روايه صاحب الظل الطويل

البارت السابع عشر

************************************

بدأ الترم الثاني وطلبت الخاله مزون تقاعد و واقفولها
اما عني فبعد اللي صار في السابع .. ما كنت اشوف جهاد الا وقت الوجبات .. وهو ما صار يقفل الباب .. انشغلنا بالدراسه .. وايام كثيره انامها عند غزل

غزل : ياويلنا انتي السبب اللي خليتنا نشرد
غزيل : عاد اللي صار صار بس وش وين ندس السيدي
جودي : بتضيعين مستقبلنا وش وش راينا انا لو ماسحبتيني انتي وهي كان مداني في الفصل
غزيل : عادي شفيك
غزل : اقول غزل خلينا نرمي السيدي و نرجع
غزيل : لاوالله كاتبه فيها قصتي وماعندي نسخها غيرها
جودي : افرضي عملوا تفتيش مفاجئ مثل اليوم
غزل : لاهم ما يعملوا الا اذا احد بلغ وحط ورقه في صندوق الاقتراحات

.. طبعا هذا صندوق اقترحات وفي نفس الوقت للبلاغ عشان ما تعرف البنت وهو مكانه قريب من غرفة المرشده الطلابيه ..

غزيل : هذي اكيد انغام انا شفتها خرجت قبل الفسحه
غزل : كان تكلمتي يافالحه اكيد ياعيني الحين يدرون علينا
شفت لوحه شوي بارزه : اقول غزيل هاتي السيدي
ناولتني الدفتر وانا خرجت السيدي وحطيتها خلف اللوحه
جودي : خلاص انتهينا خلينا نرد
غزيل : خاطري في فيتوشيني
جودي : لا والله انتي اللي طلبتي السيديهات وانتي اللي شردتينا والحين
الابله : انتو وش تعملوا هنا يالله قدامي على الاداره
مشينا وراها

غزل : انتي شفيك انبهلتي
جودي : انتي سمعتيها تبيهم يفتشونا
غزيل : هههههه انا قلت خاطري اكل فيتوشيني
غزل وهي تضرب غزيل : وقت وحامك انتي الحين
الابله واللي سمعت اخر جمله : اوه بتصيرين ام وتشردين من الحصص والله شيء يفشل

وصلنا الاداره
المديره : هاتوا شنطكم
غزل : ليش يا ابله
المديره : غزل بدون نقاش ممكن
خرجنا والمراقبه ويانا
غزيل : غريبه وش اللي يخليها تطلب شنطنا
غزل : العلم عند الله
المديره : لو سمحتو كل وحده تنثر شنطتها على كنبه
وسوينا مثل ما تبي واثقين في اعمارنا بس انا شهقت : يييييه
وناظرت غزل وغزيل
المديره : وش هذا يعني البلاغ ما كان كاذب
جودي : والله مو حقتي
المديره : بدون حلفان
جودي : قسم بالله مو حقتي
المديره خذت الاشرطه : تعالوا ورايا وانتو ساكتات
مشينا وراها للمسرح المغلق ودخلت شريط الفديوا وشغلته بس بسرعه سكرته يعني كان موقف ساخن .. ناظرنا بعض انا وغزل وغزيل

جودي : والله العظيم مو حقتي
المديره وهي معصبه : اص ولا كلمه
غزل : ابله صدقينا مانعرف عنها شيء
المدير ه: انتي ما تعرفين بس جودي هي اللي تعرف .. و وجهت الكلام لي .. من مين خذيتيها
جودي : ما اعرف عنها شيء والله العظيم
المديره وهي معصبه : تحلفي بالله وانتي كذابه دام انك تتابعين هـ الافلام عادي عندك يكون الحلف
هذي وش تقول احس اني دايخه من الصدمه اللي انا فيها ولا المنظر اصلا جاب لي الغثيان