Unicode
"ရော့...ဒါ အဘအတွက်.."
" ဒါက ဟောဒီက ဖိုးခွားအတွက်.."
ငါးရံ့ဆီပြန်ဟင်းကို အဘကိုအရင်ဦးချပြီး ဖိုးခွားလေးကိုအသားလေးတွေနွှင်ပေးကာ ဖဲ့ထည့်ပေးသည်။
ဖိုးခွားလေးက ငါးဟင်းဆိုသိပ်ကြိုက်ရှာသည်။အဲ့ဒါကြောင့် ကျုပ်လည်း နွားတွေဘာတွေကျောင်းပြီးရင် အချို့ရေတင်ထားတဲ့လယ်တွေထဲ ငါးဖမ်းထွက်ဖြစ်သည်။
တစ်ခါတစ်လေ အဖူးတို့ ပုစွန်ကန်မှ ပုစွန်ထုတ်ကြီးတွေ အဘနဲ့ဖိုးခွားလေးအတွက်ဝယ်ချက်ပေးဖြစ်သည်။
ကျုပ်ကတော့ ကြုံရင်ကြုံတာနဲ့သာစားသည်။
အခုလည်းကြည့်ပါလား သူအရမ်းကြိုက်တဲ့ငါးဟင်းကို ကျုပ်ကထည့်ပေးလို့မျက်လုံးပေါက်လေးတွေပိတ်အောင်းပြုံးပြနေလေရဲ့။
ရင်နင့်အောင်ချစ်ရပါတယ် ဖိုးခွားလေးရယ်။
"စားကောင်းလား... ဖိုးခွားလေး.."
"ဟုတ်တဲ့...ချားကောင်းတယ် တိုကြီးဂမုန်း..နောက်ရက်လည်း တားကိုချက်ကျွေးဦးနော်.."
ထမင်းကိုပလုတ်ပလောင်းထိုးသွတ်ပြီး ပြောလာပြန်သည်။
အစားကြီးတဲ့ ဝက်ပုတ်လေးပဲ။
" ဒါပေါ့ ကိုကြီးနောက်ရက်လည်း ချက်ကျွေးမယ်နော်..အဘကကော ဒီနေ့ထမင်းစားမြိန်ရဲ့လား ဘာစားချင်လဲ နောက်နေ့ ကျုပ်ဘာချက်ကျွေးရမလဲ"
"အမူးသမားရဲ့ လက်ရာကတော့ အရင်အတိုင်း.. စားကောင်းနေတာပဲ မင်း အလုပ်နဲ့ ဟင်းချက်တာတော့တော်သားပဲကွ ဟမ်...ငါ့သား"
"အဘရာ... ကျုပ်တော်တာတွေမှအများကြီးပါ။အဘ ကသာမသိလို့.."
ကျုပ်ပြောတော့ အဘက သဘောကျသလိုခေါင်းတဆတ်ဆတ်ညိမ့်၏။
ကျုပ်ပြောတဲ့အထဲ ရယ်စရာများပါသွားလို့လား။
ထမင်းစားသောက်ပြီးတော့ ကျုပ်ကအိမ်ရှေ့ရေစည်ကိုသွားပြီး ပန်းကန်တွေသွားဆေးတယ်။
အိမ်ပေါ်ပြန်တတ်လာတော့ ဖိုးခွားက အဘ နားကပ်ပြီးဘာတွေကပ်ချွဲနေလည်းမသိ။
"ဖိုးခွား...အဘကို ဘာတွေပူဆာနေတာလဲ"
"သွား...ဖိုးခွား ပြောချင်တာ အဘကို ခွင့်မတောင်းနဲ့ သားကိုကြီးဂမုန်းကို သွားခွင့်တောင်းချေ.."
YOU ARE READING
ကြမ်းကြမ်းရမ်းရမ်း ဂမုန်းပန်း( Complete)
Romance" မောင်ပိုင်တဲ့ ဂမုန်းပင်ကို သေခြင်းတရားကတောင် လုယူပိုင်ခွင့်မရှိဘူး.. " သစ်မင်းမောင်..
