{جحيم رغبات}

الخطيئة العاشرة

الْخَطَايَا السَّبْع الْمَمِيتَة {جحيم رغبات}

الكاتبة مها 🤎 العامري

ها عمي شنو كلتي موافقة تزوجين أيار ؟

هاي الكلمات الي رددها حسيتها حبل ولف على رگبتي وخنگني اريد افتح حلگي حتى اجاوب ماكدر امي كالت

ام عسل ..خجلت خجلت خليها براحتها تفكر

ابو عسل ..اني نطيت كلمة ابو أيار ماكو داعي تسئلها

عين ..بقيت صافنه بس اسمعهم كلمات ابوي أذتني يعني شنو ما الي قرار هاي حياتي اني اخذت نفس بهدوء سحبت نفسي وطلعت من الاستقبال رحت لغرفتي وكل عادة شمرت نفسي على جراباية ونمت

حسيت نفسي مصخنه بقيت اتگلب وحرارتي ترتفع جسمي ثلج وبردت حضنت نفسي واني ارجف عصامي صارت توجعني وگلبي يدك سريع حسيت شخص فوگاي بالگوة درت وجهي ناحيته جان هوا بعيونه وماعنيه القذرة لزم ايدي ورفعهن فوگ جنت بحالة كلش تعبانه وماكدر اقاومة أو ادفعة صرت اصرخ بهستيرية ابتعد عني وخر عني نفتح الضوا ودخلت امي حضنتني حضنتها ابجي

ام عسل ..يمه اسم الله شبيج يربي صاير بيج مصخنه ولج صايرة نار

ابو عسل ..ها شكو شبيها

ام عسل ..مصخنه ترجف

ابو عسل ..نأخذها مستشفى

ام عسل ..لا راح انطيها خافض حرارة واغسل الها

عين ..بقت امي يمي كل شوي تجيني هلوسات خوف على توتر المشهد كل شوي ينعاد عليه اقاومة أبعدا عن تفكيري قلقني لدرجة ماكدر استوعب الي صار للصبح امي يمي تسويلي كمادات شوي وطلعت ورجعت جابت ريوك بيض وحليب اكلت شوي

ام عسل ..لا ترحين للمدرسة اليوم اخذلج إجازة

عين ..لا اريد اروح إذا ابقى هنا يزيد عليه المرض

ام عسل ..براحتج بس ديري بالج على نفسج

عين ..تمام

ام عسل ..كولي إن شاء الله مو كله تمام

عين .. ابتسمت بهدوء رحت سحبت وبدلت وطلعت للمدرسة هالمرة عبير وياي بس وحدة ما تحجي وي الثانيه داومت وزهراء ماكو ما مداومة اخذت دروس ونطونه جدول امتحانات نص سنه الأشهر مرت بكل سرعة انطوني شهادة ناجحة كل دروس بس درجات مو قوية كل سبعين ثمانين بس قواعد تسعين فرحت على الأقل ما طايحة بدروس اخذت شهادة ورجعت للبيت لاكتني عبير تضحك

عبير ..طلعت ناجحة وانتِ شطلعتي ؟

عين ..ناجحة

عبير ..صدك ؟!

عين ..اي صدك ليش اجذب

عبير ..ها مبروك

عفتها ومشيت خطوات