روايه صاحب الظل الطويل

البارت الحادي عشر

************************************

غزل وهي ترمي شنطتها فوق مكتبتها وترمي عمرها على سريرها : الحمدلله انتهينا

تذكرت امنيتي انا و جود في اننا نملك سرير ونرمي عليه اعمارنا وضحكت على حالي وعلى امنياتنا
وتكلمت : بس باقي الاختبارت عقب اجازت الحج

ونزلت دمعه غصب عني .. الخاله مزون راحت لمدرستي القديمه وكلمت جود بعد الحاح من غزل وغزيل .. بس خساره التلفون حقنا بس استقبال ولما تحتاجه الحيزبون منيره تبدله وتدق وترد الثاني من تنتهي .. وعطتها جود مواعيد ادق عليها بس كل ما ادق ترد الحيزبون ما ادري وش قصتها نايمه عند التلفون ولا شلون .. بس أنا قلبي مو متحمل بعدهم عني كل هـ المده وكل يوم وانا اشتغل بجناح جهاد ابكيهم كل ركن وكل قطعه في الجناح اشوف امنياتنا المشتركه

جلست وناظرت المكان اللي كانت فيه غزل تركته ما ادري وين ومتى ظهرت بس هي دوم تحترم سكوتي وتتركني .. صار لازم اترك حجرتها .. حملتها همي وهي عمرها ما شالت هم وعمرها ماعرفت ايش معنى كلمة هم .. فكرت واخيرا لقيت حل خذيت ورقه وكتبت سطور وخذيتها ودخلت جناح جهاد و رتبتها وحطيت الورقه على مراية التسريحه .. وخرجت

ـــــــــــــــــــــــــــــــــ

جلست جنب جهاد وناظرت غزل وابتسمت لي و رديت لها الابتسامه .. صار وجود غزيل على الاكل ضروري كل يوم لاجل تخفف من جو التوتر اللي أحس فيه .. هي كانت تتغدى يوم عند ابوها ويوم هنا بس من جيت صارت كل يوم تتغدى والعشاء في بيت ابوها .. وانا انام قبل العشاء واكون متعشيه قبل الوقت والعم منصور ما يدقق علي وقت العشاء .. لكن بدت الاجازه .. الله يستر

منصور : بدت اجازتكم
غزل : الحمدلله مابغت
منصور : ههههه حبيبتي ترى وراها اختبارتكم
غزيل : عمي واللي يعافيك اذكر شيء يفتح النفس على الغداء ما كليت شيء من الفطور
جهاد بجديه : انا ما اعتقد في وجبه بين الفطور والغدى
غزل : ياخي انت دوم كذا زام بوزك ابتسم بتطلع احلى في الصوره
جهاد وهو يسوي عمره يضحك : هههي بايخه عندك غيرها
غزيل : الله يكون في عون العيال اللي بيجوك بيملون منك وعادي انا بستقبلهم مثل ما عمي مسوي فيني
الكل : ههههههههههههههههه

اكتفيت بالابتسامه لان مو من حقي اضحك بس بجد هـ الشي ما ضحكني لانه يخصني والبرنسيسه ترمي قنابل وما تعرف من يصاب ومن بيستفيد ..

موضي وهي تكلم جهاد : الا صدق جهاد متى بنشوف عيالك
انصدمت ما توقعت هالشي منها هي بالذات البي تبي تتخلص من شوفتي .. ولا بس عشان تتاكد انه مابيني وبين ولدها شيء بس أنا متاكده انها ما تعرف