************************************
في جناحنا انا و جهاد
وفي غرفتنا
انسدح جهاد جنبي وهو يبتسم
جودي : وش ورا هالابتسامه
جهاد : تعرفين ان بنتك مدلعه
جودي : كيفي بنتي وابيها تتدلع
جهاد : ااخخخ وش نقول بس
جودي : متى تطلع
جهاد : تكونت جفونها وطلعت اظافرها بس وزنها مرررره ناقص ننتظر يومين عشان نطمن عليها وبعدين ان شاءالله بتجي تونسنا
جودي : الا صدق وين بنحطها وقت الدوام
جهاد : عند امي مزون
جودي : هههههه والله اخر شيء بترجع لعملها وترجع لنا عيالنا
جهاد : ههههه لا معليك هي تحب الاطفال حتى امي سمعتها انها بتتقاعد
ـــــــــــــــــــــــــــــــــ
كنت اذاكر وبنتي صايره رجه ما تسكت الا وهي في حضني
لبست شرشفي ونزلت شفت خالتي بست راسها وعطيتها رغد بس هذي دلوعه حيل فضلت تصيح لين اخذتها سكتها وجلست وانا متملله وراي امتحان وهـ الشاطره لاصقه فيني
موضي : الله يكون في عونك لاصقه فيك لصقه
جودي : طيب هي صغيره شلون تعرفني
موضي : الفطره بس هذي مدلعه بشكل اخخخ خاطري اعضها بس صغرها مانعني ما ادري شلون تجلس عند مزون
جودي : هههههههه لا اصلا انا اسهرها طول الليل عشان تنام عند خالتي مزون واحياناً تدق علي وارجع عشان خاطرها
غزل وهي نازله من الدرج : رغوده هنا يامرحبا يامرحبا
وجلست جنبي وهي من شافت غزل دعست 200 في الخط وصارت تبكي بشكل يقطع القلب حتى انها شرقت كم مره
وقفت فيها وانا اهزها
جودي : والله انها تعرف علومك انتي وغزيل في اسير فقالت من الحين اركب جهاز انذار من تقربن تصارخ وهي جربت نذالتكم
كلمت رغد : بس حياتي بس ... و بست فمها وخدها و رقبتها وظليت ابوس فيها وادلع فيها واخيرا رضت علينا بس كانت تشهق كل شوي ...
جلست وانا اقول لغزل : رجاء اكتمي انفاسك بنتي تتاذى منك
فتحت غزل فمها بس موضي حطت يدها على فم غزل ضحكت على غزل وهي معصبه
تقربت من خالتي موضي : خالتي ابيها تتعود عليك والله طفشت عندي اختبار وما ذاكرت
غزل : انا خلصت
لفت رغد للصوت ولمحت شيء احمر وسيده بكت
جودي : غزل واللي يسلم عمرك لا تلبسين شيء صارخ البسي شيء يتناسب مع ديكور البيت
غزل : لا والله انتي اصلا احبسي بنتك فوق وانزلي والله انها مدلعه
جودي : غزوله حياتي رخي صوتك حرام والله شوفي شلون تبكي
رفعتها وابيها تشوف وجهي بس هي مغمضه عيونها وتبكي
جلست وبست عيونه وشفايفها وخدودها وانا اقولها خلاص حبيبي خلاص والله مو انتي بس ياعمري بس
هدت شوي ووقفت
موضي : على وين
تكلمت بملل : بطلع غرفتي واذاكر وهي في حضني الوقت سرقني وانا ما ذاكرت شيء أخاف اني اغيب عن الاختبار ما ادري جلست معها اربعاء وخميس وجمعه خربت علي
دخل جهاد ومبين عليه التعب والارهاق ناظرني حسيت بان في كلام بيقوله غمضت عيوني احس بشيء كايد في عيونه
تقرب مني وباس رغد
شافته رغد ودخلت راسها في صدري
أنت تقرأ
روايه صاحب الظل الطويل
Lãng mạnروايه صاحب الظل الطويل / بقلم الكاتبه إيميلياأمل منقوله لستُ الكاتبة الأساسية ( أتمنى دعمي بالأصوات ، عشان أستمر و كمان انزل روايات جديدة كنت اقراها زمان )
