{جحيم رغبات}

الفصل الخامس

الفصل الخامس

حبيباتي تصويت قبل القرأة
وتعليق بين الفقرات متحمسة هواي اقراة تعليقات مشاركة للقصة واكون شاكرة الكم هواي 🙈😘

الْخَطَايَا السَّبْع الْمَمِيتَة {جحيم رغبات}

خطيئة الإنسان الحنون هي ظنّه بأن الكل مثله، فيعطي بغزارةٍ حتى يُصبح فارغًا من كل شيء .

⬇️

عين ..اني كعدت بهدوء وأيار طلع الحلويات شي بداخلي منزعج اتمنى اختفي لو اروح لمكان ما بي أي أحد واقدس نفسي و وحدتي وبس تعبت نفسيتي من العالم وهاي بعدني صغيرة لعد من أكبر شنو راح يصير بيه المهم صارت ضحك وسوالف واني بس اباوع ما أشارك جان يضرب رجلي أيار بشقة وگال

أيار ..بضحكة قوية ..لج دضحكي هي دنيا خربانة

عين ..ابتسمت اله وباوعت لاخته جاحظة عيونها علينا اني دنكت رأستن وكمت اكرز حب بهدوء صارت بالوحدة وكام أيار كال نروح امي ما قبلت كالت ابقى بات بس هو أصر سلم علينا أخته مشت گدامة اني گمت وراهم

ام عسل .أمرت بصوت ناعس...بنتي عين سدي الباب وقفلي وراهم

أيار ..تصبحين على خير عمة

ام عسل ..وانت من أهل الخير ابني

عين ..طلعت اختة اني وگفت لزمت الباب أيار جاي يطلع ورجع خطوة للوراء طبع بوسة خفيفة على شفايفي اني جمدت بمكاني على أثر الصدمة حسيت كانما صاعقة من سماء توجهت عليه وگفت جاحظة عيوني هوا ابتسم بعيون حادة سحب الباب وغلقة ورى لزمت خدي وقفلت الباب درت وجهي واشوف عسل بصدمة تباوعلي تخضب وجهي بالحمرة وتغلغل الاضطراب إلى قلبي واني اباوع عليها مشخصة گدامي تقدمت بتجاهي سحبت نفس عميق وگالت

عسل .بصدمة .عين الي شفته واقع لو خيال

عين ..شل لساني عن الحديث كنست نظراتي باتجاه الأرض بس عسل الها موقف آخر ظهرت انيابها وهي تعصر اكتافي وتگول

عسل ..بجدية وحدا..عين ديري بالج توگعين بفخ أيار" هذا ملعب ويريد يوگعج بورطة الها بداية وما الها نهاية لج نسيتي هذا منووو أيار هذا الي سلبتي حياته وحلمة وحتى وظيفته وطردوه من العشيرة لا يضحك عليج ويسوي نفسة بريئ وهو يريد ينتهز الفرصة حتى ينتقم منج

عين ..كلامها هزني بالصميم بقيت اراجع المواقف وكلامنا ونظراته الي فصلت عن الواقع واني بداخل افكاري وعيت على هزا بجسدي وعسل هي السبب باوعت لي بحيرة

عسل ..نظرت بتعنيف وأكملت بقسوة ..أيار سوالج شي هددج بشي گليلي حتى اتصرف والا هالمرة موتج لا محالة

عين ..جفلت داخليًا من قسوة كلامها..دفعت ايديها من على جسمي ورديت بحدا عكس الصرخة الي تندفع من گلبي ...عسل انتبهي شنو تحجين اني عين فهمتي مو ادبسززز وثاني شي أيار يكرهني و مستحيل يتقرب مني واصلا اذا شافني بمكان ينقرف مني اصلا اني منو يحبني لو يكن مشاعر الي وحدة سمرا ومو حلوة على شنو يقتل نفسة حتى يتقرب وينتقم جنت طفلة يوم صارت العركة والكل نسى الموضوع