{جحيم رغبات}

الخطيئة الثالثة عشر

The seven deadly sins
الْخَطَايَا السَّبْع الْمَمِيتَة {جحيم رغبات}

هلو عمري خلص شتراك نت اعتذر تأخرت عليكم

الغضب

عرفها "دانتي" : حب الشخص الطبيعي للعدالة تحول الى عاطفة اثمة حاقدة وساعية للانتقام الاعمى ..مرتبطة بالشيطان "آمون" وهو ملاك ضال قائد احد ألوية شياطين "لوسيفر"...الغضب مرتبط باللون الأحمر

((أنا الغضب.. لم يكن لي أب أو أم.. قفزت من فم
أسد حينما كان عمري لا يكاد يتجاوز ساعة واحدة..
ومنذ ذلك الوقت وأنا أجري حول العالم بزوج السيوف
هذه وأطعن نفسي عندما لا أجد من أقتله.. لقد ولدت
في الجحيم.. ولا أزال أراقبه.. لأن أحدكم سيكون أبي.))

مها 🤎 العامري

عين ..صحيت واني اعرف منو سلبلي اماني استقراري طفلي عرفت ذاكر جنت مأمنة زوج بيت امان ماريد شي زايد غير آمن نفسي ومستقبلي وعندي كلشي اكدر اشتري اكدر اطلب الأشياء الي اريدها حتى ما فكرت اكمل دراستي ، نسحب كلشي مني كأنما نسحب بساط من رجلي وكعني وصحاني من غفلتي ، والأشياء البسيطة صارت مستحيله بنظري كمت امشي بصعوبة صار عندي فطر بالفخذ وكسر بالأيد والتواء بالرقبة أخذت وقت طويل أتعالج صرت أعرج وامشي على العكازة بس اضغط على نفسي وامشي عدل مو عين الي تنكسر ويصيرون يشمتون بيها بقيت يم اهلي شهرين وأبوي وامي ما قصرو وخالتي كل فترة تروح وتجي وماعرف حساس عندي يكول هي تعرف بذاكر اخواته زارني مرة وحدة اول اسبوع وذاكر اجه مرتين بس مرة جاب حلويات وعشا سلم عليه واني منصية وجهي حتى ما باوعت بوجها خله فلوس جوا المخدة وطلع ومرة ثانيه اجه سلم وراح

وبعدها ابتعد مني وحتى أتصال أو رساله ما دزلي

ومن رجعت للبيت گالو مسافر واعرف كلش زين اكو وحدة بحياته واني مطشنة صار شاغلي ومشغولي شلون احرگ گلبه واكسره مثل ما كسرني .

ما گلت لاحد زلگت بزيت على درج بقيت ساكته بس نار توج بصدري مرت الايام وصرت صديقة لوردة جان اسم صفحتها وماحبت تحجي عنها اي شي

بقيت متحفظة بأغلب اموري واحجي الها عن يومي وشغلي وبس إلا أن بقت تلح ليش غبت ذيج الفترة وين رحت وحجيت الها عن كلشي وشنو ذاكر حجه وياي وهددني بس ما كلت الها اريد انتقم وغيره اقترحت اقتراح غريب وكالت

ليش ما تشردين احسنلج من هاي العيشة هذا ناوي يقتلج

بقيت دقائق صافنة على ردها وخوفي زاد اذا فعلاً ناوي يقتلني لأن اخر مرة من وگعت طلعت من الموت

وفوگاها اهلي الي بتلو بيه و بقيت يمهم وبالأخص امي خطية هي تعبت وياي يلله بعدين رجعت لعيالي وهو مسافر الافندي . بقت الفكرة دور بعقلي خوفي زاد شلون افكر بهيج موضوع اني عندي أهل إذا صار شي اروح الهم واستقر يمهم