روايه صاحب الظل الطويل

البارت الثاني و العشرون

************************************

على الساعه 1

كنت اشوف غزل وغزيل وهم يجهزون اغراضهم وانا ودي اروح لها يعني في حياتي مارحت لها اكيد بحزن لاني ما اقدر اروح
غزل : جودي كلمي جهاد يخليك تروحين ويانا
غزيل بتريقه:  لا عيني اخوك يخاف ينام من غيرها
جهاد : وهي صادقه اخاف انام بروحي
.. هذا شلون دخل ومتى ومحد انتبه له. .

غزل : انت من وين جيت
جهاد : من الباب يعني من وين
غزل : لا مو قصدي بس وش هـ الدم
.. ما كنت اناظره بس لما قالت دم ناظرته شفت وكانه متحمم بدم حسيت بغثيان .. بسرعه عطيته ظهري يعني لو بصير طبيبه بيصيرلي كذا .. اف وش هـ القرف بجد ما اقدر ادخل طب ..

غزيل : الله يستر لا يكون احد مات
جهاد : ما اعرف انا ساعدتهم في الجرح بس ما اعرف اذا احد مات ولا لا
غزل : ان شاءالله كلهم يعيشون
غزيل : امين
جهاد : الا صدق رايحين المدينه
غزل : شفت شلون
جهاد : الله وياكم وانتبوا على اعماركم وبطلو هبل
.. ابتسمت غصب عني على تعلقيه ..
غزل : اقول جهاد خلي جودي تجي معنا
جهاد وهو يقلد غزيل : اخاف انام بروحي
غزل وغزيل : ههههههه
جهاد : جودي طلعيلي ملابس على بال مااخذ شاور
وقفت و رحت وانا احس اني متقززه من شكل الدم اللي عليه
جهاد بتريقه ومبين عليه انه معصب : الا ارتحتوا في نومكتم
غزل وغزيل : ههههههههههه
جهاد وهو معصب : ياويل وحده فيكم تعيدها فاهمات
سكتو البنات لانهم يخافون منه لاعصب يتهور
جهاد وهو يصارخ : فاهمات
غزل وغزيل : ايه
وخرج من عندهم

ناظرو بعض غزل وغزيل : ههههههههههههههههه
رد دخل عليهم : انتو هبلات ولا وش في شيء يضحك
وناظرهم وهو ياكلهم بعيونه وهم سكتو
طلع و رزع الباب وراه

ـــــــــــــــــــــــــــــــــ

نزلت الملابس وحطيتها على السرير
وجيت اطلع بس شفته داخل رجعت
جهاد تقرب مني وانا ابتعد لين التصقت في الجدر
جهاد : عدلي اسلوبك وياي قدام اهلي وياويلك وياخراب ليلك لو تطنشيني قدامهم وانا اكلمك ونظراتك هذي عدليها
.. كنت اناظره وانا متقززه من شكل الدم اصلا خلاص برجع ما اقدر اشم ريحة الدم في خشمي مديت يدي ابعده عني عشان ما يقرب اكثر ..
وغصب تقشعر جسمي من كثر ما انا قرفانه من شكل الدم و ريحته
جودي : انزين فهمت ابعد لازم تلصق فيني
ابتعد عني وهو ثاير دخل الحمام و رزع الباب وراه رزع

خرجت من حجرته وشفت خالتي موضي داخله .. ماعرفت وش اقولها يعني انا وهي ما نتكلم الا في الضروريات وبس
موضي : وين جهاد
جودي : يستحم
جلست موضي على الكنبه
موضي : خبريه اني ابيه ضروري

دخلت حجرته وطقيت عليه الباب
جهاد وهو يصارخ : خير وش عندك
جودي : امك تبيك ضروري وهي هنا
بس صدمني خرج وهو في راسه الشامبو وجالس يعدل المنشفه على خصره
جهاد : ابوي صارله شيء
حركت اكتافي باني ما اعرف بجد صدمني بحركته حتى انا ظنيت ان صار شيء خرج بسرعه وخرجت وراه
جهاد : خير يمه ابوي صار له شيء
ناظرتني موضي بقهر
موضي : لا الخير بوجهك بس كمل استحمام وابيك في كلمة راس
ناظرني وهو شوي بياكلني انا وش ذنبي هي قالت خبريه وانا خبرته وهو اللي انفجع ليش يناظروني بلوم وقهر