الفصل السابع
الغرور ((الكبرياء))
الْخَطَايَا السَّبْع الْمَمِيتَة {جحيم رغبات}
⬇️
كعدت على سرير بهدوء وأيدي نزلت براحتها تتلمس الشرشف الناعم عطر الغرفة يفتح النفس وكل شوي يعلى ويهبط صدري واتنفس بكل راحة كأنما اشوف الدنيا حلوة لأول مرة ......كلشي تغير بحلظة وكأنما حدثت معجزة بحياتي وغيرت مجرى حياتي بالكامل ..قبل سبوع اني واگفة اختار الغرفة وأكول بسري هذا مجرد حلم مجرد خيال وراح تزلگ رجلي واصحى من الحلم بس !! ..
انتبهت لشكلي بالمراية انسانة متغيرة لأول مرة انتبه لعيوني مسحوبة وحادة ورموشي كثيفة ولون البني مثل القهوة ..
آيار .بصوت أجش"شكولاة داكنة
عين .قلصت عيوني ورديت بأستغراب "ما فتهمت ؟!
آيار .تألقت عيونة بلمعة غريبة ورد بعتراف "لون عيونج
هنااااا حسيت كلشي تناثر إلى أجزاء وكلشي صار واضح بعقلي واني واعية بالكامل رمشت عيوني بصدمة وتمشيت يم خالتي ...
وعيت على صوت الموبايل للمرة الثالثة يتصل واني ما ارد عليه ولا أريد أرد" لازم ابتعد عنه اني خايفة من تطور علاقتنا ومستحيل أعثر بالحجر مرة ثانيه والا اكون اكبر غبية بالعالم كلة" طلعت من الغرفة وكأنما هاي وسيلة هروبي كلما يتصل عليّ آيار رحت يم خالتي بالمطبخ تسوي بالعشا وابنها مكعدته بكرسي طعام اني كعدت على الميز وگمت الف بالصاج وهي تگلي من انتبهت لوجودي ابتسمت وكملت اني كملت البقية وخليتهم بالمجمدة وهي كملت الاكل وخلته على الميز وكعدنا ناكل هدوء شغلت تلفزيون على قناة ام بي سي تو تحب الافلام الأجنبية وعلى الواهس صرت اباوع وياها كملنا العشا هي شالت ابنها تغسل اله وگالت ..
روز ..خالة عين انتي غسلي المواعين
عين ..تمام ..شلتهم وغسلتهم بساع ورحت للغرفة جان ماعندي تلفزيون طلعت دفتر كلش حلو اشتريته من المكتبه وكعدت اكتب بي وارسم بي همزين كضيت وكت بي رجع رج الجهاز اول ما طلعته ودخلت خالتي شمرته جو الكتاب وخليت المخدة عليهن گلبي صار يدگ بسرعة وخوف
روز : أردفت بهدوء.. ها عين بس اجيت اكلج ابني نام وگلت تعاي نسهر على فلم
عين ..بأبتسامة خافته تخفي توتر ..تدللين لحظات
روز ..تمام انتظرج
عين ..هي طلعت واني اخذت تلفون واتصلت على أيار ..بصوت خافت .الوو
آيار ..ضحك بستفزاز :اياااا بذاته وين ولج شنو العاف دارة نسى احبابة گولي يا الله لعد لو مسافرة لأوربا يمكن تتبرين من عشريتج كلها
عين ..بستهزءا ..هههههه كملت
آيار ..بحدا ..ولج شنو هالنبرة ...كمل بهدوء ..المهم گليلي شلونج شخبارج ؟
أنت تقرأ
الْخَطَايَا السَّبْع الْمَمِيتَة {جحيم رغبات}
Lãng mạnنزلت درج ولاجني قبل شوي تنازع وي الموت ورجعت حييت ، باوعت كاعدة بكل كبرياء على تخم فخم وتحجي مثل العاهـ....ما شفت منو مقابيلها جفتت للغرفة وهي باوعتلي بعنف كالت بصوت صاخب ...هييي انتي شنو جابج هنا ولي فوك لحد ما تصيرين زينه عين ..كعدت على ركبي وبم...
