روايه صاحب الظل الطويل

البارت الثاني

************************************

منيره : على وين تاخذها
عواض مارد عليها

عواض وهو يكلم جودي : شوفي داخل في رجال ابيك تدخلين وتحضنيه
منيره : انت شفيك شارب الحين
جودي : يبه الله يخليك ارحمني اقتلني اضربني بس لا ترميني كذا
منيره : انت تبي تفضحنا بناتك محد راح يتزوجهن اذا انعرف بالسالفه
عواض : ابي ازوجها وافتك منها مو انتي تبين الفكه منها
منيره : شلون
عواض : بعدين تعرفين .. ورد كلم جودي .. يالله سوي الي قلتلك عليه
بس جودي ما صدقت ابوها .. تعرف انه بيبيع عرضها لاجل المال ولانه محتاج هاليومين ما لقى غيرها

غيداء تمسكت في يد ابوها : يبه الله يخليك
عواض : صوتكم لا يعلى ترى والله لاذبحها واعشيكم من لحمها
سكتت غيداء وسكتت جودي وانقادت لمصيرها ..

وخلى منيره تاخذ جودي خرجت منيره من الباب الرئيسي وفتحت باب مجلس الرياجيل الي من بره ودفت جودي على الرجال .. في هذه الاثناء دخل عواض ومعها القهوه .. واساسا هو سحب الثلاجه والفناجيل وهي فاضيه لانه القهوه ما مدها تستوي

ـــــــــــــــــــــــــــــــــ

الرجال مصدوم من الي جالس يصير بس يعرف البدو ماشاء الله اهل كرم .. بس عاد مو كذا مغثه .. واتفاجئ بالباب ينفتح وترتمي عليه وحده على ساقه ..

"شكلها كانت مسرعه وما تدري اني موجود واتعنقلت وطاحت علي بس حسبي الله عليها عورتني"
هو كان جالس على الارض .. بس اتفاجئ بالبنت .. جلست حضنته وتبوسه على وجه

جودي : الله يخليك لا تسوي فيني شيء الله يخليك ترضاها على اهلك
ما كنت شايف وجهها لانها لاصقه في خدي .. بس حسيت بحرارة دموعها .. ضعيفه على بالها بغتصبها مو داريه اني جالس هنا وانا مقروف وهي اكثر شي قارفتني لبسها كان مره قديم ومقطع وحالتها حالهد..

دخل الرجال عليه وطاح التبسي من يده .. وعرف انه في موقع شبه .." الله يقلعك انتي الحين اللي تغلطين وانا الي راح اتورط"

وقف بسرعه يبي يشرح الوضع .. بس هو كان اسرع وفسخ عقاله وطاح فيها ضرب .. وهو يحاول يمنعه ويفهمه السالفه بس هو ما يسمع شيء .. يحقله ولا واحد عنده غيره ويشوف بنته في حضن رجال غريب..

عواض : اه يالكلبه انت من وين تعرفينه
الرجال : يالاخو تراك فاهم السالفه غلط
عواض و وده يذبح الرجال : انت اسكت واحمد ربك اني مخليك حي لين الحين
جودي وهي تحضن رجول الرجال : الله يخليك لا تسيبني معاه بيذبحني

قالت كلمتها لانها عرفت نوايا ابوها وخافت لا الرجال يتكرها ويزيدها ابوها او ممكن يعرضها على اصحابه .. فقالت لنفسها اعيش مع هالهندي بسلام ولا اني اعيش بذل