ما بقى بالليّل نجوم ولا طيوف الا عيونك

Part 14

" وَجهيّ مو وّجه نِقاش وخِلافَات وَجهيّ وَجه حاضِر وَتدَللي ♡︎ "

وصلو بيت فيصل و البنات نزلو و ريان نزل من وراهم
جنان : " ع وين ؟ "
ريان : " لا يكون م تبغيني بعد !؟ "
جنان : " لا شدعوه بس غريبه نازل و ايلا تتغطى منك ف انصدمت
يوم نزلت!! "
ريان بهدوء : " فيصل خبرني م يقدر يرجع البيت و مافي رجال عندكم لا تتوقعي نسيب كل البنات ف بيت مافيها رجال !! بقعد ف مجلس الرجال "
جنان هزت راسها و دقت الباب و ريان ع طول لف بظهره عن الباب عشان لو ايلا فجاء فتحت او وحده من البنات و هيا لابسه قصير
و م انكر مرههه عجبني الحركه و فرحت و بنفس الوقت م ادري ليه
و طلعت لطيفه الـ فتحت و دخلنا و سلمت ع ريان و خبرت ايلا تدخل المطبخ و فرح و ريمي كانو لابسين قصير ف قامو
دخلو المطبخ معاها و ريان سلم ع البنات من بعيد و دخل المجلس و خبر جنان لو احتاجو شي يخبروه ايلا طلعت من المطبخ
ايلا : " غريبه ويش جابه ذا ؟ "
ريمي : " ي الله م نقدر نرتاح بدونهم يعني "
روان : " مدري والله عاد انصدمت زيكم و كمان مين !! ريان !!؟ "
جنان : " والله يعيوني ايلا خطيبك خبر ريان يقعد عندنا عشان م يقدر يرجع الليل ف البيت قال انتبهلهم "
ايلا : " يلا كويس يكون عندنا رجال ف البيت "
فرح : " م علينا من ذا وين الأكل ميتهه جوعع "
فردوس : " ايي والله حتى انا تكفون خلونا ناكل "
جوليا : " تمام بس بقوم اغير و البس شي مريح و ارجعلكم انتو
ابدو بدوني "
لطيفه : " لا ي حبيبي رح نستناك لا تطولي يلا "
انتبهت ونا طالعه الغرفه ابتسامة روان و هيا تلعب جوالها
بس م اهتميت للموضوع  و طلعت ابدل و لبست

و نزلت عند البنات و قاعدو ياكله و يتابعه فلم و صار الساعه ١٢ و البنات طفشه و بعضهم نامو ف نص الفلم والـ كانت صاحيه ايلا و لطيفه و روان و انا و جنان
لطيفه : " بنات طيب ويش رايكم نطلب قهوه ؟ "
ايلا : " والله فكره حلوه مرههه مشتهيه قهوه "
روان : " طيب ويش رايكم نطلع و ناخذها نفسي اغير جو احس اني
مروقه مرهه "
جوليا : " ايي والله شايفه انك مروقه ي جعلها دوم بس مين رح يخرجنا "
لطيفه ناظرت فيني و اشرت ع جنان و فهمت ع طول
جوليا : " جنان بنت هييي "
جنان كانت قاعده تلعب جوالها مو معانا
جنان : " لبيه يعيني هلا "
جوليا : " كنا قاعدين نقول ويش رايك نطلع نغير جوو و نشرب قهوه ونرجع ؟ "
جنان : " الله الفكره حلوه بس كيف رح نخرج ؟ "
جوليا : " انا رح اخرجكم اعرف اسوق "
ايلا ضحكت ع طول يوم عرفت اننا ناوين على مفتاح ريان
جنان ضحكت : " ايوا و من وين لك سياره ؟ "
روان : " سيارة اخوك مو قال اي شي تحتاجه خبروني ؟ م نحتاجه بس نحتاج مفتاح سيارته "
جنان : " والله لو تموتي قدامه مارح يعطيك سيارته "
لطيفه : " يلا تكفين جربي انتي مارح تخسري شي "
جنان : " ياويلي تبوني انا اروح اطلب منه ؟ والله مني رايحه ابي حياتي "
ايلا : " عاد مو لدرجة ذي تخافي من اخوك بعد !! "
جنان : " يروحي انتي م شفتي يوم يعصب ذاك الوقت اتمنى اني ميته بدال م اواجه عصبيته "
جوليا بهدوء : " لدرجة ذي ؟ "
جنان : " عاد انا زودتها شويه بس يعني تقريباً "
روان : " طيب اسمعو نلعب حجره ورقه مقص ولـ يخسر يروح يطلب مفتاح السياره من عند ريان تم ؟ "
جنان : " عشان يوم يعرف نموت كلنا طلعوني منها مالي دخل انا "
لطيفه : " م اتوقعتك خوافه لدرجة شي ي جنان "
جنان بكبرياء : " مين قال اني خايفه ؟ خلاص معاكم يلا "
ايلا : " الحمدلله اني اتغطى منو ولا كان دخلتوني انا بعد ف اللعبه "
جوليا : " حبيبي لا تفرحي القهوه ع حسابك "
ايلا بضحك : " ابشرو تم بس يلا نشوف مين يقدر يطلب المفتاح "
لعبنا حجره ورقه مقص و الـ خسرت انا !!
جوليا بتوتر : " بنات احس كنسلو خلونا نطلب و احنا قاعدين ف بيوتنا احسن "
جنان : " اشوفك خفتي ي بنت العمه ؟ "
جوليا : " مين قال م خفت بس قاعده اقلكم يعني بس عاد براحتكم ناوين تخرجو م عندي اي مانع "
روان : " ايوا نبي نخرج قومي اطلبي المفتاح من عندو "
جوليا : " طيب بقوم اغير لبسي دقايق "
ايلا : " ياخي ادخلي كذا و فكينا بسرعه "
جوليا : " والله لو ويش مارح ادخل كذا مو شايفه لبسي قصير !!! "
قامت لطيفه رمت لي جاكيت خفيف ابيض حق البيت طويل يوصل لركبتي بس مفتوح من قدامه مافيها ازرار
لطيفه : " البسي و ادخلي اخلصي "
جوليا : " بس ذا مافيها ازرار كيف اقفلها ؟ "
جنان : " يختي اتحركي روحي عساس ريان ميت ف جسمك عشان يطالع فيها امسكيها بيدك و مارح تنفك "
اتوترت انو صار الوضع جد و رحت وقفت قدام باب المجلس و افتكرت الموقف الـ صار لي بغرفته و اتوترت اكثر
جوليا بين نفسها : " هيا جوليا انتي قدها م عليك منه اكيد نايم و ع طول خذي المفتاح و اطلعي سهله "
و قمت افتح الباب بشويش و م دريت انو نوم ريان خفيف مرهه
و دخلت بشويش و المجلس كان ظلام بس كان ف اناره ف زاوية الغرفه شغاله يعني باين تفاصيل الغرفه بشكل خفيف
و شفت ريان منسدح ف الكنبايه و حاط يده اليمين ع عينه مغطيه و يده الثاني فوق بطنه و الملفات و الابتوب كان فوق الطاوله جنبه
مشيت ع اصابع رجولي ونا مغطيه نفسي ب الجاكيت ماسكته بقوه عشان م ينفتح و رحت وقفت قريبه منه
يوم وصلت عنده اتأملت فيه لا شعورياً جسمه كيف مشدود حتى و هوا نايم م يرتاح !! و لبسه الـ لاصق ف جسمه و عضلات جسمه
استوعبت انها دخلت عشان المفتاح جولي ركزي تكفين مو وقتك
و دورت و بين الملفات بعيني بس م لقت شي
و شفت جواله و مفاتيح سيارته ف الجهه الثاني يعني تحت راسه بس من الجهه الثانيه يعني لازم امد يدي من فوقه و اخذها يعني كان حيموت لو تركها فوق الطاوله !!!
دعيت م يصحى و قربت منه بشكل كبير و نزلت ف مستواه و وجهه كان قريب مني مرهه و اول م مديت يدي اخذ المفتاح الا شخص يمسكني من خصري و يقلب الوضع و يخليني تحته
قفلت عيني بسرعه من الخوف و الفجعه و يوم فتحتها لقيت ريان يناظر فيني
بأستغراب و عينه كل شوي ينزل لشفايفي
من التوتر ولا شعررياً عضيت شفتي و نزل نظره و شافني
و شفته يبلع ريقه
ريان : " انتي ؟ "
جوليا بتوتر و غباء : " انت مو نايم !! "
ريان ناظرني بهدوء طبيعي قاعد يفكر وش جابني هنا  !!
ريان : " كنت نايم الين م وحده دخلت زي الحراميه المجلس "
جوليا : " بس م طلعت صوت !! "
ريان : " صوت الباب !! "
جوليا بصدمه لا شعوريا : " لا عاد انا بنت و نومي مو خفيف لدرجة ذي "
و ريان قعد يتأملها اول مرهه يشوفها ب القرب ذي المره الـ فاتت كان قريب منها بس م قدر يشوف ملامحها عشان الظلام
بس المره ذي قادر يشوف كل شي فيها عيونها الواسعه و هيا مصدومه و خشمه الصغير و المرفوع خدودها المحمره من الخجل شفايفها
المليانه و الصغيره توهه ينتبه انها حلوه
و بعد م ريان قلب الوضع الجاكيت الـ كانت لابستها عشان تستر نفسها انفتح كله و ريان عيونه نزل لجسمها و جوليا انتبهت لشي ذا
جوليا : " بعد عني ي حقير ي وسخ "
ريان ببروده : " انا حقير و وسخ !؟ مين داخل المجلس الـ نايم فيه و لابس ملابس مفسخه !!! "
جوليا بصدمه : " ويش تقصد ي حيوان اني داخله اغريك !؟ "
ريان قرب مني مرههه لدرجة حبست انفاسي من التوتر و ناظر لشفايفي و رجع نظره لعيني
ريان بصوت ثقيل : " لو مو داخله تغريني اجل ليه داخله بطريقه ذي ؟ "
م عرفت ارد عليه من قربه و اتوترت و م قدرت اقول اني
داخله اسرق المفاتيح صح المفاتيح !!
و بلحظه انشغاله فيني مديت يدي بشويش اخذها ونا ادعي انو م ينتبه
و ريان كان قريبه منها و ريحتها كان
يجنن اول مره يذوب ع شخص بطريقه ذي
ع طول مديت يدي و اخذت المفتاح و حطيتها ف جيبي بدون م ريان ينتبه و ريان كان ناوي يلف يشوف ويش اخذت ع طول
لا شعورياً حطيت يدي ف رقبته و شديته لي اكثر لدرجة خشمنا
لصق ببعض
جوليا بجراء : " لو قلت ايوا داخله اغريك ويش رح تسوي "
شفت ابتسامته من كلامي و قرب من اذني
ريان بهمس : " م انصحك ي حلوه "
جوليا بعناد : " ونا م احتاج نصايحك ي بيبي "
ريان ضحك ضحكة عند اذني سرق فيها قلبي !!
اول مره اشوف و اسمع ضحكته
ريان : " جوييي العناد "
رحت عند اذنه بجراء و بصوت مثير
جوليا : " اعجبك م عليك "
و ع طول بسة خده و ريان ارتخى جسمه و ع طول دفيته و كنت ناويه اشرد بس نسيت انو قدامي محقق ف المباحث محد
يقدر يلعب عليه ريان قام ع طول و سحبني و طحت ف حضنه
ريان ببتسامه : " ع وين ليه مستعجله "
جوليا بتوتر : " خلاص كنسلت م ابي اغريك بروح عند البنات "
ريان : " اجل قبل لا تروحي هاتي الـ سرقتي "
جوليا بتوتر : " سرقت ويش ؟ "
ريان : " رح تعطيني ولا اخذها انا ؟ "
جوليا : " م سرقت شي !!! "
ريان ببتسامه : " الحين اوريك ويش سرقتي "
قالها و مد يده ع خصري يتحسسها ونا من صدمتي كنت ابي اتكلم و العنه بس ريان ع طول قفل فمي بيده
ريان بهمس : " هششش قلتلك هاتي م اعطيتني ف خليني اخذها بطريقتي "
و كمل يتحسس خصري بعناد و دخل يده ف جيب البجامه و طلع المفاتيح و جابه قدام عيني يحركها
ريان : " نفسي اعرف ويش تبغين تسوين فيها ؟ "
جوليا بقهر : " كنت ناويه اسرقها مرههه عجبتني السياره "
ريان بضحكة و ذا ثاني مرهه يضحك قدامي ونا ذايبه ب الضحكه و نسيت اني مقهوره منه
ريان : " لو خبرتيني كان اعطيتك هيا فداك "
جوليا بعناد : " م ابي منك شي بعد شيل يدك "
و ريان بعد عني ونا ع طول طلعت برا الغرفه و قفلت الباب وقفت قدام الباب امسك قلبي اول مره يجيني الشعور الحلو ذا
جوليا مع نفسها : " لا ي جوليا ياويلك وربي ياويلك الا ريان تكفين م بقى احد غيره عشان تحبيه "
قلتها و هديت نفسي و رحت عند البنات
لطيفه : " بشري وين المفتاح ؟ "
روان : " تكفين قولي انك جبتيها "
الا يجيهم صوت ريان
ريان : " طريققق "
ايلا اول م سمعت صوته طارت للمطبخ ونا بعد كنت ابي اروح معاها بس جنان مسكتني حالفه تعرف السالفه ويش صار و ريان طلع
ريان بهدوء : " لو ناوين تخرجو خبروني اخرجكم مو ترسله وحده تدخل زي الحراميه عندي عشان تسرق المفاتيح ع العموم
انا برا البسه و اخرجه "
قالها و خرج و كلهم يناظرو فيني بصدمه
روان : " قلنا اطلبي م قلنا اسرقي "
جوليا بقهر : " كان نايم يوم دخلت ف قلت اخذ المفاتيح و اخرج بس ويش عرفني انو نومه خفيف لدرجة ذي يصحى ع صوت الباب خير
والله لو انو انا "
جنان بضحكة : " لا تقارني نفسك فيه انتي لو البيت بكبره ينحرق م تدري عن الدنيا ونتي نايمه "
قلبت عيني ونا افكر كيف عرف اننا ناوين نخرج !! و ايلا طلعت من المطبخ يوم سمعت انو ريان خرج
لطيفه : " قومو قومو فشلتونا عندو يلا خلونا نخرج "
جوليا : " م ابي اخرج بنام انبسطه بدوني "
روان : " اقول امشي بلا دلع قدامي "
م كنت ادلع بس نفس الوقت م ابي اواجهه الـ صار ف الغرفه مو قليل ايلا مسكت يدي
ايلا : " اقول وربي لا تروحي معانا امشي بس "
جنان : " وربي لو م رحتي مني رايحه حتى انا "
بتأفف قمت طلعت لبست عبايتي مع البنات و خرجنا عند ريان كان قاعد يستنى بسيارته
جنان جنب ريان و ورا جنان ع طول روان بعدين ايلا و لطيفه و ورا
ريان انا
ونا قاصده اقعد وراه عشان م يشوفني ولا ونا اشوفه
ريان بهدوء : " على وين ناوين تروحه ؟ "
جنان : " كوفي نطلب قهوه بعدين بنمشيهم شويه و نوريهم الرياض و
نرجع بس "
ريان هز راسه بطيب و حرك و هوا كل شويه يناظر بالمرايه الـ قدامه و يناظر لجوليا و هيا تناظر من شباك السياره  مو منتبه له ولا تدري انها قعدت ورا و هوا يقدر يشوفها و يتأملها بعد
حركت عيني كنت ابي ارد ع لطيفه كانت قاعده تكلمني
بس جا عيني ع عين ريان هوا يناظر فيني اتوترت و شالت عيني ع طول و صدقوني يوم اقولكم لمحت ابتسامته و كمل سواقته
وقف و طلب لنا قهوه و مشي يورينا الرياض كان ف بالنا انو الدنيا نايمه
و رح يكون شوارع الرياض هاديه بس انصدمنا
ب زحمة الرياض حتى و هوا اخر الليل و كملنا اخذنا كم لفه و رجعنا البيت و ع طول جريت بغرفتي و البنات لحقوني و كل وحده دخلت غرفتها
الا جنان سحبت روان معاها ف غرفتنا
يوم شفتهم داخلين كذا جنان قاعده تسحب روان و روان تقولها هدي شويه لا اطيح
جوليا : " شسالفه انتي و هيا ؟ "
جنان : " والله الشي ذا انا ابي اعرف من امس و هيا كل م مسكت جوالها تبتسم  تضحك و فرحانه شسالفه ؟ "
روان : " احسدوني الحين ع ضحكتي و فرحتي كمان وي "
جوليا : " ي جعلها دوم الفرحه يارب بس حتى انا انتبهت شسالفه ؟ "
جنان : " نعرف الحركات ذي م يسونها غير الـ عندها حبيب زي فردوس "
روان و هيا رحت انسدحت ف السرير ببتسامه
روان : " طيب يمكن حتى انا عندي "
انا و جنان ناظرنا بعض بصدمه و نقزنا عندها فوق السرير
جوليا : " اتكلمي بسرعه "
جنان : " لا تلعبي ب اعصابنا اهرجي "
روان : " اهخخ بنات مو مصدقه احس اني بحلم "
قمت ضربتها بكتفها و جنان تكه و تذبحها ميته من الفضول
روان : " طيب اسمعو تخيلو ويش صار امس "
جنان : " ويش صار اتكلمي "
روان خبرتنا كل شي صار امس بس اتوقع انها م قالت كل شي حرفيا
جوليا : " ياويلي كيف نسيت اني احذف الفيد من جوالك "
جنان : " لو حذفتيها كيف كانت رح تشوفه و يطلع الجني الـ فيها "
روان : " كلتراب ي حيوانه انقهرت مدري م حسيت بنفسي الا ونا عندو "
جوليا : " ي الله مو مصدقه طول الوقت ذا قاعد يتكلم عنك انو يحبك و احنا مو فاهمين "
جنان : " ي الله احس اني بحلم و اخيراً رح تصيري زوجي اخوي "
روان : " هب هب هدي شويه اتحمستي عاد مرهه "
و من فرحتنا صرخنا مع بعض
و روان تسكت فينا و تلعنا الا جاها رساله من فارس ونا سحبت الجوال من يدها ع طول
جوليا : " ي الله مسميته حبيب قلبي اهخخ قلبي م يتحمل الرومنسيه "
جنان : " شوفي ويش رسل بسرعهه "
جوليا و هيا تقراء الرساله : " كيفك حبيبي اخبارك والله اسف انشغلت اليوم مره توي فضيت و راجع البيت اشتقت لك لو فاضيه اقدر ادق ابي اسمع صوتك ؟ "
جنان : " الله الله م عرفت فروس و هوا رومنسي "
جوليا : " امسكوني لا اذوب بدق عليه مدام مشتاق "
و دقيت عليه و روان قامت سحبت جوالها من يدي و طلعت من غرفتنا و هيا مستحيه مرهه