Super God Gene (356)
နတ်ဘုရားကမ္ဘာက ဟန်ဆန်း
ဆောင်းသစ်(သံတွဲ) ဘာသာပြန်သည်။
-------- --------- -------- ------- --------
အခန်း (၃၅၆)
-------- --------- -------- ------- --------
ဟန်ဆန်းဟာ
သူ့ရှေ့က သတ္တုစပ်သေတ္တာလေးကို ကြည့်ပြီး အံ့အားသင့်သွားတယ်။ သူ့အဖေ လေယာဉ်မတော်တဆဖြစ်ပြီး သေဆုံးသွားတာကို သူအမှတ်ရမိတယ်။ လူတွေဟာ သူ့အဖေအလောင်းမှတပါး ဘာကိုမှ ရှာလို့ မတွေ့ခဲ့ပါ။ ဒါကြောင့် သူတခုခုချန်ထားခဲ့တယ်ဆိုတာ ဘယ်လိုလုပ်ဖြစ်နိုင်မှာလဲ။
ဟန်ဆန်းတယောက်
ဇဝေဇဝါနဲ့ စိတ်ရှုပ်ထွေးသွားတာကို မြင်တော့ သူ့အမေက ပြောလိုက်တယ်။
"မင်းအဖေက ဒီသေတ္တာကို မတော်တဆမှုမဖြစ်ခင် ၂ရက်အလိုက ပေးခဲ့တယ်...။ သူက ပြောခဲ့သေးတယ်...။ ဒီသေတ္တာက တနေ့နေ့မှာ မင်းအတွက် အသုံးဝင်လာမယ်တဲ့...။ မင်းက အရမ်းငယ်သေးတော့ ငါက မပြဘဲ သိမ်းထားခဲ့တယ်...။ အခု မင်းက အရွယ်ရောက်ပြီ...။ အမှားအမှန်ကိုလည်း ခွဲသိပြီ...။ ဒီတော့ မင်းကို ပေးဖို့ အချိန်တန်ပြီလေ...။''
"ဒီသေတ္တာက အဖေဆုံးတာနဲ့ တခုခုပတ်သက်နေလား...။''
ဟန်ဆန်းဟာ ရင်ခုန်သွားတယ်။
လိုစုဟန်က ခေါင်းခါပြီး ပြောလိုက်တယ်။
"ပတ်သက်လား...၊ မပတ်သက်လားတော့ ငါမသိဘူး...။ မင်းအဖေလို လူတယောက်က အကြောင်းပြချက်မရှိဘဲ ဒီသေတ္တာကို ထားခဲ့မှာ မဟုတ်ဘူး...။ တခုခုကို မင်းအဖေ သိသွားခဲ့ပုံပေါ်တယ်...။''
-------- --------- -------- ------- --------
သူဟာ
နှုတ်ခမ်းကို ကိုက်ပြီး သေတ္တာကို ဖြည်းညှင်းစွာ ဖွင့်လိုက်တယ်။ သူ့အဖေဆုံးတုန်းက သူဟာ ငယ်ငယ်လေးပဲရှိသေးတယ်။ သူကြီးလာတာနဲ့အမျှ ဒီမတော်တဆမှုဟာ ထင်သလောက် မရိုးရှင်းဘူးလို့ ယူဆမိလာတယ်။
သူတိုမိသားစုစီးပွားရေးဟာ
သူ့အဖေရဲ့ စီမံခန့်ခွဲမှုအောက်မှာ တိုးတက်ခဲ့တယ်။ ဒါပေမဲ့ ကြယ်စင်အုပ်စုနဲ့ နှိုင်းယှဉ်ရင်တော့ သူတို့မိသားစုပိုင် စီးပွားရေးလုပ်ငန်းဟာ ကြယ်စင်အုပ်စုအတွက် ဝပ်ရှော့တခုမျှသာရှိပါတယ်။ ထိုစဉ်က သူတို့မိသားစုပိုင်လုပ်ငန်းမှာ ကိုယ်ပိုင်မိုင်းတွင်းတောင် မရှိခဲ့ပါ။
BẠN ĐANG ĐỌC
နတ်ဘုရားကမ္ဘာက ဟန်ဆန်း ( အတွဲ ၁) ( Ch 1 - 960)(ခွင့်ပြုချက်ရပြီး)
Phiêu lưuနတ်ဘုရားကမ္ဘာမိတ်ဆက် အချိန်ခရီးသွားခေတ်မှာ လူသားတွေဟာ တယ်လီပို့နည်းပညာကို တီတွင်နိုင်ခဲ့တယ်။ ဒါပေမဲ့ တယ်လီပို့နည်းပညာနဲ့ တကယ်တမ်း အချိန်ခရီးသွားခဲ့တဲ့အခါမှာတော့ လူသားတွေဟာ အနာဂတ်ကိုလဲ မရောက်ခဲ့သလို အတိတ်ကိုလဲ မရောက်ခဲ့ပါဘူး။ သူတို့ တကယ်ရောက်ခဲ့တာက အ...
