{جحيم رغبات}

الخطيئة الرابعة عشر

The seven deadly sins
الْخَطَايَا السَّبْع الْمَمِيتَة {جحيم رغبات}

مها 🤎 العامري

عين ..قريت اسم المرسل وتنفست برتياح ورديت ..هلو خالة شلونج ؟

مريم ..لج عين وينج صار يومين ماكو

عين ..وين قابل غير بيت اهلي

مريم . صاير بينج وبين ذاكر شي متعاركين وما تحجون

عين ..لا ماكو شي بس نفسيتي تعبانه شوي

مريم ..ياعيني تمام براحتج من تحتاجين شي تصلي عليه بس

عين ..بس شنو

مريم ..اني ما اريد اكول بس والله لمصلحتج لا تعوفين زوجج هواي هو يحتاج مراة واكيد اذا شاف مكانج خالي يروح لوحدة غيرج

عين ..تسلمين خالة .

گلت هيج وغلقت تلفون هي ما تهتم لوجودي اصلا عندها صفحة بالفيس ما مؤكولات گبل تتصل ويجيها سفري كبب بورك لحم بعجين وتترس المجمدة وأكلها كله بالمطاعم وزوجها مكضيها لو بالمعمل لو كله عزايم نادرا ما اشوفة بالبيت وذاكر لازم شغل وي ابو لو فترات يأخذ استراحة ويسافر وهم عزايم اغلب الوقت وجودي يمهم مثل عدمة من غير زهراء الي تريد تنتقم وتأخذ ذاكر ماتدري راح انطي الها على طبق من ذهب واخلص منه ويارب اخلص منهم اثنينهم عاجلا غير اجل

واني دا افكر دخلت عسل بيدها علاليك حلويات

عسل ..هاج رتبي الحلويات واني اسوي الاندومي صدك شلون تحبي

عين ..اريده ناشف وعليه ليمون وإذا زبادي وزلاطة بعد اطيب

عسل ..زين لعد رايحة اسوي بس عينج على البنات اني اشوف عبير شلون تحب واسوي

عين ..هذا الحجي واني كاعدة بغرفتنا القديمة لأن عبير اخذت غرفة المخزن الي سويته بس مسويته احلى من قبل وديكور حلو ورفوف ومعلكه شاشة صغيرا بيها نت بس بدون تلفون لا بابا ما قبل يصير عندها اني كلش حبيت بنات حتى تمنيت وحدة تبجي واسكتها.

ورى نص ساعة دخلت عسل وراها عبير اني عفت تلفون وأخذت صينيه نزلتها وأخذت صور الاكل وايدينا خليتها ستوري فيس وكتبت سهراية بنات بعدين اخذت صورة واني اقرب شوكة من حلگي مبين نص وجهي وهم خليتها ستوري.

عفت تلفون وكمت اكل براحتي ومتونسه وي البنات شغلت عبير مسلسل تركي بنات شمس وكلش حلو بقينه كاعدات لصلاة الصبح دخلت امي ونصدمت

ام عسل ..يايا شوف شلون هاي لهسا كاعدات

عسل ..يمه سهراية ولا تتكرر

عين ..يمه الله عليج كعدي خلي نسولف

ام عسل ..ولج خلي اروح أصلي صلاة الليل يادوب الحك راح يأذن الفجر

عسل ..يتقبل الله اني هسه اكوم انظف المطبخ واصلي وانام .

ام عسل ..اي عفيه بنيتي قبل لاا ابوج يكعد