{جحيم رغبات}

الخطيئة الثانية عشر

The seven deadly sins
الْخَطَايَا السَّبْع الْمَمِيتَة {جحيم رغبات}

مها 🤎 العامري

مرت الايام وبعدها حسيت بشعور الحمل ورحت حللت وفعلا طلعت حامل عيالي كلش فرحو وخالتي أكثر وحدة بالليل حضرت نفسي وسويت أجواء بالغرفة شغلت شموع وحضرت اكل للسهرة نتظرته هواي لحد ما گمت اغفي طفيت شموع ونمت

كعدت على صوت ذاكر وهو يعيط فتحت عيوني بتثاقل واني مخنوگة واشوف الغرفة مشتعلة نار صدري كلش مختنگ دخل ذاكر ورفعني طلعني برى خالتي تصرخ بهستيرية وتصبح الابنيه ماتت ذاكر عاط

ما ماتتتتت هاي عايشة

صاح على اخو صغير واخذوني للمستشفى بعد ما جاب طفاية الحريق من السيارة وطفى الغرفة كل هذا واني احس نفسي بحلم حاطين عليه العباية بالسيارة وبس الاضوية اشوفها كل شوي اسمعه يحجي وي اخو ويگله

ذاكر .. وحدة غبية مشغلة الشمعات ونايمة بالله لو البيت كله محترك

اتذكر كلش زين قبل لا اغفي نفختهم لأن مليت حسيت ببرودة سحبت الغطى وطفيت تلفون ونمت بس ما عرف يمكن متوهمة أو جزء من حلمي

وصلنا للمستشفى خلولي جهاز تنفس ونطوني إبرة وعلگولي مغذي بقيت ثاني يوم ورجعوني للبيت دخلت شفت الغرفة نصها محتركة ذاكر وإخوانه طلعوها وشمروها وخابر واحد يجي يصبغها وكل شوي يباوعلي بأعصاب حسيت غير شي مو عصبي بسبب الغرفة لا شي ثاني تنفست بعمق ورحت اطبخ لگيت خالة تسوي

مريم ..روحي رتاحي اني راح اسوي الغدة اخذت إجازة اليوم

عين ..هزيت راسي بدون حيلة ورحت كعدت اخذت تلفوني على الميز بالاستقبال شفت هواي اشعارت من الفيس وبنيه مراسلتني ممكن نكون صديقات الابنيه تقريبا اعرفها من الكروب دوم تنشر و تتواصل وي الاعضاء واني يمكن مرتين نشرت وهي تدخل تعلق وتجامل اني ما گلت لا جنت كلش محتاجه صديقة بهذا الوقت بعيدا عن اهلي وزوجي بارد  وياي وكأنما بس روبوت يتحرك كلش محتاجة بشر احجي ويه وافضفضله رسلت الها وگلت اتشرف اكون صديقتك وهي سلمت عليه وذاك السلام الحار دخل ذاكر وشاف جهاز بيدي

ذاكر ..گومي حركي نفسج ونظفي الغرفة راح يجي الصباغ

مريم .عوفها تاكل لگمة وبعدين تلحك

ذاكر ...بعصبية ..يمهههه اني ومرتي وانتي كومي نظفي بساااع

فززني صوته كمت اخذت المكناسة ورحت انظف ختنگت كلش من رماد كنست الغرفه ورشيتها مي ومسحتها اني حارة من ناحية الشغل مو فاهية غسلت ايدي ودخلت للصالة جاي ياكلون كعدت باوعلي بخزرة تجاهلت نظراته وكمت اكل

ذاكر ..نظفتي زين الغرفة لو كلاوات

رديت بصوت ناصي ..نظفتها زين اكلت بهدوء واني حتى ما اباوع عليه تجاهلته كلش صار كل شوي يعصب مني يريد يستفزني بأي شكل بس اني ارد بكل هدوء وبرود وهذا شي يخلي يتخبل مني صار واضح هو الي يريد مشكلة وياي