{جحيم رغبات}

الخطيئة التاسعة عشر

The seven deadly sins
الْخَطَايَا السَّبْع الْمَمِيتَة {جحيم رغبات}

صدمة لا مو بس صدمة ختلطت عندي كل المشاعر وتمنيت ما سامعة هذا الكلام نزلت يم رجليها واني اباوع الها بتوسل وكلت ..خليني هنا خدامة كلشي اشتغل وانظف وكلشي اسوي حتى امكيج البنات بعد بس لا تخليني اروح وياهن

صاحت وحدة منهن ..شنو هذا الحجي لج انت لوما وحدة كح.... رجلج ما يبيعج انت مو اشرف منه

كامت تريد تتعارك وياي والمرة أشرت الها تكعد بأشارة وحدة نخرست وكعدت وباوعت عليه وكالت. اني تنازلت عن مبلغ ضخم مو شي بسيط رجعي الي ضعفه واخلي سبيلج

كلت الها بتوتر ..شكد شكد ..ما حجت شي دارت وجهة وكالت بأمر ..بنات حضرنها لو تروح وياجن لو تروح جنازة للنجف

طلعت وعافتني بالكاع متحطمة كامن البنات ورفعني من عكسي بدون روح بس جثة ما اعرف شنو مصيري اخليهم يكتلوني وابقى عار بنظر اهلي لو ابقى عايشة واعيش القدر الي سوى الي العا....ر ذاكر لو شنو اسوي يربي ما بقى عندي ذرة عقل تعبت من تفكير وماعندي كل قوة حتى ادافع عن نفسي

لحظات واجتي الماكيرة وخلت الي مكياج وسرحت شعري البنات طلعو فساتين سهرة وكله جديد بعدهم بالجيس اني دگات گلبي تتسارع وكل شوي اكول كون ينغمي عليه يارب بس أتوسل حتى أفقد الوعي

حسيت ألم بروحي و اذكرت اخر مرة نغمة عليه خلت جكارة بزندي وصرخت مفزوعة ومن يومها صرت اخاف يغمى عليه صار لي تعذذيب جسدي ونفسي

ومرة حبستني حتى للحمام ما اطلع وهواي شغلات أذت نفسيتي وكفت ونزلت اني اول وحدة جان هذا ابو حواجب الثخينه وعيونه حادة وغامقة حسبالك خال كحل وجهة حاد حسبالك مرسوم بموس

باوعلي بعيونه المظلمة وكال بأمر : كعدي

كعدت مقابيلة واني افرك ايدي بتوتر وهو جان يشرب بجكارة

بأمر : كافي لخاطر الله وترتيني وياج

وكفت ايدي بصعوبة واني اباوع للكاع احس عاصفة هوجاء براسي

باوعت عليه برجاء وكتله بدون تفكير : انتقم لي من ذاكر وشتريد انطيك ..جنت اقصد فلوس أو بيت ..

باوعلي بنظرة جانبية  يتفحصني وكال ..كلشي تنطي بسهولة ؟! 

هزيت رأسي بتأكيد وثقة واني اقابلة بنظرات حادة عيوني بعيونه

نفثت دخان بوجهي وكال

اني حرگت المعارض وكل السيارات الفخمة بعد شتردين

ابتسمت بشر : وحيل وأبو زايد اريد تحرك بيته وياريت وهو موجود حتى يحترك ويه

: عادي كلش سهلة بس بشربط

: وهو ؟

بأي وقت وكلشي اريد تنفذين بدون حرف والا انتِ بعدج جديدة و صح ما تعرفيني اني منو بس بعد الايام راح تعرفيني زين