم "
جوليا : " هب هب ع وين ي اخوي ترا حجزنا قبلكم "
جنان : " صح انك اخوي بس خير صدق حاجزين قبلكم دورلكم شي ثاني تلعبو زي بلوت ؟ "
ريمي : " ياخي سيبونا نتنفس شويه ي خلق ربي انتو "
فارس : " شوفو مين تتكلم ليه انتي مو خلق ربي ؟ قلت لا بنلعب معاكم ولا مافي لعب "
لطيفه : " خلاص بنات اقطعو الشر وخلوهم يلعبو معانا "
روان : " انا اتفق مع لطيفه "
فارس : " ياخي احلى من يتفق ي لبيه "
طبعاً فارس قالها بعفويه بس م يدري بقلب روان الـ قلب فوق و تحت
عبدالرحمن : " شسالفه امة محمد كلهم مجمعين هنا ؟ "
فرح : " يلا خذلك جاك الثاني "
قام ضرب ف راسها و عدها
لطيفه : " البنات يبغو يلعبو دبابات و العيال يقولون بنلعب معاكم و هم مو راضين "
عبدالرحمن : " طيب ويش فيها لو لعبنا معاكم ؟ "
ريمي : " حجزناها قبلكم "
جوليا : " والله لروح و اقول لخالي انا اوريكم "
كنت بروح الا اسمع صوت عبدالرحمن يكلم خالي فواز
عبدالرحمن : " سلام عليكم ي خال ، اخبارك انشاءالله طيب ، والله بخير جعلك بخير ، كنت بسألك طال عمرك البنات يبغو يلعبو دبابات بس مو راضي نلعب معاهم ويش قلت ي خال ، ابشر انشاءالله م عليك ، يلا الله معاك "
عبدالرحمن : " والله ي طويلين العمر قال لا تسمح لهم انهم يلعبو بدونكم شايفين كيف خالي فواز خايف عليكم ؟ "
جوليا : " هوففف هوففف "
رحنا عند الدبابات كلنا يوم اقول كلنا حرفياً كل العيال جاوو
فيصل : "اسمعو نفس العاده سباق ؟ "
جوليا بنرفزه : " لا مستحيل المرا ذي نحنا بنسوق "
فيصل : " ريان تعال معانا ولا ؟ "
دقيقه هل سكب ع كلامي !!!
ريان بهدوء : " شسالفه السباق ؟ "
فارس : " والله ي اخوك شوف ف خمس دبابات و كل واحد من العيال يركب ع دباب و ورا بنت و نتسابق اكيد عارف الغابه الي ورانا ؟ "
ريان هز راسه ب ايوا و فارس كمل
فارس : " رح نتسابق فيها و مين اول شخص يوصل ف طرف الغابه الـ فيه جبل صغير و مرسوم عليه اكس بالبخاخ هوا الفايز و الفايز يحكم ع اخر شخص وصل فهمتو؟ "
كل العيال هزو راسهم و اكيد قاعد يفهم ريان عشان الخمسه السنوات الـ راحت م كان يجتمع معانا ف العيد عشان دوامه
فيصل : " اجل يلا كل واحد ع دباب "
فردوس : " اكيد انا مع عبود حبيبي م ارضى بغيره "
انا و جنان كنا قريبين منها و سمعنا و حرفياً الكل يعرف بحب عبود و فردوس لبعض !!!
عبود : " اكيد يحلوه مستحيل احد غيرك يركب معايا "
و غمز لفردوس الـ مسكت قلبها و رسلت له بوسه و هوا يمثل انه اغمى عليه واععع مو صاحين
فارس : روان يعيني تيجي معايا ؟ "
روان الـ ع طول مسكت يد جنان بقوه من التوتر و محد يعرف حب روان لفارس غيري انا و جنان
جنان : " ايوا ايوا اكيد مقدر اثق بشخص غيرك كلهم سواقتهم خايسه "
و سحبت روان عند فارس ونا ضحكت ع شكل روان الـ صار كأنو حبه طماطم و كنت بروح اركب مع فيصل الا
جنان : " معليش حبو كل مره انتي الـ تركبي مع فيصل المرا ذي بركب انا مع عمي "
و ع طول ركبت معه
جوليا : " فصول اتكلم !! "
فيصل يضحك : " والله يعيني انا عمها زي م اكون خالك "
جوليا : " هوففف هوففف "
و شفت لطيفه ركبت مع عبدالرحمن مو باقي غير ريان !!!!
لا مستحيل مارح اركب لو ويششش م صار
جوليا : " فرح حبيبي روحي اركبي خلاص مالي نفس العب انا "
قربت مني و همسة ف اذني
فرح : " تبغيني اركب مع ذا ؟ والله لو ويش مو شايفه برودته والله م همه لو يموت بس انا ابي حياتي يروحي "
جوليا : " عاد مو لدرجة ذي "
فرح : " اجل روحي اركبي معه اساساً ريمي عصبت و دخلت داخل مافي غيرك "
يعني وش يسويلي مثلاً ولد خالي مثله مثل فارس
جوليا : " خلاص بركب انا معه "
كان جالس ف دبابه و يتكلم حاط سماعات ف اذنه و جواله فوق الدباب فمكانه المخصص رحت وقفت عنده قام ناظرني و لف و كمل يتكلم ف الجوال !
جوليا : " ترا بركب معاك "
م رد علي مطنشني الزفت !! انا اوريه
جوليا بصراخ : " تراا بركبب معاككـ "
لف علي و و سحبني عنده و ع طول قبل لا اطيح ف حضنه حطيت يدي ع كتفه اتشبث فيه و هوا قفل فمي بيده اليمين و باليسار مسك خصري
عشان م اطيح و كنا قريبين من بعض
لدرجة لو احد شافنا من ورا رح يروح تفكيره بعيد و نظراته كانت
واضحه انو معصب
ريان و هوا يطالع في عيني : " تمام ارسلي الأوراق اشوفها و اردلك خبر بعدين "
و قفل الجوال و لسه م شال عيونه عني و اتوترت من نظراته
ريان بعصبيه : " بزر انتي مو شايفه اتكلم ؟ "
قمت اشتت نفسي من نظراته و بعدت يده من فمي و حاولت ابعد يده الـ ف خصري بس جليد م يتحرك رديت عليه ونا احاول افك نفسي منه
جوليا : " محد قلك م ترد علي يوم اكلمك مسوي م تسمعني !؟ "
ريان ببروده : " مارح اوقف شغلي عشان ارد ع كلامك التافه "
جوليا : " انا كلامي تافه !! تصدق الغلط علي يوم جيت اركب معاك
فكني وجعع "
ريان : " كويس عارفه انك غلطانه "
قالها و سابني و لفيت ابعد عنه
جوليا : " جعلها كسر ان شاءالله ذا يد ولا وش "
ريان ببروده : " قولي ماشاءالله العين حق "
مشيت م رديت عليه ونا اسبه من داخلي
فيصل : " عيوني وين رايحه يلا بنبداء !؟ "
جوليا : " لا خلاص يروحي كنسلت م مالي نفس "
ريان بأستفزاز: " خليها يمكن خافت "
جوليا : " انت محد كلمك انشغل بنفسك و مين خايف انا ؟ ههه
م تعرفني انت "
فيصل : " اي والله م تعرفها ي خوفي لو لعبت معاها تخسر "
ريان بهدوء : اوف لدرجة ذي ؟ طيب ليه اشوفها قاعده تهرب!! "
جوليا : " مو قاعده اهرب بس مالي نفس اركب مع بعض الناس "
ريان بأستفزاز: " لا يكون خايفه انك تركبي معايا و اسرع ؟ لا تخافي
مارح اسرع "
قالها و ابتسم ابتسامه جانبيه و ضحكو العيال معه و رجعت عندو و ركبت ورا و مسكت المسكات الجانبيه
جوليا : " لا اخاف منك ولا من سواقتك خذ راحتك "
احلف لكم اني شفت ابتسامته ع الخفيف و اخفى ابتسامته ع طول
فيصل : " يلا مدام انكم جاهزين صفو صف واحد "
و كلهم اجمعو بصف
زياد : " رح اعد لثلاثه استعدو "
زياد : " واحد "
فرح : " اثنين "
ريان : " امسكيني عدل "
اياد : " ثلاثه "
قالها و انطلقو قبل لا اسأل ريان ويش قصدو بس م كان يحتاج لأنو فهمت بعد م انطلق و مسكت كتفه بقوه ع طول
جوليا بصراخ عشان يسمعو : " مريض كنت تقدر تنبهني قبله "
ريان بصراخ : " ونا نبهتك مو مشكلتي انك فاهيه بجمالي "
جوليا من داخلها مريض مدري ويش يحسب نفسه
جوليا : " من وين رايح الأتجاههه من هناك "
ريان : " ف جهه مختصره من هنا اسكتي شويه "
جوليا : " مافي مافي مقفلينه ي غبي "
ريان : " ونتي ويش عرفك الطريق ذا محد يعرفه ! "
جوليا : " يعني خمنت اكيد مقفله "
ريان : " اي والله طلعت مقفله بس ليه قفولها !؟ "
جوليا بصراخ : " امشي امشي خسرنا بسببك الله لا يوفق العدو "
و رجعو من الطريق الـ جو منها و وصلو ف النقطه الفوز بس كانو اخر شخصين وصلو
فيصل : " شدعوه احسبك حتفوز علينا "
عبود : " كيف يفوز و هوا م جا الشاليه ٥ سنوات اكيد ضيع الطريق "
و ريان مو معاهم تفكيره كله ليه قفلو الطريق هناك !
جوليا : " يلا احكمو عليه يستاهل "
فارس بضحكه : " يعيون فارس انتي تراك معه "
جوليا بصدمه : " ونا ويش دخلني قلتله الطريق غلط بس م سمع كلامي !! "
فيصل : " والله يروحي مالنا دخل ف الشي ذا اهم شي كنتي معه
ف الفريق "
ريان بهدوء : " ويش الحكم ؟ "
فردوس بنط : " تكفون تكفون انا عندي حكم "
عبود : " اهخ لو مو اطلق وحده عندها حكم "
قالها و مسك قلبه و فردوس ضحكت بحب
جوليا : " ويش هيا الله يستر منك "
و خلصنا البارت ايش رايكم فيها ؟ و لايك لو عجبكم البارت 🤍
و توقعاتكم ايش هيا الحكم حق فردوس ؟
أنت تقرأ
ما بقى بالليّل نجوم ولا طيوف الا عيونك
Romanceأحبك في هذهِ اللحظة ، وغدًا ، وبعد ثلاثين عامًا من الآن ، ولا يهمني مقدار الطرق الطويلة بيننا ، بل يكفيني إنك هنا ، في قلبي . الروايه روايتي و فكرتي م اسمح لأحد انو ينقلها او يقتبسها اول روايه ليا اتمنى انو يعجبكم 🤍
