روايه صاحب الظل الطويل

البارت السادس

************************************

جودي : إلا صح انتوا سن كم
غزل : توجيهي وانتي
جودي : مثلكم
غزيل : حنا علمي وانت
جودي : مثلكم
غزل : حلوا اجل بكلم ابوي يجيبك عندنا
جودي : بس ما ادري اذا بكمل ولا لا
غزيل : افاااااا تتركين دراستك
جودي : ما ودي بس ما اعرف اذا اخوكم يرضالي ولا لا
غزل : لا تخافين بكلم ابوي واكيد ما راح يقول شيء

ـــــــــــــــــــــــــــــــــ

.. مر اسبوعين ..
في هالاسبوعين الخاله مزون هي اللي كانت تروح مع جودي السوق وطبعاً بتوصيه من البنات انها تشتريلها مثلهم .. وطبعاً البنات يروحون معاهم في احيان بس مو كثير عشان دراستهم .. و خذ جهاد ملفها وسجلتها مزون .. لان السيد جهاد ما يبيها تروح معاه

طبعا ماداومت في هالاسبوعين لان عندها عذر مرضي وما راح تداوم اسبوعين كمان لانه عندها اجازه زواجها

وفي الاسبوع الثاني وصلت ملابس جود وغيداء وامهم و وصلت الكروت لهم ونسيت حتى الابو عطوه كِسّوه .. طبعا منيره ماتت من الغيض لانها توها عرفت جودي وين طاحت وان الخطة جات لصالحها .. وكرهت افكار زوجها الغبيه وقومت الدنيا وجلستها .. بس في الاخير قررت تروح هي وغيداء وجود الفرح وطبعا الابو مو دااااااااري وين الله حاطه .. سهر وشرب وترويج يعني مو فاضي لهالسوالف .. فاضطروا انهم يكلموا لموزين .. وبيجيهم على الموعد

ـــــــــــــــــــــــــــــــــ

.. يوم الثلاثاء ..
قبل الفرح بيوم

ردت جودي من مركز التجميل
وناظرت عمرها في المرايا .. البنت صارت بيضاء وصارت ابيض من اصحاب البيت نفسهم .. يعني لما جات لهم كانت سمره بسبب الظروف اللي كانت عايشتها والبيئه .. وطبعا الاكل وشرب العصيرات الطازجه له دور .. وأكيد الراحه النفسيه .. يعني مو ذيك الراحه ..ب س هي عايش معززه مكرمه محد يطقها محد يكفها .. محد يرفسها .. محد يلعنها .. واهم شيء الاسم اللي يناديها ابوها و زوجته ما يذكر في هـ البيت وهو الخنزيره

في هالاسبوعين ما صارت لها مواقف مع جهاد ولا امه
وفي الوجبات جهاد يتغيب عنها لانه مشغول ويرد متاخر من العمل
طبعا هو ماخذها حجه عشان ما يشوفها .. وغزيل الغدى دوم عندهم بس العشاء عند ابوها .. وسعد راضي بها الشيء .. ومزون بعد .. لانهم يحسون بها بس يشتاقولها وهي تنط لهم كل شوي لان البيتين في حوش واحد

انسدحت و رفعت كم البجامه وهي تتحسس نعومة يدينها .. غمضت عيونها وهي تشعر بالسعاده وتشعر بانها امراءه لها كيانها لها احترامها .. ما عليها في جهاد بس دوم تدعيله لانها هي هنا بسببه .. غمضت عيونها بتنام صح جسمها يحرقها بس معليه بتتعود