{جحيم رغبات}

الخطيئة الفصل التاسع

الْخَطَايَا السَّبْع الْمَمِيتَة {جحيم رغبات}

الفصل التاسع

تصويت قبل القرأة

مابين الهذيان والواقع يخوض عقلي أكبر الصراعات لا أعرف ايهما يجذبني إليه والى من انتمي كل شي أصبح وهم واختلطت الأوراق لاسقط بينهم وأنا لا انتمي حتى لنفسي

بقلمي

الكاتبة مها

عين :توتر موطبيعي اصابني وصرت بحالة صدمة وكآنما الاحداث السيئة تحيط بي من كل الاتجاهات لحظة استيعاب مثل البرق خطفت بعقلي وكآنما ينبآني برسائل الله لي ويگلي هاي اشارات وتلميحات آنو ممكن بيوم دمرج بس آني وكل عادة ارجع للواقع وما مستفادة من كل هاي تلميحات والاشارات فركت بآيدي وصوبت نظراتي بتجاه زهراء الي شامخة راسها وابد ما تهتم لو صارت نهاية العالم ما تجيها ذرة خوف قوست شفاهي وجاي ارد وجان يسبقني صوت زهراء وهي ترد

زهراء : وجهت نظراتها على عبير وگالت ..هههههه لمار حبيبتي هاي هنانه طالبة جديدة بصفنا واليوم كعدت بصف عين وعين كلش ضايجة منها المهم ..دارت بنظراتها باتجاه عين وكملت .. لا تخافين اني راح احجي وياها واخليها تروح لغير رحلة تكعد وتفض السالفة ..

عين : اجتي وسحبتني من ايدي ومشت وياي واني ما مستوعبة شصار وكدرت تقنع عبير لو لا تنفست براحة واني ارجع لصفي وكعدت وزهراء عافتني وكعدت وهي تبتسم

زهراء : غصبن عليج اعرف شصار اليوم وشنو حجيتي وي لمار ولا تنسين الي ايد بسالفتكم وشلون التقيتي بي يعني مصيرج بيدي

عين : بلعت ريگي بتوتر مدري أخاف من زهراء لو من لمار لومن وجودي بكل هاي دنيا الي بدآت تضيق عليه من كل ركن اجتي المدرسة وبدت تشرح واني بالي مو يمها اشرت عليّ وگالت

المدرسة : گومي عين شرحي المادة

عين : رغم شتات الي صابني كمت واني اشرح ولا كآنو قبل ثواني جنت بعالم ثاني ابتسمت المعلمة وگالت

المدرسة : ولو جنتي قبل شوي مو ويانه بس شكلج محظرة بالبيت كعدي

عين :كملت تشرح بس هالمرة بقيت اركز وياها صارت الفرصة ثانية وما طلعت بقيت گاعدة بمكاني تالي طلعت من خلص دوام واجتي زهراء تمشي سريع وعقدت ايدها بآيدي الواضح ماكدر اتخلص منها

زهراء : أي خانو عين ما تسولفين

عين : حجيت الها شصار صبح وياي

زهراء: ارجع واگول انتِ مو قليلة

عين : وصلنا البيت خالتي جاي افتح الباب وگلت برتباك ..وهسه شنو اسوي

زهراء :يحتاج أفعال مو كلام

عين : بعدم استيعاب..يعني شلون