{جحيم رغبات}

الخطيئة الحادية عشر

الْخَطَايَا السَّبْع الْمَمِيتَة {جحيم رغبات}

عين : شعرت بقصف الدم من اذني ونصدمت وفتحت عيوني تشنجت رقبتي من الارتباك وماكدرت أتحرك من الصدمة بلعت ريگي حتى اكدر اجاوب عبير وأكلها شي بس لگيت نفسي ساكته وهي رجعت لمكانها واسمعها تضحك ضحكتها استفزتني كلش وصلنا للقاعة اني تنفست بضطراب اخذت جنطتي وابن روز أخذته مني لأن نام وأيدي تشنجت نزلنا ودخلت نزعت الشال والصاية جانت القاعة هوسا فتت وكعدت يم خالتي هي تجنن وكاعدة بأسلوب حلوة شخصيتها قوية اني كعدت وعيني موجهتها على عبير الي كل شوي تشاقة بصوت عالي وي بنات عمي بقيت كاعدة توترت شلون تفق وياي حتى يشوفني شلون راح نلتقي وشلون عبير الي عرفت وشنو خطتها ليش ما حجت البارحة وياي ، افكار تروح وتجي عقلي نسطر دفعت الكرسي وكمت رحت امشي بشرود شي يكلي روحي  احجي وي عبير و شي يكلي عوفيها لا تصير مشكلة عبير من نوع إذا احجي وياها بهمس أصيح بصوت عالي وتلفت الإنتباه غيرت مسار مشيي ورجعت كعدت يم خالتي هي حست عليه

روز ..عين بيج شي اشو متوترة

عين ..لا مابية شي متوهمة .. ابتسمت بهدوء..وبقيت كاعدة بس رجلي تهتز بتوتر شوي ودخلت ابنيه من الباب اعتقد نادلة ودخلو وراها هواي بنات وصارن يخلن العصير والكيك على الميز وبعدين دخلت عسل جانت تجنن لابسة بدلة وردية فاتح وهي بيضة طالعة جنها كيكة كلها كامت واشتغلت الاغاني صارت الأجواء حلوة تقربت مني بنية ابتعدت عنها حتى تقدم الكيك جان تنزل يم وجهي وتهمس ..لمار منتظرج برى تعاي وياي ..

اني رجفة سرت بجسمي وكفت

روز ..وين عين

عين ..رايحة للحمام الابنيه تدليني

روز ..تمام لا تتأخرين هسه يجي مهدي يلبس عسل النيشان

عين .. تمام..طلعت وي الابنيه جان تدخل بالمصعد اني تفاجأت ..وين ماخذتني

تعاي شبيج

عين ..نعاد عليه شريط ذكريات من جنت وي زهراء كلت اكيد هاي نفسها

لا تخافين لمار منتظرج ومحضر الج مفاجئة حلوة هو وصاني اخذج اله

عين هزيت راسي بلا جان تخابرة هو فتح خط بسرعة حجت ويه ونطتني الموبايل

لمار ..عين شبيج خايفة ترى اني لمار وما راح أسويلج شي يزعج

عين ..بصوت خافت ..تمام ..صعدت واخذتني للغرفة دكت الباب ابتسمت وراحت ثواني ونفتح الباب جان لابس بذلة سودا ورفع شعره نازع نظراته ابتسم واشرلي ادخل اني دخلت هو لزم كف ايدي وحتضنه بكفة ايدي ضاعت بين أيده ضغط بكل خفة وسحبني طفة الاضوية والغرفة صارت تجنن باضوية الشموع سحب الكرسي كعدت ودفع على كيف قربني من الميز فتح ازرار السترة وكعد بكل هدوء كأنو رجل هارب من رواية خيالية ابتسمت بلطف وكتله ..شنو هذا ..