{جحيم رغبات}

الخطيئة السابعة عشر

The seven deadly sins
الْخَطَايَا السَّبْع الْمَمِيتَة {جحيم رغبات}

ام ذاكر ..والله عذريني يا ام عسل مرينه بظروف صعبة وحترگ المعرض وراح كل تعبنه وهسه زوجي مريض بالفراش وذاكر نفسيته تعبانه واني زعلانة هواي من تصرف عين هي بنتي واني ركضت بيها بليلتها وخيطنه جرحها ومعتبرتها بنتي وأكثر وسئليها شلون تعاملي وياها وحتى گلت ذاكر هاي حوبة الابنيه فقيرة وعلى نياتها حرگة كلبها والله حرگ گلبك وحرگ المعرض وتوقف شغلهم واني جايه هنا اريدها تبرى ذمة لذاكر وهو جان اجه بس كلش مستحي منكم وأبو مريض ماكدر يجي

ام عسل ..الله يكفيكم الشر يارب ويعوضكم خير اعرف بنتكم وهي تحمد بيج دوم بس تصرف ابنكم مو اول مرة وتعاملة وياها كلش مو زين يغلط ويسب ويعيب على شكلها

ام ذاكر ..ما تسولف الي واني احجي ويه بس هو دوم شقاه ثگيل ابني وأعرفه هو يحبها ويتماده وياها

عين .جانت تحجي وهي منكسرة ماخفي فرحتي بداخلي لأن ذاكر حترگ گلبه بس نقهرت على أمه لأن تستاهل كل خير هو وأبو المهم بقن يسولفن بالصالة وشاكر كاعد يم ابوي يسولف ويه

خالتي گالت يلله بدلي تجين ويانه ردت بس اروح واشوف ذاكر العار شصاير ويه فضول قتلني بدلت بساع ولبست فستان وخليت مكياج ولفيت شال وطلعت خالتي گالت يلله طلعنا سلمت على شاكر خطيه بقت عبير وحدها تشتغل لأن ورى العشا شربنا جاي وطلعنا

گلت هسه تسب وترجع ليورى رجعنا للبيت اول ما دخلت لغرفتي شفتها على حطتها خليت ملابسي بالكنتور وشغلت شاشة على مسلسل ورحت برى افتر شفت كلها بغرفها خليت ورجعت لليل ذاكر ماكو كالعادة لفيت راسي ونمت كعدت على دگة خفيفه على الباب الغرفة ظلمة وهدوء ..منووو

مريم ..بنتي گومي تسحري

عين ..اي خالة طفرت اخذت شال وطلعت لگيت خالتي تگلي رحت ساعدتها وصبنه چاي وكعدنا نتسحر سلمت على ابو ذاكر جان كلش تعبان و وجها اصفر المهم تسحرت غسلت المواعين وصليت بقيت كاعدة اتراسل وي وردة

صورتلي بيتها وكالت هي وحيدة امها وهي موظفة وحالتهم كلش زينه هواي سوالف حجت ونطتني عنوانها اخاف فديوم ازورها وصارت دزلي صورها ولحت عليه كلش تريد صورتي عندي صور من عرس أيار وفيديوات كلش حلوة و واضحات رسلتهم الها وهي كلش تعجبت بجمالي

بقيت كاعدة للصبح خالتي طلعت لدوام والكل راح لشغالة اني طلعت سقيت الحديقة وبقيت كاعدة كلش حبيت الجو وأخذت صور للورد والعصافير وأخذت صور الي بالمرجوحة نفتح الباب وخفق گلبي عرفت بي ذاكر

دخل اول ما شافني حتدت ملامحة

ذاكر ..بصوت عالي ..لچ انتِ شجابج هنااااااا ؟!

عين .بكل هدوء رديت ..امك هي جابتني

ذاكر ..هسه تولين منين ما جيتي يلله برى يلله