الْخَطَايَا السَّبْع الْمَمِيتَة {جحيم رغبات}

الفصل الثالث

الكاتبة مها
الْخَطَايَا السَّبْع الْمَمِيتَة {جحيم رغبات}

الفصل الثالث

حبيباتي تعليق بين الفقرات كلش متحمسة اشوف تعليقاتكم الحلوة وردودكم صوتو ونشرولي رواية على حساباتكم واكون كلش ممنونه احبكم هواي  🥰😘

عين : تقدم بتجاهي بخطوات بطيئة وايدي بجيوبة وكف كدامي بكل ثقة وعيونه تتجول علي تنفس بعمق كسر الصمت وكال

أيار..بصوت خافت متردد ..اجيت حتى اغير الضماد

عين ..حنيت رقبتي ورديت بهمس متوتر "ما أريد اغيرة"

أيار..رد بحدا وصلابة.مو بكيفج هاي عملية ولازم أغيرة حتى لا يلتهب الجرح ممكن تموتين لا سامح الله  ..

عين ..عقدت حواجبي بحدا وغضب ورديت بسخرية ..جان اني ميته لو ما تبرز شجاعتك وتنقذني "

أيار ..رد بثقة وبصوت هادئ ..هاي انسانية و حتى لو وحدة غريبة تتعرض لهيج موقف جان نقذتها قبل لا يرفلي جفن

عين .. قوست شفايفي وجاي أرد ونفتح باب غرفة اهلي" بردة فعل غريزية بسرعة بتعدت خطوات وتنفست بضطراب " طلعت امي وهي تلبس الحجاب وسلمت على أيار هوا اخذ العلاكة وسحبني من ايدي دخل للمخزن وفتح الضوا عيونه بهدوء تجولت على المكان بالكامل " تمشيت بهدوء وكعدت صدر صوت صرير من الجرباية وصار صدى بالغرفة امي كعدت بالكاع وهي تعدل حجابها ونعاس مبين على اهدابها

أيار ظل واكف أتعجب على هدوئة عكس قبل جان من يدخل على مكان مثل عاصفة هوجاء يخرب الجو" تذكرت ملامحة الغاضبة المنتقمة لو من يريد بس يحصلني حتى يقتلني اليوم بجسده الطويل وملامحة الرجولية الخشنة وبشرة بيضاء وعروق يد بارزة" واكف كدامي ويريد يغير الي ضماد وخايف لا اموت يمكن هو ما خايف عليه بس هاي إنسانيته الي تحثه عليّ"  فتح العلاكة وطلع المعقم والضماد تقدم ونحنى مقابيلي انفاسة الحارة لامست بشرتي الباردة التوتر زاد عندي راد يرفع تيشرت بحركة لا إراديا  لزمت ايده ومنعته هو حط عينة بعيني وخزرني بحدا التفتت من سمعت صوت امي

ام عسل .كالت بأمر بنبرة متعبة .بنتي خلي يشوف شغلة

عين ..وخرت ايدي وتمددت درت وجهي بتجاه الحائط أنامل ايده الباردة لامست بشرتي الحارة بلعت ريكي بصعوبة وكلبي صار يدك بسرعة وهو بلش يعقم بس روحي فرفحت من الوجع وردت استفرغ بس ولا دمعة وكعت مني ابتعد مني و وكف

أيار..إن شاء الله الشفاء العاجل

ام عسل..الله يوفقك ابني

أيار. الله يوفق الجميع بس سوي الها شي تأكله لان هبط ضغطها وأهم شي شوربة والعصير حتى ترجع عافيتها وانتي عين التزمي بالعلاج

عين..هزيت راسي بنعم وهو طلع وامي ورى شوي ورجعت جايبة شوربة ولبن وكرصة خبز كعدت يمي وهي وكلتني حسيتها تعبانه وكلساع تتثائب كلش متأذية بسببي واني ذرة مشاعر ما عندي احس روحي غادرت جسدي الى المنفى .شوي وكتلها..ماما شبعت وانتِ روحي نامي مبينه نعسانه