Together With You [ Completed ]

30

Unicode

ဒီနေ့က Boraလေး၏ 7 နှစ်ပြည့် မွေးနေ့ဖြစ်သည်။

Jungkook က သူ့သမီးလေး၏ မွေးနေ့ပွဲအတွက် သူ့ပိုင်သည့် ဇိမ်ခံသ​င်္ဘောတွေထဲမှ တစ်စီးပေါ်၌ မွေးနေ့ပွဲလုပ်ပေးသည်။

ခရီးမှ ပြန်လာပြီးမကြာ၊ မွေးနေ့ပွဲက ရှိလာသည်မို့ အလျင်စလို စီစဥ်လိုက်ရသည်ဖြစ်ပါသော်လည်း ပွဲက မသေမသပ်ဖြစ်မနေပါ။

ခမ်းနားထည်ဝါလွန်းသည့် ထိုမွေးနေ့ပွဲ၌ ဧည့်သည်များအနေဖြင့် Boraလေး၏ အတန်းဖော်လေးများနှင့် သူတို့၏ မိဘများ၊ Jungkook ၏ လုပ်ငန်းခွင်ဆိုင်ရာ မိတ်ဆွေများအပြင် Jungkook ရဲ့အဖေပါ ပါသည်။

ကျန်းမာရေးကိစ္စတစ်ခုခုရှိခဲ့လျှင်လည်း ချက်ချင်း ကုသနိုင်ရန်အတွက် ဆရာဝန်နှင့် ဆေးအကူတစ်ချိူ့ပါ ပါလာသည်။

ဘူဖေးစနစ်ဖြင့် တည်ခင်းကျွေးမွေးသော အစားအသောက်ကောင်းများအပြင် အထပ်အဆင့် ၅ ထပ် ပါဝင်သော ကိတ်မုန့်ခပ်ကြီးကြီး။ ကလေးမွေးနေ့ဖြစ်သည်မို့ ဝိုင်ကောင်းကောင်းတော့ မပါဝင်ပါ။

ဇိမ်ခံသ​င်္ဘောကြီးသည် ပင်လယ်ပြင်ပေါ်၌ တရွေ့ရွေ့ခုတ်မောင်းနေပါသည်။လတ်ဆတ်သော ညလေအေးများကလည်း တလူလူ တိုက်ခတ်နေပါသည်။

ထို့ကြောင့်မို့ Jungkook သည် Tae Hyung ၏ ခါးလေးကို သိုင်းဖက်ပြီး အသံတိုးတိုးဖြင့်

"ချမ်းနေလားအသက်? အပေါ်ဝတ်လေး ယူချင်လား?"

"ရတယ်မောင်။ ငါ မချမ်းဘူး"

Jungkook ရော၊ Tae Hyung ရော မီးခိုးရောင် suitဆင်တူ ဝတ်ထားတာဖြစ်သည်။အအေးဒဏ်ကို ကြောက်တဲ့ Tae Hyungအတွက် ချမ်းနေလိမ့်မည်ကို သူ စိုးတာဖြစ်သည်။

မွေးနေ့သီချင်း ဆိုပေးပြီးနောက် Boraလေးက မျက်လုံးမှိတ်၍ ဆုတောင်းပါသည်။ အသံမထွက်သော်လည်း နှုတ်ခမ်းလေးက ခပ်ထော်ထော်။

ဆုတောင်းပြီးသည်နှင့် ကိတ်မုန့်ထိပ်ရှိ တစ်ချောင်းထဲသော ဖယောင်းတိုင်လေးကို မှုတ်ပစ်လိုက်ပါသည်။

Bora​လေးက မွေးနေ့ကိတ်ပေါ်၌ ဖယောင်းတိုင်တွေအများကြီး ထွန်းရသည်ကို မကြိုက်ပါ။ တစ်တိုင်ထဲပဲ ထွန်းရတာကြိုက်သည်။