{جحيم رغبات}

الخطيئة الثامنة عشر

The seven deadly sins
الْخَطَايَا السَّبْع الْمَمِيتَة {جحيم رغبات}

ولو ماكو أي تفاعل على البارت السابع عشر بس شسوي وإذا ما نشرت تلوموني

ماكدرت استوعب الي گالته للحظة وگف زمن عندي فاتحه عيوني وحلگي وصافنه عليها عقلي بعد ما فكر ولا صدگ الي تگولة بقى بس يردد الكلمات الي گالتها

تقربت مني ونحنت مقابيلي بمستواي

كل الي يجن مثلج هيج ينصدمن بعدين يحلو عليهن الجو ويحبن المكان لا تخافين اني موجودة وكلشي راح اعلمج

عين .نطقت بالگوة وشفايفي ترجف ..شنو تحجين أنتِ لحظة خليني استوعب اكيد اني بحلم ،باوعت بعيونها وفتحت عيوني على وسعهم وصرخت بصوت عالي بحيث حبالي الصوتيه حسيت تقطعت ..لجججج شتگولين انتتتتتتتتِ ..شمرت نفسي عليها وملختها تملخ هي اضخم مني وگعت بالگاع واني اضرب بيها واخرمش بيها ماكدرت تتحرك دمي محرؤگ وغضبي عباره عن بركان وثار عفتها من البنات دخلن دفعتهم وركض برى باوعت بيت كلش جبير ما عرفت منين الباب ركضت من درج نزلت واباوع بنيه واكفه على درج دفعتها وكملت طريقي نزلت وعثرت رجلي وكعت على وجهي وما تأثرت كمت دخلت للمطبخ و طلعت من الممر جان مثل ترك ما اسمع الاصوت الباب نقفل ركضت بساع والگه رجال جبير محتدا ملامحة ولابس اسود ركضت الزم الباب جان يرفعني ويشمرني بالگاع حسيت جسمي تكسر باوعت عليه ودخت كلش غمضت عيوني بس مو فاقدة الوعي لا ادراكي موجود بس حسيت الوگعة سلبت كل طاقتي حسيت نرفعت بالهوا ودخلني للبيت ويحجي وي البنات بكل غضب وصوت جهوري رج البيت شمرني على تخم هذا الحسيته وعيوني بعدني سادتها خايفة افتحه خايفه اكون بكابوس ما اعرف شكد مر وقت وين اني وين وصرت الزمن متوقف بس عقلي واعي وجسدي بحالة سكون تام بلعت ريگي ناشف كلش عطشانه جان اسمع صوت ابنيه بقربي

هاج هذا مي وهذا اكل

تخبلت كأنما عقلي ما يستوعب الكلام والصوت يعني هاهيه اني صرت أبيت ...... ياربي ساعدني مالي غيرك اني شنو ورطني وشجابني هنااا

گومي اكلي لگمة وشربي مي عوفي تمثيل عيونج دا تتحرك

عين ..رفعت نفسي واشوف بنيه شابة شعرها اسود طويل صاحبة جسم ممتلئ بلعت ريگي بصعوبة وكتلها بصوت أشبه بالهمس واني خايفة هواي ..وين اني وليش هنا ..

بأستغراب ..يعني ما تردين إنتِ ليش هنا

عين ..حركت راسي باستنكار ..لا مادري ..واني اوصل كلامي بالهمس وخائفة لا احد يسمعنا ويجي بس هي تحجي طبيعي بصوت هادئ

شلون ما تردين وانتي جاية برجليج لهيج مكان باعي حبيبي صح بالبداية جنه مثلج بس هسه شغله صارت عادي يعني ترقصين وتاخذين فلوس موجود بيت واكل وشرب وحتى تتقربين بس من الي يعجبك محد يجبرك بس اذا خالفتي أوامر الباجي هنا هي راح تعاقبج