{جحيم رغبات}

الخطيئة الخامسة عشر

The seven deadly sins
الْخَطَايَا السَّبْع الْمَمِيتَة {جحيم رغبات}

ترى البارحه جانت عدنا فاتحه جدو و حيل تعبانه وسهر ورى صلاة بساع نمت وحتى نسيت انشر البارت اعتذر كلش

ثاني يوم قررت ارجع وگلت هاي اخر فرصة ممكن اقدمها بس اول شي اجتني فكرة وبسرعة قررت اباشر بيها 

سويت حساب فيس جديد بس دخلت بريد الكتروني جديد وبعدين نزلت منشور بگروب عقارات وكتبت محتاجة بيت ٧٠ متر او ١٠٠ ويكون سعرة مناسب ومن منطقة كذا أو قريب عليها وهي منطقة زراعية الي ذكرتها وهواي دخلو على الماسنجر وشي بتعليقات كتبو بس واحد لفت انتباهي وكاتبلي هو ايريد يسافر ومستعجل يريد يبيع البيت مصور البيت طابق واحد ١٠٠ متر بس كلش حول وبناء حديث بس يراد بياض وصبغ يعني ترتيبات بسيطة المهم بلشت ارسلة

وگال هو مشتري الگاع وبانيها و علساس يتزوج الي يحبها وهذا جان شرط ابوها بس اخر شي الابنيه هي بموافقتها تركتة وبعدها قرر ايبيع البيت وسيارة ويسافر يطلب لجوء لاوربا المهم گتله بأجر اجي اشوف البيت گال تمام اني نطيت من الفرحة وبعدنا نتعامل على سعر المهم اني جايبة فلوس وياي لأن ابد ما اعوفها بالغرفة اخاف عليهم و رحت الامي وگتلها ..اگلج يمه اريد الفلوس الي عندج

ام عسل .تمام بنتي هسه اطلعهم

عين ..لا يمة مو اليوم بس خلي اشتري البيت بلاول

ام عسل ..تشترين بيت منين و وين

عين ..على كيفج يمه نشرت على الفيس اريد بيت وتفقت وي واحد بأجر اشوف بيته

ام عسل ..يمه اخاف ذولة نصابة

عين ..لا يمة مو نصاب بس اريدج ترحين وياي بدون ما احد يدري فدوة اريد البيت ذخر الي

ام عسل ..بنتي شنو ذخر لعد مو هذا بيت ابوج المن

عين ..يمة كلشي يصير المهم عندي بيت ملك

ام عسل ..زين نروح اني وياج بس ناخذ مهدي رجل عسل

عين .يمه شبيج اگلج محد يدري

ام عسل ..الولد فقير واني أكله لا تحجي نشوف البيت وتكتابين وي رجال وفضت راحت يشوفنه بس نسوان وانتي صغيرة يطلعنا سالفه يبوگنا كلشي يصير خليها عليه والبيت الج

عين ..شفت حجي امي كلش صح وگتلها ..تمام هاهيه بأجر نروح ساعة ١٠ صبح نشوف البيت

ام عسل ..زين لعد واني ادز عليه واگله اريد بشغلة وبعدين احجي ويه ونروح بساع بس صدگ يا منطقة وبيش

عين . بمنطقة ...... زراعي البيت بس بي إقرار محكمة و .....مليون وهو طابق واحد يعني ويراد شغل

ام عسل..اها زين يمه سعرة مناسب

عين . اي يمه زين كملنا سوالف وبعدين دخلت جوا واني أردد أدعية وايات قرأنيه للعصر طفيت من نعاس ونمت